قبل تقريباً أربعه أشهر و بينما كنت أصلخ أحد الثيران في أحد المزارع (ما ني قايل أسمها عشان ممنوع الذبح خارج المقاصب بسبب الخوف من الأمراض) إلا وجوالي إلى عن طريق الأقمار الاصطناعية يرن (يدق) و أنا إللي أناظر الرقم ، إلا هو خارج المملكة (؟؟؟؟؟؟؟؟؟44 00) ها قلت من هو إللي بدق علي من بريطانيا ضغطت زر OK إلا هو توني بلير ، رئيس وزراء بريطانيا.
أنا : الو
توني : هلو
أنا : من معاي
توني : آي كانت سبيك أرابيك بليز إربيد سبيك إنقلش.
عاد أنا فلته في الإنجليزي ، و خر عن دربي بس.
أنا : يس هو إز سبيكنق؟
توني : ياكي ما أرفتني أنا توني بلير ألله يقتأ سوالفك.
أنا : هاي توني هاو آر يو ؟
توني : بكير وت أباوت يو
أنا : أنا بزي الهين يا توني إندي ثور قائد أصلك فيه ممكن تسوي مكالمة بعدين ، أي آم فيري بزي ناو.
توني : نو نو إربيد لازم أكلمك هادا فيه موضوء دروري.
أنا : خير إنشاء الله وش عندك؟
توني : أبد بس أنتشر إندنا مرد جنون البقر. و نبيك تقول بالبقر كلهن.
طبعاً أنا معروف على المستوى الدولي أفضل واحد يصلخ 3 ثيران بيد وحده و في وقت واحد. (احم احم وبعد احم)
أنا : تيب كم إندكم من بقره ؟
توني : كتير مره ، يئني حوالي كمسين ألف راس بقره.
أنا : بس خمسين ألف راس (بيس أوف كيك) (يلعن الإنجليزي) ، هذا نثنق (يعني مو شي بالعربي).
توني : وت نثنق أقولك كمسين ألف راس تقولي نثنق.
أنا : المهم لا تكثر ألي الهكي كم بتتفئون للراس الواحد؟
توني : مستر إربيد بنأتيق 10 يورو ألى الراس ، ها وش تئول تم؟
أنا : أقول ماودك ألفك بطراق أعلمك وشلون تتكلم مع التختور البروفوسور عربيد الجزار.
توني : وش دأوا يا مستر إربيد أسى ما زألت؟ أنا فيري سوري كم تبي ندفأ لك؟
أنا : شف توني أنا أقل من 100 يورو ما راح أقبل لا تنسى إني في انتداب (رحله عمل خارجي) يعني أقل من 100 يورو ما راح أقبل.
توني : موافق بس بسرئه قبل لا يزيد المرد.
أنا : يالله مع السلامة ، و ترى تذاكر السفر عليك و الإقامة ، و التنقلات كلها عليكم .
توني : كلاس كلش ألينا بس أنت تأال بسرئه.
و في غمضه عين إلا و أنا مقطع الثور تقطيع ثلاجة و معطيه صاحبنا ، و أشغل الموتر و دزه للمطار إلا والسفير البريطاني في استقبالي و معه التذاكر ، و أنا إللي أركب الطيارة ويالله لبريطانيا قلت للسواق (أول مره أركب طياره ، على بالي خط البلده).
وصلت لندن إلا وتوني بلير في استقبالي في مطار هثرو ، و إلقطني ودني للبقر ، إلا وش أشوف (قولوا وراي وش تشوف؟) قسم من البقر راقي فوق بيت يقول وخروا عني جاكم الصقر ، و جزء منهم قاعد يقول أنا أسد الغابه ، و أشياء من جد تجنن الآدمي. قلت لتوني خلص لك مشوار قريب و بعد 20 دقيقه عود عشان توديني للمطار.
و يشد إنتباهي ذاك الثور إللي جالس الحاله و ماسك الزقاره بيد و السلسله في يده الثانية ، قال لي هاه يابو الشباب وش عندك ، قلت له أبد مهنا إلا سلامتك بس جاي زياره ساعه و ماشي عند مشكله ، قال لي لا بس حبينا نتعرف. (هو قال نتعرف و إلا ما قالها ، صارت آخر جمله ينطقها في حياته) قلت له معاك عربيد الجزار (هو أنا عرفته بإسمي و إلا ماعرفته إلا هو يشهق و يجاوب على طول) بس تحسبوني خليته ، في اللحظه إللي شهق فيها إلا أنا مذكية و صالخه ومقطعه ثلاجه بعد.
باقي البقر شافوا المشهد ، إلا الانتفاضة بادية ، البقر يبي يهج (ينحاش (يهرب)) ، و أنا أشتغل يدي الثنتين قصب و صلخ مافيه يمه إرحميني. ربع ساعه إلا أنا مصفي 49999 راس لأن تكملة الخمسين ألف قصبته قبلهم.
جاء توني بلير بعد 20 دقيقه إلا و ينهبل يوم لقى كل البقر مذبوح و مقطع تقطيع ثلاجه و بكراتين بعد.
عطاني خمسة ملايين يورو وقال لي يئتيك الآفيه مستر إربيد و الله كنا بنروه فيها وتي لو ما جيت اليوم ، وداني للمطار و أنا في المطار إلا التلفون تبعي إللي عن طريق كوكب المشتري يدق إلا هو رقم من هولندا. وصار ملك هولندا عندهم نفس مشكله بريطانيا قلت له أنا هالحين بأروح أدفن الفلوس إللي معي مع البقر و أجيكم.
رجعت للسعودية ، و على طول رحت للحوش حق البقر تبعي ودفنت الفلوس.
و سلامتكم،،، منقول ...
العرض العادي
