هذه قصيده وطنيه تحكي عن معانات الشعب السعودي والقيتها امام سمو سيدي رئيس الحرس الوطني صاحب السمو الملكي الامير متعب بن عبدالله بن عبدالعزيز ال سعود بعد وصول خادم الحرمين الشريفين الى ارض الوطن سالم معافى
كذالك استميحكم عذر اخذت عهد على نفسي اني لن اكتب اي نص جديد الا بعد شهر من بداية هذا اليوم بسبب وفاة ولي عهدنا اميرنا المحبوب سلطان الخير رحمة الله عليه رحمةٍ واسعه واسكنه فسيح جناته
يالله يا منزل تبارك والاعراف = خيراتك الشاعر عجز ما وصفها
أطلبك من رحمتك للأمه اسعاف = تنقذ مصايبها وتحفظ شرفها
الامه اللي راحو احزاب وأطراف = يمشي خلفها غير ممشاء سلفها
وأطلبك ثم ارجيك ما عنك محراف = ودأعيك دعوة مومنٍ ما حرفها
تحفظ لنا اللي في سماء المجد ينشاف = الحاكم اللي كل عليا ولفها
صقر الجزيره ماعلى حكمه أخلاف = له راية النصره وكلٍ عرفها
من الشجاعه كن في راسه أشعاف = يقلط على الجزله ويلحق هدفها
وإن ثارت الهيّه وللموت مخطاف = صفوف عدوانه برايه شقفها
سلامته غيثٍ على ارواحنا طاف = ونفوسنا قام يتلاشا كلفها
وتحفظ لنا اللي متعبٍ كفه أسراف = من بحر جوده كم مده غرفها
سلطان ابو خالد ذرى كل من خاف = من جاير الدنيا وضدة طرفها
كم من فقارى عاشو شيوخ وأشراف = من مدة سلطان كفه صرفها
وتحفظ لنا اللي حارسٍ كل الاطراف = فبلادنا اللي كل مجدن صدفها
نايف وعينه للأمن رمش ولحاف = وكل السياسه بالدهاء محترفها
سيفٍ قلط للحق من دون سيّاف = من طنخةٍ جور الزمن ما كسفها
وتحفظ لنا اللي راقيٍ كل مشراف = أمير نجد اللي خصومه رجفها
سلمان سلمان الفخر قبل الاسلاف = أفعاله من الراس ما يستلفها
وأميرمكه كان للقمه أحلاف = من مدرسة فيصل درس وأحتلفها
لخالد الفيصل على النصر ميقاف = وما فيه وقفة غير راسه وقفها
ومتعب ولد عبدالله لطيبه أطياف = تبقى على التاريخ وأنا أعترفها
وإن كان للحكام منزال وأصناف = حكامنا كلٍ يعيش بكنفها
خير العباد محققة كل الاوصاف = روسٍ فناجيل الفخر ترتشفها
وحنا على وضح النقا نهتف أهتاف = وأرواحنا على الولاء نكتشفها
ويا خادم البيتين بعد أستوى القاف = منك الصراحه كل شعبك قطفها
الوضع مزري والدهر يرجف أرجاف = والفقر له هامه ولا أحدن قصفها
حنا غدينا بين تجار الاعلاف = والبل رزقها الله وجابت علفها
مير البشر لأرزاقهم لوحة أيقاف = التاجر أرزاق الفقارى كتفها
أسعارنا تثقل ضعيفين الاكتاف = واللقمه التاجر علينا خطفها
الشعب مات ومقصدي شعب الارياف = يوم إن كلن لقمته ينتصفها
بينه وبين أخوه .. ما فيه صرّاف = يصرف له الاموال من مصطرفها
البدو ماتو جوع وعزاز ونحاف = وجيههم فيها الحياء ما نسفها
واهل البحر ياسيدي حطو أوقاف = وتخلخلو فالدوله بمختلفها
يوم إن كلن يعسف الهرجه أعساف = أغراب وجلود البقر تلتحفها
اليوم بنّو فالعماير والاسقاف = وأكلو عقاراتٍ ياما اسرع تلفها
أمسك وأنا اقطع لك ولا فيه كشّاف = أمورنا محدن بكاشف غدفها
وجده غدت بعد أنتهى ألاف = وكلن معاذيره كبار وردفها
ونظام ساهر صار للمال مغراف = أصبح تجاره للجيوب ولهفها
أكل البشر والشعب كل أكثره جاف = كم عاطلن دمعة عيونه ذرفها
واللي موظف راتبه روّح أتلاف = ساهر وأجار البيت قام ونشفها
ماعاد باقي رزق والحال ياكاف = محزن ولو محدن ظروفه حلفها
ياخادم البيتين للعز رفراف = بيدينك اللي كل حيله قذفها
وحنا على البيعه ولا فيه منكاف = والفقر عنا كم سحابه عطفها
ولو السنين تدور وأيامنا أعجاف = ولو الحياه أبوابها تنقفل في درفها
حنا لكم فوق الولاء مابه أحساف = وعدوانكم بالسيف نلعن جدفها
وياشعبنا ترى الفتن تعصف أعصاف = والجاهل اللي يأخذه معتصفها
وترى الفقيه اللي دخل قلبه إرقاف = فاجر وكذبات الليالي شطفها
ولو فيه خير وصدق ماحط معطاف = وأقفاء ونياته لغيره عكفها
يبقى ذنب للغرب لحدود الاسفاف = يوم الامانه عن ضميره جدفها
وختامها ياسيدي ختمة القاف = الله يديمك فالحياه وشرفها
والله ووالله قول طنخه وميقاف = إنا على البيعه وكلٍ عرفها
العرض العادي
