عيون الناس
قلوب الناس
بين الفرحة والموال
وسط العيد
وانا اصبح وامسي
على الباب الحديد
مر أحد و أثنين
وثلاثة واربعه
مر الخميس والجمعه
والسبت بغيومه والرعيد
وانا على الباب الحديد
تمطر سما عيوني من الداخل
عذاب ... تهزني افكاري
ترسيني بعيد
والمشكلة .. بعدها نفس المشكلة
بعد الحلم نفس الحلم
وبعد العيد في عيوني
مو لابس سوى التنهيد
الشاعر الأسير : فايق عبد الجليل
ــــــــــــــــــــــــــــــــــــــــــــــ
دمعي وصمتي والاحزان اعتراف
عن غرام كان لاحلامي وطن
ادمعي ياعين واغرق ياجفاف
واجزعي يانفس واضحك يازمن
ــــــــــــــــــــــــــــــــــــــــــــــ
تعرفين الهم ؟
والله انك مابعد شفتي
من الايام شي
هذي الايام غي
هذي الايام غي
وتعرفين الهم ؟
تعرفين اللي سقى الايام دم
كيف لاشق الزمان المر عمره
بعدها يلتم
كان صوتي
همس في اخر سكوتي
وان ندهت كل من حولي يجوني سم
حاضر ياعم
لو وصلتي البارحة كل هذا تم
ــــــــــــــــــــــــــــــــــــــــــــــ
جريح جريح
واللي علمني المشي
علمني اطيح
واللي شراني بالذهب
رد باعني للريح
ــــــــــــــــــــــــــــــــــــــــــــــ
مليت النواحي
كلها بنواحي
عذرت المداوي
يوم شفت جراحي
ــــــــــــــــــــــــــــــــــــــــــــــ
نلتقي قلت ياحلو الخيال
نمسك الخيط وين الجرس
انت فارس روايات الشمال
كل ماهز كتفه جت فرس
ياقديم الهوى حتى السؤال
مل شكله ومل من الحرس
غير الحال يمكن بعض حال
يبعث اللي ورا قلبك درس
قلت احاول على اللحظه محال
ماجنى الورد غير اللي غرس
ــــــــــــــــــــــــــــــــــــــــــــــ
اجهلك
ولي سنين اتخيلك
اتمثلك في كل طيف
والقاك في قسمات ضيف
كل المشاعر له تقول
حنا هلك
ــــــــــــــــــــــــــــــــــــــــــــــ
العين فوق الخد
خد ووراها عين
والرمش لو يمتد
يخدع بلمحة عين
يافلان ماتنعد
القى مثيلك وين
شاسع ولا لك حد
مدري اجيك منين
ــــــــــــــــــــــــــــــــــــــــــــــ
عيناك تقتلان يااميرة
والمجد للاسلحة الخطيرة
وقبل اغرق في بحريهما
تكرمي بفرصة اخيرة
ــــــــــــــــــــــــــــــــــــــــــــــ
لو قلت لك اني جريح
اخاف تفهمني خطا
واخاف تفهمني صحيح
ــــــــــــــــــــــــــــــــــــــــــــــ
مثل السهر في عيون من يحبك
تبقين لي بسمة امل بين الاحباب
في زحمة سنيني وفي طول دربك
اغراب نتجمع ونتفرق اغراب
مثل الحياة اللي تحبين احبك
ولو غبت عنك صارت ايامي اغياب
ــــــــــــــــــــــــــــــــــــــــــــــ
ايه اذكرك هتان وجمرة تدفي صيف
ايه اذكرك غمدان ولهه لظف السيف
ايه اذكرك علم واحلى من احلى طيف
ايه اذكرك ذنب ماقلتله ياحيف
ايه اذكرك والله اذكرك
متى هجعت حتى اسهرك
متى نسيت حتى اذكرك
يامكرهك
متى نسيت حتى اذكرك
ــــــــــــــــــــــــــــــــــــــــــــــ
عاشق قديم
عاشق صريح
اسألوا نوم الشوارع
تحت اجفان المصابيح
واسألوا البرد والشمس والريح
اسألوا يمكن قوافي الشوق
مني تستريح
يمكن الصمت اللي ساكني
يغافلني ويصيح
جريح جريح جريح
ــــــــــــــــــــــــــــــــــــــــــــــ
تخيلي
انك على جال الغدير
وكوخ صغير
مفروش من ورد وحرير
وانتي وانا
تخيلي شيصير
ــــــــــــــــــــــــــــــــــــــــــــــ
ياللي سقيناكم
من نبعنل اشواق
من ثم لقيناكم
هم وغدر ونفاق
ماقد عرفنا ارفاق
تشري الغدر لرفاق
ــــــــــــــــــــــــــــــــــــــــــــــ
حط هالاعزب جريده
فوقها براد شاهي
وصحن فول
وصحن تونه
وكان ياكل مير مايرفع عيونه
