سلااااااااام
صباح ومساء
الخيرااااات
أشين شي بالحياة إنك تكون زين ومشهور
, يبهذلون فيك الناس ، تصدقون هالحين أنا ما اقدر أطلع
بالشارع من الناس ، إذا صرت أمشي بالشارع كل الناس يأشرون علي ويقولون لبعض شوفواكحيلان شوفو كحيلان
بعدين كل شوي يجي واحد يصور معي وبنات يجن أوقع لهن أوتوجرافات ، والحالة حالة ، لا وبعد
بالليل ما أقدر أطلع عشان ما أنخطف ، بعدين الخاطفين يطالبون بفدية ويجي يعيي أبوي والصحفيين
يحاصرون بيتنا بعدين أبوي يطلع من تحت العمارة على جاكور تفاحية << شايفها بفلم لميل قيبسون
يوم ينخطف ولده
والله الحظيظين الشيون يلبسون الي يبون ويطلعون متى مابغوا ، شوفوا على سبيل المثال خوينا
(سلطان القصيم) يلبس الي يبي ويطلع توالي الليل ولا يخاف من الخطف ، ماعمره تعرض لمحاولة إختطاف
الا مرة وحدة كان قاعد على الرصيف بعد صلاة الفجر جاك شايب طلع من المسجد وهو ماشي بالشارع
على الددسن شاف (سلطان القصيم) متكي على الرصيف جاك الشايب رجع وركب( سلطان) بالقوووة
بس أشوى بنفس الوقت مرت دورية ومسكوا الشايب عاد وهم يحققون مع الشايب قالوا له ماتستحي
على وجهك هالكبر رجلن بالدنيا ورجلن بالقبر وتخطف ولد الناس
قال الشايب : أي ولد
قالوا : هالي أنت ركبت
قال الشايب : أما عاد ذا انسان ، والله اني أحسبه جذع أرطى قلت آخذه انتدفى عليه الليلة
عاد (سلطان القصيم) كان مبسوط انه انخطف والى هالحين يسولف به
<<<<<منسدح على الارض ميت ضحك هههههههههه
نفسي ومنى عيني وحلم من احلام حياتي اني اعرف وش تنتهي عليه قصه ذا الذيب الاشهب
الي يلاحق العصفور المعصقل ( بيب بيب ) ، هالذيب يخطط ويضبط الوضع همن تفشل الخطه لأسباب
خارجه عن السيطرة انا والله متحيرن ليه تفشل خططه ؟ ...
لكن سمعت الناس يقولون وانا ادخل على الله مااحط شي بذمتي يقولون انه كان عاقن بأمه
يومنه صغير وان امه دعت عليه وسلط الله عليه ذا العصفور
لكن تسان تبون الصدز (الصدق)هو حمار بعد ، يعني مافيه غير ذا العصفور , تسان بدل هالمعدات الي
ينفذ بهن الخطط (زرق) لشوايه الخليج واخذ له نص دجاجه مع الرز بتسع تريل واخذ له حمضيات يدفع
به وريح عمره وريحنا معه اقلقنا كل شوي جايبن العيد .
يقولون إن الكامري ألفين وثمانية بيتغير شكلها
ذا حادث ما أدري وش يبي بس الظاهر إن أخوياه متحدينه يصدم الماصورة
بالله ذا لفت ؟
ودك يضيع المفتاح
ذا واحد محترم بقوووة ، بس المسكين انسرقت نعاله (الله يكرمكم) ، عاد هو مسوي فيه أسلوب يقول :
(على من أخذ الحذاء بالخطأ مراجعة قسم الوسائل) << ياشيخ اقطع يدي اذا راجعكم
يقولون إن البيتزا ذي كانت دايم تطنز على السمبوسة
والله يالتركي حق المطعم مايستحي والا انه يستهبل والا كان شاربن من المخزي
خلاص انتهى الموضوع
دمتم بأحلى ابتسامة
كحيلااااان
سيييي ييااااه
العرض الشجري
