تقول :
آثناء فترة تدريبي .. وبالتحديد في وقت الوجبهـ " او مايسميها البعض بالفسحهـ "
كنت منهمكهـ بـ آطعام احدهم فكانت مقعدهـ على "كرسي متحركـ"
وبينما وانا اتحدث ببعض الاحاديث مع تلكـ
الطفلهـ المقعدهـ ..
وآذا وبتلك الفتاة الفائقة الجمآآل والنعومهـ تقطع حديثنا قائلتاً ..
الفتاة : انتي موظفهـ جديدهـ ولا متدربهـ ..!
هي وبكل خوف وحذر منها : لا حبيبتي انا متدربه وباقي لي
اسبوعين وبروح لمقر عملي ..
الفتاة : طيب ليش ماتقعدين هنا علطول ..؟!
هي : لان تعيني بمكان ثاني ياقلبي مو هنا ..
الفتاة : طيب ممكن اقولك شي ...؟!
هي : تفضلي حبيبتي وش تبين ..
الفتاة : انتي احسن منهم كلهم اذا مريتي علينا الصبح
تبتسمين واذا جيتي تطلعين تودعينا ..
هم بس يهاوشون ومايحبون يقعدون معنا .. ~
هي : .................؟!!
الفتاة : تدرين اني انا بدون اصل ........؟؟!!
هي وبـ ارتباك وتوتر : مافيه احد ماله اصل وكلنا بشر
والله خلقنا من طين وبنرجع للطين ..!
الفتاة : اجل ليش هم شايفين انفسهم علينا ولا احد يحبنا
او يفكر يحاكينا ويقعد معنا ..اذا كان عندنا هموم ومشاكل محد يفهمنا ..
"وبداء صوتها بالتقطع "صحيح ان احنا بدون اصل بس
مالنا ذنب بغلطه غلطونا اثنين ...
هي : من قال هالكلام حبيبتي كل اللي هنا يحبونكم
ويخافون عليكم وعادينكم بناتهم ..!
الفتاة : لاتكذبين علي انا ماني صغيره واعرف وافهم..!
بقولك شي .. تدرين انا مره كذبت على وحده
من صديقاتي بالمدرسه وقلت لها اني انا اصلي ..........
وصادقتني وصرنا مثل الاخوات واكثر اتفسح معها ..
وصرنا قروب كامل وقلوبنا على بعض بجد حبيتهم وارتحت
معهم بعدين تطورت علاقتنا في بعض وصارت تطلب مني اني ازورها ..
وانا ماقدر اطلع من هالملجىء حدي المدرسه والمستشفى وبس ..
وصرت اصرفها واقولها اهلي مايرضون قالت خلاص وين بيتكم وانا اجيكم
وكل مرهـ اصرفها بشي واطلع لي عذر عشان ما انفضح وتعرف اني بالملجىء ..
ومره قالت لي بنطلع فالويك اند للملاهي تعالي معنا..
وماعاد اقدر اتحمل اكذب عليها اكثر من كذا
وقلت لها اني بدون اصل وعايشهـ بلمجىء .. !
تدرين وش سويت ..؟!
هي وبكل انصات وذهول : وش سوت ..؟!
الفتاة : راحت لكل القروب وقالت لهم عن السالفهـ
وصاروا يتهربون مني وماعاد يحاكوني ..
ورجعت وحيدهـ وغبت اسبوعين عن المدرسهـ وصرت ما عاد اروح ..!
هي : طيب كيف قدرتي تكذبين عليهم وانتم كل يوم تروحون
مع الاخصائيهـ الاجتماعيهـ وترجعون معها ماشافوها معكم ..!
الفتاة : انا صرت اترجى الاخصائيه ماتنزل وتوصلنا للباب وتروح
عشان محد يعرفنا وتسبب لنالنا احراج ورضت ..
وصرت اذا وصلت للمدرسهـ بسرعهـ اتهرب من بنات الملجىء
اللي معي واروح بعيد عنهم ..
