السلام عليكم ورحمة الله وبركاته
اتمنى تكون هالقصيده في محط انظار معجبين بندر السميري ويارب تكون هالقصيده تحلووووو لذائقتهم
مابقى في خاطري غير الأمانـي
بيـن ليتـك واتمنـى ترجعيـن
الغلا خالـط معاليـق المحانـي
وانسكب في داخلي شوق وحنين
والحزن صديت عنّه واحتوانـي
والجروح تزيد مع ريح السنيـن
والسهر سكة تباريـح وأغانـي
والورق مسرح غرابيـل وأنيـن
والبخت شحّت يمينه ماعطانـي
لانخيته من ردى وقتـي يشيـن
كل غيمٍ في سما طيفك خذانـي
خيّلت ديمومته وامطـر ونيـن
طالت الرحلة وضلّيت الموانـي
وانكسر مجداف مركبنا الحزيـن
كيف اقضّي مابقالي من زمانـي
وكيف يبقى موكب الفرحة سجين
ارجعي يانبضة احساسي عشاني
واسكنيني كل وقت وكـل حيـن
وان سألتي خاطري قال الأماني
بيـن ليتـك واتمنـى ترجعيـن
تقبلي تحياتي
بندر السميري
العرض الشجري
