أزايييييييييييكو ياحلوين؟....مبسوتين؟؟
عاد أقوووووووووولك جاء دور البنات واسماءهم نبي نطلع فضايح اليوم..بس مانبي نزعل اوكي..اوكي
نبدأ أولا برزيقه( لانها سوت طلبيه خاصه)..
رزيقــــــــه: حالمه ... رومانسيه..تصلح في دعايات نيفيا..على بالها انها شهريار زمانها,لها عدد من الدواوين المطبوعه والمقولات المشهورة ومنها (أنا ابنة جلا وطلاعة الثنايا..حين أضع البريقع تعرفوني)....
أمــــل: مملوحه..تنبلع..تحاول تصطنع خفة الدم:..دفشه شوي بملابسها*دقه شعبيه يعني*,ممكن تنتقد اي شي فيها الاااااا كحلها(لا تجيبين طاري كحلها..قولو حلو بس وان كان العكس,كذبه وحده ماثأثر).
أميـــــــــرة: ماتنحب..ماعندها سالفه غير التفيخر اللي مال امه داعي ..تحسب ان الناس يحبونها ولا تراااااااااهم ...أقول بلاش بس.
ايمــــــان: ملكة الاعذار..كل شي عندها بعذر..حتى الكذب أعذارة جااااااهزة بالجيب حاطته.بزر مهما تكبر..كلمه توديها وكلمه تجيبها(ليموزين يعني)..كسلااااانه حتى التلفزيون تغير القنوات برجلها تمدها وطقققق تغيرت القناه...مافحالها تشوف وين الريمونت.
أمـــــــــاني: أمووووووونه زي العسل.. كل شي فيها وعنها يجنن.. طيوبه وعلى نياتها..ماتجرح مشاعر أحد.. لكنها مهفه شوي, وخطها مو حلو.
بــــــــــــــــدور: بدور ذي احترنا فيها بنت ولا كل البنات( يعني نسميها ملاك.. لاهي احلى من كذااا)..متفانيه وتحب كل النااااس بدون اسثناء وبالاخص صاحباتها.. ملسونه شوي تعطيها كلمه تردها لك ميه ويمكن اكثر. تسوي من كل شي تريقه مزحه, لا تغلطون عندها بشي ولا تراها بتمسكها عليكم اليييين تموت وتوصي عيالها من بعدها عشان يتريقون عليكم ..عصبيه شوي.. بدور بنوته حلوة( كل من سمى بدور طلع حلو...أدري خبر قديم هذا). مثقفه ولا تدعي الثقافه, اليقاااانــس, دمها واااااااااايد خفيف وأخر مسجات الجوال واحلاها تلاقينها عندها. ماتعرف تطبخ ولا تعرف من وين تجيه( خيابه). صاحباتها كثااار(والصلاة على النبي) يجون حارة تقريبا.. اللي يجلس معها مايمل... والعهدة على الراوي ..!!
تهــــــــاني: تهاني دايم مالها خلق في شي..ونفسها في خشمها. ماتحب الدراسه وتكره الواجبات كره الموووت.. بالمدرسه ماتحب تشارك وتسأل( تستحي تقول الاخت)..تهاااااااويييل... بس تعالي شوفيها برى المدرسه تلحفك بلسانها.. شعارها كل ممنوع مرغوب وبقوة بعد. وتنسى الدنيا لا شافت وائل كفوري عالتلفزيون..مادري وش عاجبها فيه!!. أهم شي انه يبيلها كورس في كيف تكتم الاسرار وتنكتممممممم.
حصـــــــــــة: تحب تلزق نفسها في كل من هب ودب.. ثقيلة طينه شوي..
أحلى مافيها تمسكها ببداوتها, ودايم على طبيعتها ماتتكلف في شي...أكره ماعلى قلبها رسم خرايط الجغرافيا:(
حنـــــــــــــــان: حنان احترت فيها والله اللي تعرف شي عن طبيعة الحنانات تقولي او تراسلني عبر الاقمار...
خلــــــــــــــــــود ( دلع خوخه دلع).. خوخه تجنن في كل شي.. حتى كلامها وطريقة هرجها.. ماتزعل من اي احد ولا تشيل بخاطرها.. على فكرة ترى هي المورد والمستهلك الاول للدقه( دقه خوخه دقه). تحب لعبة فرووووحه الحلوة اللي تبي تروح امريكا...اكيد عرفتوها من قرونها اصلا تنعرف..شاطرة خلود بدروسها ومجتهده ودايم تذاكر, مادري هي فعلا شطارة ولا بس تبي تبين للناس انها دافورة!!!
