هذه القصيده كنت ابحث عنها ولله الحمد وجدتها اهديها لمن حسب نفسه
من الرجال الي من اصبح القيل والقال من افعاله ,,,, في زمننا اري رجال او اشباه رجال
اصبحت مهمتهم اعراض الناس ونقل القيل والقال
هذه القصيده لشاعر(((مناور ))) لا اعرف الا اسمه الاول
من عز نفسه عزه الله عن الناس
وانا عزيز وعزتي راس مالي
مانيب من يتبع سواليف بلاس
اعز نفسي عنه وابعد مجالي
مبعد مجالي عن هرابيد الانجاس
اهل الردى ياجعلهم للزوالي
اللي سوالفهم تجي مالها اقياس
افلان قال وقال وافلان قالي
اللي بدون احساس يدفن بلا احساس
لاناشدن عنه ولاقلت غالي
واقول في بعض الرياجيل لاباس
رجال فاالكلمه وباالفعل خالي
يجذبك باالكلمه معا زين الالباس
وتقول هذى اللي يسما الهلالي
ولانيب اعم الناس والناس اجناس
احدن يحوش الطيب واحدن موالي
النفس تبغا طيب الذات والساس
معرب الجدين عمن وخالي
لاحتاس فكري قلت لاباس ياراس
اذكر فعول مبهرين الدلالي
اللي لهم في ساحة الطيب نبراس
نعم الرجال ونعم ذيك الرجالي
افعالهم تذكر على قب الافراس
يذكرهم التاريخ اول وتالي
نعم الرجال اللي تنومس تنوماس
ياطيب فزعتها على كل حالي
اهل المواقف فعلها يرفع الراس
واهل البيوت الشامخات العوالي
وصلاة ربي عد ماهب نسناس
وعداد ماذعذع علينا الشمالي
العرض العادي
