أبــراج أنت وحـــــــظك ... ؟؟ !!!

[أسير الوله]

شف يالحبيب أنت وحظك .. شف الوقـت اللي أنت مولود فيه واعرف شخصيتك اللي راح تكتشفها من خلال هالصفحة اوكــي .
وعلى فكره بلا لقافه اللي مهوب لك لا تقــراه تفــهم والا ...... أرصعك بالزبيريه ... لا امزح بس .. وطبعا قدامك اسم البرج حقك والتاريخ يالله القلب داعي لك .,.,.,.,.,



مـن 15 محرم الى 15 صفــر : فيـك عناد نصفه يــيــزي ، ومـا تحـب احـد يفـرض رايه عليـك ، وتشــوف الاشخاص الثانيـن ولا شي ؟؟ يعني باختصار ساحب السيفون على ربعك .

من 15 صفـر الى 15 ربيع اول : روحـك مـرحة ، وتحـب البساطه والملوخيــه .. واذا تكدر خاطرك وزعلك احد على طول يدهنون سيرك بكلمتين لأنك طيب وحبوب ومخــفه ، واصل دعاباتك الين الله يدير فلك

من 15 ربيـع اول الى 15 ربيع ثاني : تحس انك مضطهد ومنبوذ وان الناس مطنشينك ،، لكن ولا يهمك اتبع المثل اللي يقول ماكل تطنيشه يتاكل لحمها ، تواجه مشاكل نفسيه بسبب تقديمك في الجامعه عقب صقعة الملف في وجهك الله يعينك القلب داعي لك

من 15 ربيع ثاني الى 15 جمادى اول : ا لتزليب والركبه هوايتك المحببه والمواعيد عندك الله يخلف لكن فيك ميزه زينه هي انك فزوع عيذك بالله من يوم يامرك احد تقحص كنك مقروص ... يخوي اثقل

من 15 جمادى اول الى 15 جمادى ثاني : انت انسان عاطفي ورومانسي وتحب الهدوء بس تقفل معك اذا سمعت زعاق البزران والصجه وتسبب بلاوي اذا ركبت رايك وقامت تقودك الجنيه حقتك .

من15 جمادى ثاني الى 15 رجـــب : طبعك حساس ومرهف ، بس اسمح لي كلمة توديك وكلمة تجيبك ، يرحم والديك خل لك كلمة الحالك لا يلعبون عليك الناس اسعد ايامك يوم الخميس ياحظك مافيه دراسه .

من 15 رجــب الى 15 شعبان : تحــب الكشخة والزكرته يعني لا سمح الله لو يوقع ذباب على شماغك على طول فصخته ووديته غسيل كوي مستعجل ،، مع انه المفروض ان الذباب هو اللي يروح يغسل مهوب انت .

من 15 شعبان الى 15 رمضان : ان كانك مولود في رمضان فعز الله انك غثيث من اولها ما خليت امك تصوم مع الناس ولا شي حسبي الله عليك من آدمي . على العموم حياتك مليئة بالوحوش الأليفه .. انتبه لنفسك

من 15 رمضان الى 15 شوال : انت شخص خفيف عقل قصدي خفيف دم ومرح وفكاهي بس احيانا تجيك مصاله وتستخف دمك في مواقف مال امها داعي .. انضبط احسن لك . مسلسلك المفضل كعبول ورقم الحظ 2 واذا بغيت غيره من خلال الموقع .

من 15 شوال الى 15 ذو القعدة : مشكلتك انك راعي نوم بقوه مع انك ما تسوي اي مجهود لا وزياده على سذا تفرم فرم يروع يعني مالك داعي تعيش بصراحه ،، القيلوله تسبب لك احلام مزعجه عليك بالتخلص منها فورا .

من 15 ذو القعدة الى 15 ذو الحجه : انت كسرة في دراستك ، وشكلك كذا يقول انك شلخة آدمي لكن في داخلك انسان ثاني له طموح ( ايه هين بس ) ولا تهتم بالاصوات الحاقده فقط اثبت لهم انك ماجبت خبرهم ولا عندك باطقع منهم .

من 15 ذو الحجه الى 15 محــرم : تخاف من الليل والظلام وتخاف تنام الحالك لأنه صار لك موقف في الليل يوم يكلـخ عليك القطو الاسود تذكر ؟ المهم حاول استثمار وقتك في لعب السوني وكراش لعل وعسى انك تنسى ذيك الكلخــه .

-------------------------------------------------------------------------------
*r *t *r *t