رقيـــــــــه: كل ما أسمع بذا الاسم يجي على بالي على طوووول الطقاقات والنقاشات( مادري ليه)..بس ما اعرف عن عالمهم وتركيبتهم السيكلوجيه شي..سوري
رمــــزيه: حلوة الجلسه معها..ماتنمل.. مافي شي يعجبها بسرعه وذوقها شوي صعب.. أحيانا تتكلف بتصرفاتها.. مو اي انسان ترتاح معه.. كل مرة تجلسين معها تعرفين معلومه جديده عن اي شي... لكن برضه تحسينها تحط حواجز بينها وبين الناس....
ريـــــــــــــــــم: هاديه,, ممله احيانا( مو احيانا والله دايم)...بس ضحكتها حلوة.. اللي يبي ينرفزها يقولها بس أسمك كنه لوحة سيارة... وشوفو النتيجه..انا مجربتها!!..قولو لي بعدين وش سويتو, هذا اذا ..اذا ..اذا سويتوها,,,
ربــــــــــــــاب: فيه نوعين من الربابات( والسمسميه*8 )..النوع الاول: ماتعرفك ولا تشوفينها الا وقت اللي تبي منك شي..وتعطيك البكش على اصوله..والمشكله ان الكذبه باااااااااينه( أرانب من الحجم العائلي).. وتعالو شوفو انواااااااع الفشخرة اللي عالفاضي,, علت كبودنا. رباب النوع الثاني: رباب هذا النوع مادري اشلون..ثرثارة وعلى بالها انها خفيفة دم..وانها فاهمه كل شي وماستر في اي شي( رباب عنوني العبي غيرها ياحلوة)..المهم... بس ترى رباب والله تنحب كتير كتير.. كلو نفر يهب رباب .فرفوشه.. فضوليه..كل شي تسويه تزبطه على سنقة عشرة( ولو ان اسمها زي الحجات..بس مشي حالك). تحب التحدي وهي اللي تكسب في الاخر.. يبيلنا نرسلها لشركة ديو للمشروبات الغازيه بالبريد المستعجل..
ســــــــــــــــــالي: سلو أكبر عيوبها انها طيبه بزياده على قولة المريخي( عيبها بس طيبتها خياليه...يازين عذروبها اللي مايشينها)..انسانه مانحب تغلط على احد ولا احد يغلط عليها,,لكل شي عندها حدود ومباديء تمشي عليها.. الضحكه ماتفارقها ابداااا.. عايشه عالبساطه وتحب البساطه..
سنـــــــــــدس: جريئه بارءاها,, تعبر عن أفكارها بكل عفويه.. ماتتكلف ولا تتصنع.. هوايتها دايم الشعر يعني مسويه فيها ليلى الاخيليه( ولو اني ما اعرف الاخت هذي بس اسمع فيها).. متفائله.. مطربها المفضل اللي تحب تسمع له شعبـــــــــــــان عبد الرحيم( هاه سندس وشرايك؟؟؟؟ ههههههههه..حلوة صح؟)...
شيخــــــــــه: ببساااااااطه متناهيه... لو كان للزين ديرة,,,, فهي العاصمه.. وسلامتكم!
غـــــــــاده:غادوووووووه ملسوووونه( زي الاخت بدور تماما).. رايقه وتحب الرواقه.. تنكت وتحب النكت..تموت على المجادله يعني اللي يقول يا اقنعك يا تقنعي..هااه... هذا الكلام مو ماشي سوقه عندها... لا عنوني.. هي اللي تقنعك..لازم بالطيبه بالقوة المهم تقنعك..اللي عندها صديقه اسمها غاااااااااده ابي انصحها لاني احب الخير للكل..لا تجلسون جنبها بالمحاضرات او بالفصل.. ولا ترى بتشوفون انوااااع الاحراجات والنرفزة** أسالوني انا..ااه**من سرقة الاقلام اليييييين سرقة النعال.. ولا شرايك ياست غادة؟؟!!.
واللي يقهر انهم ينادونها دوده وهي ساكته عاجبها الحال... كل وحده اسمها غادة لها من اسمها نصيب اكييييييييد!
عبــــــير: ناعمه... حساسه...خوافه من اي شي وتقرف بسرعه( يعني اللي يبي يسوي عليها مقلب والله يزبببببط).. غامضه شوي...تعشق الورود بشكل مو طبيبعي ...
