وين كنااا وكيف اصبحنااااا

الكـــــنـــــــج · 17-05-2003, 11:28 PM

كنا نقول لاتقابلنا السلام عليكم والحين هاااااي هاوز افرى ثنق
كنا نقول فمان الله والله يحفظك والحين نقول تشااااو وتيك كير

كنا نقول هلا حياك الله اقلط والحين نقول اتصل على قبل لا تجي

كنا نتفاخر عندنا جد وجدة بالبيت و الحين صار فيه دار للعجزه والمسنين

كنا نقول تفضلوا للعشاء انتم والأهل والحين نقول ممنوع اصطحاب الأطفال

كنا نفرح اذا تعشينا من برا البيت والحين نفرح اذا تعشينا من البيت

كنا نتريق ونتغدى ونتعشى جميع والحين زين اجتمعوا اثنين

كنا ناكل مرقوق وجريش والحين مكرونه اسبكتي أو بالباشميل

كان طموحنا ندرس في الجامعه العربيه والحين طموحنا ندرس بالجامعه بس مو العربيه

كنا ندرس كل طالبين بطاوله والحين كل طالب له طاولتين

كان طموحنا نصير طيارين والحين طموحنا وظيفة توكل خبز

كنا نفرح اذا نزل البردي والمطر نشرب منه ونستعذب والحين ننحاش لايوصخ ملابسنا

كنا نفرح اذا قالوا لنا قربت الاجازه والحين نص عيالنا وبناتنا بإجازه على طول

كنا نهرّب الزقاير تهريب والحين اعتدنا إدارة مكافحة المخدرات

كنــــا وصرنــــا .. وليتنا ماصرن

معنى الغرام · 18-05-2003, 01:06 AM

مشكووووووور اخوي الكنز

وفعلا اشياء كثير اتغيرت واشياء كثير نفقدها

شووق · 18-05-2003, 06:47 AM

السلام عليكم ورحمة الله وبركاته

كلمات جوهريه عميقه تعبر عن واقعنا وحاضرنا الحزين

تغيرنا نحن وليست الدنيا وما خفي كان اعظم

موضوع مميز ورؤيه معبره حقيقيه

اشكرك جزيل الشكر عليها اخي الكريم

بارك الله فيك ,,, ووفقك للخير والصلاح

لك مني أطيب وأجمل تحيه

ودمت بـألف خير

اختك بالله

شووق

الشوق الخالد · 18-05-2003, 08:53 AM

كنا نرتاد المساجد ...والان نرتاد المقاهي

وهذا هو السبب الحقيقي وراء ضياعنا ...

(( ومن يتقي الله يجعل له مخرجا ))

وتحياتي

حــ الود ــلا · 18-05-2003, 10:09 AM

كنا" ود جديد" والحين صرنا "ود نشط "وعقبال الاشراف..(وحدة تحلم)

بصرااااااحة أخوي كلمات رائعة معبرة عن واقعنا الاليم

الله يصلح شباب الاسلام لما فيه خير وصلاح

ومشكوووووووووووووووووووووووووووور اخوي

أختك: حــ الود ــلا

روعة شموخ · 18-05-2003, 11:26 AM

كنا نرتاد المساجد ...والان نرتاد المقاهي

وهذا هو السبب الحقيقي وراء ضياعنا ...

(( ومن يتقي الله يجعل له مخرجا ))
$$$$$$$$$
أخوي المحترم الكنج
كنــــا وصرنــــا .. وليتنا ماصرنا
تسلم على تميز موضوعاتك
جزاك الله خير والله يجعله في موازين حسناتك
قوووووول آآآآآمين

$$$$$$$
أختي معنى الغرام الصوره اللي بتوقيعك مؤلمه وتعبيرها مؤلم
تحيااااتي
اختكم

فهــ2002ـــودي · 18-05-2003, 11:32 AM

يعطيك العافيه!

النبراس · 18-05-2003, 01:53 PM

صدقت

جثــ بلا ـة روح · 18-05-2003, 02:30 PM

أخـــــــــــــي الكنــــــــــــج :

أثلجت أقلامنا على ماخطته يداك 00

جعلتها عاجزة على كتابة رد يليق بما كتبت 00

موضوعك جداااااا رائع ومؤثر 00

مع خالص تقديري واحترامي لك 00

الكـــــنـــــــج · 21-05-2003, 12:21 AM

معنى الغرام
تسلم اخوي على ردك وما باليد حيله غير الدعاء

شووق
تسلمي على ردك الذي اعتز به وصراحه اي موضوع به ردك هذا يعتبر من افضل مواضيع المنتدى من دون منافس ومجامله لما لكي من قيمه ومن ردود تفوق الخيال وتسلمي مرة اخرى على المشاركه

الشوق الخالد
تسلم على ردك وانا في انتظار مواضيعك

حــ الود ــلا
تسلمي على الرد ومبروك عليك ود نشط وعقبال الاشراف

روعة شموخ
آآآآآمين وتسلمي على ردك الاكثر من رائع

فهــ2002ـــودي
تسلم اخوي على مرورك على موضوعي

الكنــــــــــj
تسلم على المشاركه اخوي وان شاء الله اكون عند حسن طنك وان شاء الله اقم افضل ما لدي من مواضيع

النبراس
تسلم على مرورك السريع هلى الموضوع

جثــ بلا ـة روح
تسلمي على ردك الرائع وان شاء الله اكون عند حسن طنك

اخوكم تركي