ليش تستغرب حبيـبي وليش يالغالي تشـرُه
----------------------وانت تدري يوم جيتك كنت باتحدى الصعايب
جيت لك بارتاح وانزف لك من الأشواق درُه
--------------------- ماهقـيت انـك تقابلني بشـرهاتٍ عجـايب
تذكر الخوف ابعيـوني ترتعش مع كل جرُه
----------------------خوف لاعيون العواذل تختلق هرج وعطـايب
وتذكر اني قلت تكفـى خلها في غير مـرُه
----------------------مـير اصرارك لشوفي كان يعطيني السـبايب
ذا جزاي اني تحملت الملامـة وشلت وزرُه
----------------------وقلت يانفسي استمـيتي اثـر كان العقل غايب
والله اني من سواتك شب وسط الجوف حرُه
----------------------سـاقني يمك غرامي وظمنـي لـيل المصايب
أشهد انك ماعرفت الزين ومااعطيت قـدرُه
---------------------ومن يقول الشمس تشرق في سماك اثريه خايب
وش خذيت امن المجازف غير حقرانك وشرُه
----------------------والرجـا مالاح برقـه لا ولاهـبت هبـايب
كنت لي بعضي وكلي وكنت لك مجهول سرُه
----------------------لعـنبوا قلـب تعامـى غافـلٍ في وهـم ذايب
عقب هالمأسات شفني مابقى في الخد حمـرُه
----------------------وعودي الريـان جفت نضـرته بظلم الحبايب
عقب ماهنت ابعيونك وانفضح امرك وستره
---------------------مابقـى لك في حـياتي غـير دمـعة قلب تايب
مااقول الا حسـايف يالخفوق والف حسـرُه
----------------------وكـود يالخـفاق تاخـذ درس من قهر النوايب
وتقبلو تحيات اختكم / # بنت الليل #
العرض الشجري
