اخواني اعضاء منتدى الود / السلام عليكم ورحمة الله وبركاته
يشرفني الانضمام الى هذا المنتدى المميز لأكون بينكم
وأتمنى ان تحوز هذه المشاركه على رضاكم
جيت يسبقني ظلام الشارع اللي تسكنينه
قلت افاجئ غايتي واضمها واكسب رضاها
انتظرتك تحت شباكك لعلك تفتحينه
وانكشف نور الصباح ولاروت عيني ضماها
شفت بابك من غيابك تشتكيلي قفلتينه
والبيوت اللي ملاها الحزن وش علمه ملاها
عانك الله يالمشاعر والفؤاد الله يعينه
سافرت نبض الغرام وخلت حطامي وراها
سافرت كل الغلا زهر الرياض وياسمينه
واحرقت كل القلوب اللي تغذى من شذاها
هالني ذاك السكوت اللي حملني في يدينه
واخنقتني عبرةٍ قشرا وسرٌاني عناها
انكسر خاطر فؤادي والعيون امست سجينه
للدموع وكلٌ دمع هلٌته عيني فداها
قمت انادي مثل طفل ضاع يبغى والدينه
ضاقت اسوار البيوت وضاق بالدنيا فضاها
رحت ازايم حسرتي والقلب يوجعني ونينه
صرت بالدنيا وحيد وصاحبت روحي شقاها
كل لحظات الزمن عندي تشابه مع سنينه
والشفاه اللي تبي الفرحه كساها ماكساها
والشقا وجهه عبوس وقام يرفع حاجبينه
للٌيالي00 والسعاده طول عمري في حراها
سافر الحزن وتمادى واتٌخذ قلبي سفينه
والغياب امواج بحر وسبٌة الرحله هواها
احضنه طيفك وضمه والمسه وامسح جبينه
واسأله ياطيف ويش اللي على بعدي حداها ؟؟
بشٌروا جده واهل جده ومكه والمدينه
جتهم اللي ماذبحني بالحياه الاٌ غلاها
جتهم احلام القلوب ودرٌة العمر الثمينه
جتهم اللي كلٌ شي يسكن احلامي معاها
اكتأب وجه الرياض اللي من غيابك حزينه
صابها لون السواد وخيٌل الحزن بسماها
ارجعي واخذي حياتي واخذي اللي تاخذينه
يكفي انواع العذاب النفس جاها ماكفاها
ارجعي لعيون بندر طالبك لاتذبحينه
قبل تنهيه الهموم اللي لحق نفسي مداها
اتركي ذيك الديار وبحر جده والمدينه
وارجعي لجل الرياض اللي طغا الحزن بسماها
بندر السميري
العرض الشجري
