أبعتذر
لو نزف ليل المدينة
دمع نجماته
بعيوني
ابعتذر
عن كل جرح وجرح
عيا لايفارق
ظنوني
من عذابي
قمت ادور بين صمتي
كل خطوة
تختصر فيني شعوري
واكتشف حزني بذاتي
غلطتي اني رميت الوقت
ماحسبت العمر لحظة
لين انكسر ذاك الامل
وضميت الألم
بكل حالاتي 00!!
*********
مثل الورق محتاج
اسال عن انفاسي
ماانهزم للريح
لو عاند احساسي
لون البحر كذبة
عيا لايشوف النور
ثارت به امواجه
يبكي زمن منثور
مدري متى ترحل
صرخة بوسط النار
حتى معاي تذبل
وانسى اللي كان وصار 00!!
*************
بايدك بداياتي
اصعب نهاياتي
أدري بنيت ضعفي
على جمر الايام
ادري كتبت حرفي
من قسوة اقلام
واللي بقى فيني
ظل يسرقني
يحرقني
ياخذني على سنيني
ماتبين الشمس
لو غفا جفن المواني
كيف اتبع الامس
وفي خفوقي كل اوطاني
أبعتذر
يمكن الاقي
في راحة ايديك
مكاني 00!!
**********
|
العرض العادي
