اوامر الرجال من الالف الى الياء
الرجال دائما يتأمرون على الحريّم المسيكينات الضعيفات
وأوامرهم لاتعد ولاتحصى ولو افكر بجمعها في كتاب كان يخلص عمري وانا ماخلصت جمع
وإليكم القليل القليل القليل من اوامرهم تبدأ بحرف الألف منتهيه بالياء مرورا على مابينها من الاحرف
أوامر الرجال:
أ:اشتري الي تبينه بفلوسك ما اصرف عليتس انا
ب:بيجيني رجال على العشاء ابي عشاء يبيض الوجه ابي انواع كثيره(ماعلمها الاالمغرب)
ت: ترى بكره دوري احد يوديك لعرس اخوي انا بروح مع الرجال
ث:ثلاجه جديده مافيه اشتريها بفلوستس(الثلاجه القديمه خربانه)
ج:جيبي لي مويه
ح:حكي ظهري
خ:خلي اهلك يمرون ياخذونتس معهم انا بروح للشباب
د:دلكيني
ذ:ذيك السنه (قبل 10سنوات)خيطتي فستان لزواج اخوتس
ر:روحي جيبي المقاضي من السياره
ز:الزراديه هذي بتجي في راستس إذا ماسكتي عيالتس
س:سددي الفواتير انتي
ش:شيلي القراطيس الي نطلتها
ص:الصوره هذي الي في الجريده اقري لي الموضوع الي تحتها
ض:ضفي عيالتس عني
ط:طلعي نومي برى انتي وبزرتس
ظ:الظاهر مافيه سفره ابسافر مع الشباب
ع: عطيني راتبتس
غ:غسلي السياره شوفيني دخلتها
ف:فصفصي لي الفصفص
ق:قسط السياره حل ومامعي فلوس عطيني
ك:كمديني
ل:لحفيني
م:منيب فاضي اوديتس المستشفى بنام
ن:نبي نروح للأستراحه انا والشباب
ه:همزيني
و:والله لأطقتس
ي:يالله قومي روحي لأهلي
هذي الاوامر قطره من بحر
م
ن
ق
و
ل
تقبلووو كافه تحيات اخوكم كل حزني
العرض العادي
