بسم الله الرحمن الرحيم
السلام عليكم ورحمة الله وبركاته
ام بعد ..
" محاوره شعريه بين الشاعرين / توني بلير وبووش
بلير
الله لايجزيك بالخير يابووش && ورطتنا في حرب صدام ورطه
عزمتني تقول بترول وقروش && بس الحقيقه روحتي معاك غلطه
" بووش خلووها"
يابلير رد العلم عن بوش بن بوش && الله خلقنا للمقاريد سلطه
وابوي عنده للرجاجيل دنبوش && كم واحد شلنا فلوسه ونفطه
" بلير خلوووها "
ابوك والنعمين مير انا مربوش && تموت بالبترول وتحب شفطه
صحيح عندك مال وسلاح وجيوش && مير اتوقع لك تدهور وسقطه
" بوش خوووها "
يابلير كأنك خفت يوم احتمى الهوش && حرام ماتاخذ من النفط شفطه
قبلك ترى شيراك قد راح مكروش && شوفه يصرح كل يوم محطه
" بلير خلوووه "
وراك ماتعطي لشيراك عرموش && تراه مشغلنا بشيله وحطه
وليا انتهى موضعنا نرسل طروش && ونجمع المبلغ من الربع قطه
" بوش خلوووها"
شيراك هذا عنده الفكر مغشوش && فرط علي في مجلس الامن فؤطه
يدزه اليابان والصين ويطوش && ومجهز الفيتو لتحقيق شرطه
" بلير خلووها "
يابوش انا مرهق وخايف ومدهش && وانته تقول الحرب خدعه وخطه
اسراي وأسراك امتلا منهم الحوش && عزالله انه صابني منك جلطه
" بوش خلوووها "
ماقلت كم فيه إذاعات ودشوش && لاتكف المعنى وانا أقول غلطه
وإن قالو علوج واصحابنا جحوش && ماهمنا الصحاف واللي يحطه
وسلامتكم اخواني وخواتي
اتمنى ان الشعر هذا حاز على رظاكم وهو فيه شوية من الظحك بس اتمنى مره ثانيه انه حاز على رضاكم والف الف شكر ...
ملازم الحزن
العرض الشجري
