الف سلام..وثلاث ارباع ونص جذر عشر طعش تحيه لطلوعين والطلوعات كلللبوهم وامهم *4
في يوم من ايام العطله اللي مرت واللي خم بط وقضت..ماامدانا نتهنى به..وراحت نصه وحنا ماغير نتنافض من الحرب نحسبه بتجينا..عسى صدام للنفاضه اللي ماتاقف ابد..
المهم..في حدا هالايام..رحت انا وجمع غفير من اهلي الموقرين..خالاتي وامي واخواني الى منتزه...يخرش القلب..في ديرتي الحبيبه..
تغيير جو..ووناسه..وكان بالمنتزه..بحيره به قوراب..(هم حاطينهن للصغار)
لكن انا بخاطري..اركب بهن..ماش عجزت اتحمل اناظرهن..ودي اركب..
وكان اللي ياخذ التذاكر سعودي:( ومعه هندي...بس عادي ماعلي منه راكبه راكبه الله لايعوق بشر
رحت انا واربع من خالاتي ووحده من بنات خالاتي المهم عددنا 6 بنات..(تفلو لاتنحتوننا)
كل ثنتين ركبن قارب..يعني تم احتلال ثلاث قوارب..
وبدينا ندور ونخترش...تقل جراد
المهم التذكره بعشره ريال....وبسم الله ماامدانا نركب.وناخذ لنا كم لفه..الا خلص القارب وطفى(انتهى الوقت) وجا لمنا الهندي بيدفنا عشان نوصل للباب ونطس
قلت لخالتي اللي معي هها بس وش هالحتسي منب نازله..تونا مابعد تواسينا مار يطفى..معصي..يوم جا الهندي قلنا له..شوف صديق شغله لنا بلاش بنلعب من جديد وراه يطفى بسرعه(وجيهنا مغسولتن بمرق )
قال ابو هنود :D يتميلح هو ودميجته...قلت له اصلا مالك هرجه وين السعودي<<--قويه
والتفت وأشر للسعودي(عمره تقريبا 25 سنه)
واستانس السعودي..بنت تناديه من يحصله
وهو بطريقه لنا..قلت لخالتي انتي اهرجي..قالت لا انتي ماعلي منتس انتي اللي ناديتيه..
وانتناغز..كل وحده تبي الثانيه هي اللي تحتسي..وفي اثناء هاللحظات ..
جاء السعودي...نعم ياختي اي خدمه؟
قلت...ااااااااااااااا...احح....امممممممم<---بلشت بعمري..عجزت اهرج
قلت لوسمحت تونا راكبين وعلى طول خلص الوقت..نبي نلعب ثانيه<--شحاذه محترمه
قلت ...وقلنا للهندي وعيا...
قال لا عادي ليش يعيي...ياااامحمد(يصوت للهندي) تعال شغلهم القارب
#h #h <<--انا وخالتي
الهندي انقهر..وماجاز له الوضع..وسفهنا وماجا يشغل لنا القارب..
وانطقينا سنه نحتريه..
اخر شي قال السعودي انا اشغله لكم..
القارب صغير وانا وخالتي يالله يالله سدنا..ضيييييييق..ونفس الفتحه اللي يدخل به القرش عشان يشتغل القارب كانت تحت رجلي يعني لازم ارفع رجلي عشان يدخل ايده ويحط القرش#t
قال ممكن شوي؟------->يبين اوخر عنه عشان يشغل القارب
وانا صار وجهي تسنا اشاره ممنوع الوقوف
وتعفطت...وانسفطت وحالتي حاله..واخر شي شغله لنا
واشتغل..وبدينا ندوج..ونروح ونجي..ولعبنا به لييين ملينا الله مير يسلم هالسعودي ويخليه لأميمته..ماقصر ولد الحلال..لعبنا بلاش<--اهم شي بلاش
عاد خلص الوقت..جا السعودي..معه حبل..وجرنا..لين وصلنا للرصيف
والمصيبه يوم جينا ننزل..القارب يهز..وتحتنا ماء..والسعودي نطحنا...يعني لو تميل وحده منا..تسان دووووب على خشته
وش السوااااااااااات؟
قلت لخالتي انزلي قبلي عشان تمسكينن اذا جيت انزل..قالت وانا من يمسكن..(والسعودي جادع اذنه بحجورنا)
قال يالله وحده تنزل..نزلت انا واستسلمت للواقع المر..وشوي الا بوسط الماء اطيح لكن ربي ستر..ومسكت خالتي..وطسينا بسلام من الله
وبـــــــــــــس
~~~~~~~~
تحياتي...وردة غلا
العرض العادي