فايــــــزة: الماستر في العلاقات الاجتماعيه..شوفتها تشرح الخاااااااطر..تحسين ان الدنيا بخير لا شفتيها.. تفرض علينا محبتها غصببب.. هي السند وقت اللي نحتاجه فيه. ماتحب تلوم احد على شي,, تقول يمكن عنده عذر يوم سووا كذا( تشوف الناس بعين طبعها).. مهما اخطينا عليها تساامح بسرعه ولا كأن شي صار وكان..هروجها ماتنمل.. هي ببساطه نعمه من السماء!
فتووووووون: اللي يعرفها يحبها.. واللي يجلس معها ماوده يقوم... تنحط عالجرح يبرى...جحا زمانها..بس لا عصبت حطوا رجلكم ولا ترى بتاخذون شلوووووووتي منها...
فوزيـــــه...فوز: سياسيه من الدرجه الاولى... تعصب بسرعه وترضى بسرعه.. بتسوي فيها شخصيه بس ماحد معطيها وجه ولا حتى معبرها... تعرف تقلد اي احد و اي شي..لسانها شوي شوي طويل... ماتخلي انسان الا وتتريق عليه..حتى انا ما خلتني فحالي!
منــــــال: انسانه نظاميه.. ماشيه عالدستور والمله...ماتلف وتدور,, تعطي في الوجه على طووول.. تهتم بنفسها بشكل غريب, ماعندها شي اسمه مشي حالك.. لااااااا يا تطلع مزبوووطه ميه ميه ولا بلاش منه من اساسه!!!
مـــــــــرام: مراموووه ماخذه الدنيا على كيفها.. مافي شي بنظرها صعب, كل شي سهل...يمكن عشانها دافورة؟..مادري.. دلوعه ولايق عليها الدلع.. وحقت واجب تحب توجب.. بس معطيه نفسها اهميه اكثر من اللزوم*w ...
نجــــــــــوى: انسانه بكل معنى الكلمه... ماتكرة احد ولا تعرف للكرة طريق..من يجلس معها يسرقه الوقت,, هرجه رايحه وهرجه جايه. تعطي بدون مقابل.. تفهم الشخص من غير مايتكلم.. وفيه في زمن قل فيه الاوفياء.. تغار على كل واحد وان كانت ما تعرفه... لكنها ممكن تحفظ المعلقات كلهااااااا وألفية ابن مالك بعد..بس ما تحفظ اسم اجنبي واااحد,, تشوفها صعبه وكانها طلاسم!!. طباخه وست بيت شاطرة( مو زي بعض نااااس)..
نـــــورة: ثقيله وعصبيه..حازمه شويتين..بس وقت الفله تعجبك.. مزاجيه.. من أنصار ( فرق تسد)....
هـــــــــــــلا: مرررررة تتكلف بلبسها لدرجة الفخامه.. ماتلبس الا الساعات الغاليه..وماتشتري الا الماركات..شي اسمه بساطه ماتحبه..تتمنى تصير في منصب عالي( بس عشان الراتب العالي ولا ترى موحب في الخدمه للمصالح العامه).. وتبي تكون واسطه.. ولكنها عبثا تحاول..عبثا تتمنى وتحلم..ليييييييه؟؟ انا اقولكم ليه...الدروس ماتفتحها والشنطه من تجي من المدرسه على صكتها تاخذها اليوم الثاني.. حتى المرسمه ماتتبرى الا وقت الاختبار وفي القاعه بعد..من زود الكسل ..
هديــــــــــر: الناس كلهم بصوب وهي بصوب.. ماتهش ولا تنش... لكنها مستمع جيد.. تصغي باهتمام.. ماتحب تجادل ولا تسأل في اشياء مالها فيها.. عندها حسن ظن بالجميع وتثق بالكل...
وجـــــــــــدان: هالوووو جودي! ... ترى دمك حاااار وتدافعين عن اراءك بشكل اندفاعي وقوي.. وحججك دايم واضحه... وجدان بطبعها تقول كل اللي تبي ماتخاف من احد دام يرضي ربها...لمن تتكلم تحسونها فاهمه وعارفه هي عن ايش قاعده تتكلم..شخصيتها قويه لكن ماتفرض اراءها على الخليقه..عشان كذا هي تنحب.......
ان شالله ماتزعلوووون ياحلوووووووين
سي يوووووووووووووو سوووووووون
العرض الشجري