تخيلي اروح بسرعهـ لدورة المياهـ واخذ لفهـ كاملهـ
على المدرسهـ بس عشان محد يعرف اني تبعهم ..!
هي : ...............؟!
الفتاة : ادري ماعندكـ شي تقولينهـ .. لان كلكم كذا ..
ماتقدرون تواسونا ولا حتى تخففون عنا ..
بس حبيت اقولك انك طيبهـ ماره رغم اني ماتعاملت معكـ ..
بس ابتسامتك لنا كل يوم حببتنا فيكـ مو بس انا
حتى البنات اللي معي كل "قسم الضيافه" يحبونكـ ..
بس كلهم خافوا يتقربون لكـ وتصدينهم مثل الباقين ..
هي : حتى انا بعد احبكم ونفسي ادخل واقعد معكم بس
تعرفين الوقت ماره ضيق ويادوب اخلص تدريبي واطلع ..
" ماحبت تقول لها ان مديرتكم رافضهـ ان بنات التدريب يحتكون
في بنات الضيآفهـ خافت تجرح احساسها "..!
ملاحظهـ " قسم الضيافهـ " عبارهـ عن قسم في بعض مراكز التاهيل
والمؤسسات العامهـ لرعاية المشلولين
وملاجىء الايتام ودور الرعايهـ ..
يضم عدد كبير من " اللقطاء " ...~
صبـآح / مسـآء .. معطـر بروح الصفـآء
تتلآلآ فيهـ نجومـ السمـآء ..وتتهـآتف نسمـآتهآ بـآلآخـآء ..
صبـآح /مســآء ، زهرآ ينظر شذآهـ فـي
ربوع(منتدى الوووود)
هذا الحوار آعلاهـ دار بين فتاة "لقطيهـ " ..
واخصآئيهـ نفسيهـ اثناء تدريبها في مؤسسه رعاية المشلولين ..!
عرفت بتلك القصهـ من الآخصآئيهـ نفسها ..
بالفعل لاآعلم كيف اصف مشاعري تلك اللحظهـ
واثناء حديثها ..
صعب علي حال تلكـ الفتاة والكثير غيرها ممن بنفس وضعها ..!
* لماذا لايتقبل المجتمع هؤلاء اللقطاء برحابة صدر وتودد وعدم خوف ..؟!
فـ آذا كان ابواهما قد اذنبا ..
فماذنبهم بغلطهـ غلطها اثنان اثناء لحظة ضعف وحضور شيطان قد زين لهم الجريمهـ ..!
آسئلهـ بالفعل تدرو في مخيليتي لم اتمالك اعصابي عند سماعي لتلك القصهـ ..!
قد يكون العيب فينا نحن ..او فالمجتمع نفسهـ ..؟!
ليس من الضروري ان يكون اللقيط " ابن غير شرعي " ..قد تتعد الاسباب في ذالكـ ..!
ربما غلطة اثنان قد تزوجا زواج مسيار " حيث ان احد شروطهـ عدم الانجاب "
وخوفاً من تدهو العلاقهـ بين الطرفين قاما برمي الطفل ولم يفكرا في مصيرهـ ..
او قد يكون الابوين يعانون من امراض نفسيه اوعقليهـ ..!
فقاموا ذويهم بنذ ذالك الطفل ورميهـ ...!
آعزآئي .. بالفعل حقيقهـ قد نغفل عنها ..!
* ماهي نظرتكم لتلك الفئهـ " اللقيط /هـ " ..؟!
............................. * هل تقبل/ين الزواج من " لقيط/هـ " ..؟!
*
صآآدفت/ي " لقيط/هـ " في احد الاماكن العامهـ وآخبرك عن وضعهـ ..
*ماردة فعلك ومدى تقبلكـ لكونهـ " لقيط/هـ ..؟!
بـ آنتظاركم ..!
دمتم بحفظ الله ..
..
!!!
قآلوآ لقيط رآآآآآس مآآآله هدوومه
العرض العادي
