السلام عليكم
انا عضو جديد بهالمنتدى
واتمنى اني افيد واستفيد
وحبيت اشارك معاكم بهالقصيده
ما أذل القلب لجلك وانكسر***ما يحرك ساكني مثلك بشر
انت رمشه من عيوني لو تطيح *** وش ترى صاحبها لو طاحت خسر
غلطتي من جيتك اشكي لك ظما*** كنت أحسبك بالنظر أعذب نهر
غرني موجك ولكن للأسف*** كيف ابشرب؟ وانت يا مالح بحر!
عزتي أغلى من قلوب وجروح *** وان جرحني الوقت صدِّق ما نكسر
ضربتك ما تكسر إحساسي أنا *** ضربتك بالعكس قوتلي الظهر
ما تشرفت بهواك وعشرتك *** مآبي دربك لو دربي جمر
مستعد امشي على نارٍ وشوك *** إلا دربك ارفضه لو هو زهر
ما هو من بادل شعوري اعشقه *** ما هو من طال السما اصبح قمر
لو هو كل من حبني اصبح محب *** مابقى في الوادي صدقني شجر
افضل انك تبتعد عني ترى *** لا تحاول لا ولا تعيد النظر
لاتفكر تشرب كاس الهوى *** كيف تشرب واصل كاسك منكسر
ياخساره ما كتبته في هواك *** ياخساره بيت وقصيد وشعر
غلطةٍ منها تعلمت الكثير *** علمتني غلطة الشاطر عشر
انتهى مشوار حبك انتهى *** والأمل وياك ما عنده صبر
ما يفيدك لو رجعت لو رجيت *** من يزول الغيم لا ترجى مطر
وسلامتكم
وانشاء الله تعجبكم
ساحرة العيون
العرض الشجري