تدري ليه
لان في السفره قصيده
سفرة الاعزب جريده
ــــــــــــــــــــــــــــــــــــــــــــــ
اباشرب من الدله ولو كلها سم
ماهز فنجالك ولا قول كافي
مادام من يمناك وتقول لي سم
باسم الله اشرب كا سمك عوافي
ــــــــــــــــــــــــــــــــــــــــــــــ
توها تمسي على خير الكويت
يوم جفنك في ضواحيها غفا
كني الليلة من حضورك حييت
عقب موتي من مواعيد الجفا
ــــــــــــــــــــــــــــــــــــــــــــــ
ياسامي
كم لنا احباب
مانعرف اساميهم
شاركونا الدمع ليلة
من لياليهم
وكم لنا اصحاب
نعرفهم اسامي
بس اسامي
ونجهل كل شي فيهم
ــــــــــــــــــــــــــــــــــــــــــــــ
ادور عنك ف الدفتر
ادور عن ثلاث اسطر
كتبناها انا وياك
واذكر كانت تمطر
ومسح دمع السما الاسطر
ولكن مامسح ذكراك
لقيت بصفحته الاولى
اماني شقر مجدوله
وحلم امتد ياطوله
وادور عنك انا ادور
واذكر ليه ماتذكر
ومسح دمع السما الاسطر
ــــــــــــــــــــــــــــــــــــــــــــــعروق ه خيوط
كفوفه مغازل
عيونه شطوط
حلمه سنابل
ينسج نسيج
يرسم بالابيض كعبته
يحلم يمرونه حجيج
يخلط البحر والرمل والسهر
والقمر والقهر والبشر في نشيج
ينخلق رسم بهيج
ماهو بهيج
يسمع صهيل
يشوف خيل
تمتلي غرفته ضجيج
يقفل الباب
والشباك ... يكش عن وجهه ذباب
يتلفت بارتياب
يسمي اللوحة خليج
ــــــــــــــــــــــــــــــــــــــــــــــــــ ــــــــــــــــــــــــــــــــــــــــ
هذا الشق الاحمر ليس فم
هذا وردة حمراء من لحم ودم
ــــــــــــــــــــــــــــــــــــــــــــــــــ ــــــــــــــــــــــــــــــــــــــــ
الصداقة
ماهي باقة
ترسل من اقصى البلاد
او بطاقه
ترسل في عيد ميلاد
الصداقه ... شي اكثر
شي اكبر
هي علاقة صعب تتفسر
مثل حب الام
او حب البلاد
ــــــــــــــــــــــــــــــــــــــــــــــــــ ــــــــــــــــــــــــــــــــــــــــ
ارجوك لاتحاول معي
فأنا الان بقايا
لاتقدم لي قلبا
وتقل انه اجمل الهدايا
انا لن استوعب حبا
لم يصل لاعماقي من البداية
ــــــــــــــــــــــــــــــــــــــــــــــــــ ــــــــــــــــــــــــــــــــــــــــ
تذكر العيد
ولو ان للذكرى تعب
قلي من فينا العنيد
انا والا انت
والا هذاك البعيد
انت مثلي في كل شي
بس هذاك البعيد
ــــــــــــــــــــــــــــــــــــــــــــــــــ ــــــــــــــــــــــــــــــــــــــــ
لا تكذبين
الشوق بعيونك يبين
في نظرتك شفت الهوى
مقتول في صدرك دفين
وفي نظرتك شفت العذاب
وجروح من ذنب السنين
حبيبتي ليه الجفا
حبيبتي وشهو تبين
غير المحبة والوفا
واقسم على حبك يمين
لا تكذبين ... الشوق بعيونك يبين
ــــــــــــــــــــــــــــــــــــــــــــــــــ ــــــــــــــــــــــــــــــــــــــــ
دام الزمن واعي
خلاص ياوقت الجفاف
ماعاد اخاف
ياذيب حتى لو طبعي غريب
مااندم على اطباعي
ليه الندم ياذيب
ما للندم داعي
انا الحبيب
ولو تصبح الدنيا عصى وشياه
ولو يصبح الصاحب حمار
من ايش اغار
من ايش اغار
مادمت انا الراعي
ــــــــــــــــــــــــــــــــــــــــــــــــــ ــــــــــــــــــــــــــــــــــــــــ
حزت بنفسي مراسيم الوداع
وانتثر دمعي على الخدين دم
من عذابي صرت موطن للضياع
واشتعل سطح الثرى حدر القدم
بالنهاية صارت ايامي خداع
والحقيقة ترتدي ثوب الوهم
ساعة الفرقا تخليني شجاع
ليتها ماتغرس بقلبي سهم
ــــــــــــــــــــــــــــــــــــــــــــــــــ ـــــــــــــــــــــــــــــــــــــــ
العرض الشجري
