السلام عليكم
بصراحة انا احس ان موضوعي هذا مهم لكل فتاة وهو الفحص قبل الزواج طبعا البنت اذا تقدم لها خاطب وخطبها وهي ما تعرف عنه شيء يسألون اهلها عنه ويلاقونه خوش ولد وكلام الناس عنه زين لكن الخافي ما يعلمه الا الله سبحانه.
والخوف لا يكون راعي بنات وسفر من اجل المتعة المحرمة وطبعا اهل البنت ما يدرون عن ها الشيء ويمكن اهل الشاب نفسه ما يعرفون,
هنا يجيء دور الفحص الطبي لانه مهم جدآآآ لسلامه الاسرة اللي راح تتكون با المستقبل ,, وبعدين وش ذنب البنت ينقل لها الامراض مثل الايدز اللة يحفظنا وياكم منه
وهي طاهرة عفيفه وتروح ضحية بعد ما كانت ترسم الأحلااام والأماني بحياة حلوة ومستقبل باهر,, واهم شيء با الفحص الطبي انه ما يكون بمستشفى خصوصي او مستوصف خصوصي لان الشاب ممكن انه يدفع المال للطبيب ماعنده ضميرويطلع تقرير بانه سليم ..
اذآ ضروري يكون الفحص بمستشفى حكومي ويكون مع الشاب اخو البنت او والدها الا ان تطلع النتيجة
والمطلوب انه تنبني الحياة على اساس سليم خالي من اي منغص وخالي من اي فضيحه يمكن تكون بعد الزواج لو كان الشاب مصاب .
اسفه على الاطالة لكن اعتقد اني صادقة بكلامي واتمنى اشوف ردودكم علي بصراحة
مع خالص تحياتي
روعــــــــ الخالق ـــــة
العرض العادي
