مشوار مو طبيعي
هلاااااااااااااااااا مساكم الله بالخير اللي دخل واللي عند الباب
كيف الحال ؟؟؟ وش الأخبار ؟؟؟؟ كيف العيال ؟؟؟
>>>>>>>>>>>>>>> يالله عاد ياللزقه
خلصي
تيب
هذا ياجماعة الخير كنت مره (يوما ما )في الصيفيه
طفشااااااااااااانه قوة طفش غير طبيعيه
أدري بتقولون حنا وش دخلنا!!!!
طيب اصبروا علي شوي جايكم الموضوع
لكني استطرد ( حلوه استطرد ولو سمحتوا لحد
يسألني وش معناها مولأني مااعرف بس أحب أحتفظ بالعلم لنفسي)
المهم ... من قوة طفشي صادف وجود بيت خالتي
في جده يعني الحمدلله وبناتها عسل يعني لو
طلعنا مع بعض بتصير فله
المهم اتفقت انا وياهم على انه نروح جده عند
جدتي ونبقى كم يوم نفلها ونرجع
أول يوم اللي اتفقنا نروح فيه وصلنا هناك متأخرين
على وقت الطراطيع .... أكيد تعرفونها اللي أيام
المهرجان وكانوا وقتها يسوون كل خميس الساعه
عشر بالليل زحمه بالشوارع وطراطيع وصواريخ وأشياء بالسما وأنوار شيييييييييي
طبعا حنا في السعوديه هذا الشي عندنا عجيبه من عجائب الدنيا بالذات وحده مثلي من مخلفات الحرب العالميه
وبعدين ياحلوين ( لا تصدقون عاد ) انصدمت يوم شفت سيارة ولد خالتي واللي كان من المتفق اننا بنطلع فيها لأنه قبلها بيوم مسوي حادث بسيارته
وعادمها مره ولها السبب اضطر انه يستلف سيارة خويه الشايب
تدرون وش السياره؟؟؟؟؟؟؟
ماني قايله قولوا انتم
لا ماني قايله الحين
هاه!!!!! محد عرف ؟؟؟؟؟؟؟
ممممممممممممم
سياره
د
د
س
ن
بس اللي يشفعله انه غمارتين( والله مدري وش يعني غمارتين واللي عنده علم تكفون قولوا )
وتراها اول مره أعرف وش هو الددسن
واكتشفت انه ونيت مسقف والحمدلله ان به مكيف
(بيت شعر صاير )
وعيونكم ماتشوف الا النور يال شماتة ابله زازا فيه
تدرون كم كنا في السيارة صلوا على النبي وعدوا معي
قرب الولد قدام حرمتين وجنبي ورا ثلاث حريم
وتخيلوا المساكين الأبرياء في الحوض
ثلاث أولاد وبنتين
يالهووووووووووووووووووي
يعني اللي بيفتح الباب بيلقى أشياء تتطاير من قوة الزحام ماشاء الله وبس هذا الشكل العام
أما المواقف الله لا يوريكم
يوم كنا قدام هالطراطيع نطالعها منهبلات فيها (اعذرونا قرويين ) لمحت ولد خالتي
الصغيييييييييييير عمره يمكن حول السنتين يعني
يالله يمشي واقف قدامها وامه تدور عليه وهو
مسرح ورايح في عالم ثاني مع الأضواء و تلاقيه
يحلم انه شاكيرا ولا بريتني ولا مايكل
الولد رايح فيها وأنا أطالعه وتصدقون انه كان يرفع
يده يبي يمسكها !!! هي في السما بس تبين
قريبه ويضحكون عليه لمن شافوه أما لو شافوني
يووووووووه الحمدلله ربي سلم محد راقبني
كنت أتخيل انها بتدخل ثمي... كنت جوعانه وقتها
ويوم انتهت الحمدلله قالوا خلونا نروح نتعشا
قلت الحمدلله الحين أخيرا بطني بتسكت
وقام ولد خالتي يتفلسف يبي يروح ثول وهذي بعد أول مره أسمع عنها
وش ذي ثول ؟؟ توقعت انه منتجع ولا مكان مثل درة العروس يعني شي يستاهل المسافه اللي قطعناها عشان نوصل له بس بعدين تلقيت ثاني صدمه
وهي كالتالي
ثول مكان في طريق المدينه يعني يبعد عن جده مسافه طووووووووووووووويله والله ان اللي رايح جوعان مثل بعض ناس بيموت في الطريق
انه مكان مافيه ريحة النظافه ولا يصنف على انه مكان في جده اللي أعتبرها أم الدنيا
تدرون وش العشا هناك؟؟؟؟ سمك وسمك وسمك
وهذا اللي كانوا يدورونه وهذي الأكله اللي لوأموت جوع ماكلتها
وهذاك الوقت كنت ميته جوع تدرون من وقت الطراطيع وأنا متحمله لو يعطوني خبز وجبنه بلعتها بس مسويه حياويه
يعني تحملت في هالمكان مالا يطاق بس أهم شي اني طلعت من البيت وزحمة مكه
وبعدين طلعنا من هناك حوالي الساعه ثنتين
وتدرون بعد المسافه رجعنا جده قرب الفجر
مرينا البحر ووقفنا
وانفتح باب الددسن غمارتين مالنا sl 600
ونزلنا نهرع راكضين الى البحر
بالله تخيلوا الموقف حريم راكبين ددسن لابسين
عبايات وصخه أو عندها قابليه للوصاخه ويركضن
على البحر
والله موقف ومشهد مجنوووووووون مايذكركم بشي اسمه طاااااااااااااش؟؟؟؟؟؟
كننا أول مره نشوف مويه وأنا عاد مقدر اتحمل
منظر البحر من دون ماأتسبح شوي
يالله خاربه خاربه خلونا نعميها
ونقفز على المويه كننا قراندايزر
ماطلعنا منه الا وكله سعابيل (وعععععععععووووه)
الله يقرفك ياروومه
صلينا الفجر هناك ومسكنا طريقنا للمرسى نبي يخت
هذا شكل جماعة يركبون حتى سلحفه؟؟؟
وش نقول بس؟؟؟ شين وقوي عين
طيب خلونا نروح نبدل لبس ولا حتى نغسل العبايات ؟؟
مافي...لوا الجو حلو ...طبعا كان وقتها صبح وتوها الشمس شارقه... والله بصراحه الجو حلو بس احنا اللي مو حلوين
كنت واقفه على المرسى أحس كل اللي هناك
يطالعون عباتي... اللي كانت أمس سودا وصارت بيضا من كثر التراب والوصخ اللي في البحر...
ويوم طلعنا القارب الصراحه كان رهيب شي خيالي
البحر من جوه حلو والسما رهيبه ..لمن مايكون في شي يوقف بين عيونك وبينها والله تحس انها
قريبه يمكن لو رفعت يدك تلمس حرارتها
شي يدوخ وخلصنا من البحر والحمدلله قربت الشمس تحمى رجعنا البيت وفطرنا وانخمدنا
وفي موعد جديد ورانا طلعه ثانيه للبحر بعدين بعلمكم عنها ..... الله يستر
واستروا ماواجهتم بلييييييييييييييز
( بليز هذي اعتبروها اثبات اني مو قرويه )
سي يو ان مطب ثاني
تشششششششششاو
العرض الشجري
