بما ان الامتحانات لسه مخلصه راح اقول لكم الموقف اللي مررررره فشلني مع المعلمات.......؟؟
في الاسبوع الماضي كان اول اسبوع نمتحن فيه وكان ادائي في المواد حلوووو....وانبسطت لان وراي نسبه ومعقدتني المهم جاء يوم الثلاثاء وكان علينا نحو وكنت متساهلته لانه مررره سهل وانا اخذة الدرجه كامله باختبار الشهر والترم هذا سهل مرررره ودروسه شويه المهم راجعت مراجعه تمام ....وراح اشرح لكم برنامج ذاك اليوم الله لايعيده ..جيت من المدرسه تعبانه>>>>>مواصله عقب امس>>> وطحت نايمه وماقمت الاالساعة العاشره بالليل بعد جهد جهيد من ابوي وامي وصجه اخواني الصغار المهم صحيت ونعسانه بعد صليت العشاء وفتحت الكتاب 11ونصف والى الساعة12 اووووه انجاز عظيم ؟؟؟؟المهم ومادريت الاوانا نايمه وماقمت الاالساعة 5 الفجر المهم قلت ماعلينا سهل مررره مايحتاج وكان فيه اعرابات كثيره وحفظتهم كلهم الا اعراب واحد كنت كاتبته بورقه وظاعت الورقه ومادريت عنها الا الفجر المهم قلت لما اروح المدرسه اسأل عنه ورحت وانا واثقه من ابداعاتي وقابلت زميلتي قلت لها اعراب صفحه 93 معال قالت ايه قلت حلووو جيبيه ابراجهة قبل مايجون المعلمات يدخلون البنات لكن واوووو مفاجاة وش هالاعراب يخوف صراحه اعراب بيت كامل من الشعر وكلماته فيها متصل ومنفصل ولان الفاعل كذا ولان المفعول ينصب مدري ايش يعني ويش اقول طويل مرررره وانا كل معرفتي في النحو حرف جر واللي بعده اسم مجرور بالكسره....ماعلينا قلت لها لا اتوقع ماراح تجيبه حرام كثير واكيد بتتعاطف معانا لاننا بثالث اكيد قالت هي ميه بالميه ماراح تجيبه المهم طلعت فوق والبنات اللي معاه كتاب واللي معاه ورقه واللي تبكي وانا اقول لهم على بالي يابنات سهل والله سهل امشوا بس وامشي مثل الملك ايه مو يقولون واثق الخطوه يمشي ملكآ...دخلت اللجنه وانتظر الورقه بحماس وفاتحه قلمي ومبتسمه جت الورقه يممه وش اشوف قطعه كلها استخرجي وياليت الاستخراج سهل جايبه اصعب شي في النحو وفي كتب سيبويه كلها المهم قلت ايه نعديها ونروح للسؤال الثاني واو وش اشوف اضبطي الحركات اول مرره يمر علينا من يوم رابعه ابتدائي قلت اخربط لها ويالله نروح للسؤال الثاني وش اشوف عاد ماجابت الا اللي ماركزت عليه بس اتذكره يمكن كذا جوابه لا كذا لا كذا وثبت على اخر جواب وكان الصحيح كلهم كانوا صح بالصدفه ورحنا للسؤال الثاني ياسلام مشكوره ظمنت ال5 درجات حرام الناس يتمنون الثلاثين وانا اتمنى درجه المهم قلت اروح للاعراب احسن لي لانهم مطلعين نظام جديد وهو ان الاعراب كامل عليه 10 درجات قلت انتهز الفرصه وفتحت الصفحه الاخيره وبعدين ايش اشوووف اعراب صفحة 93 ياربي ايش الحظ وحسيت ان فيه احد داعي على اني مااحل وحسيت ساعتها اني بحلم ومن هذا الموقف احكموا علي باسواء حظ بالسعوديه كلها...وجلست اكتب من عندي وفي الاخير شفت فيه حرف جر فرحت وكتبته وسكرت الورقه والدمعه في عيني..ولما جت معلمه التوقيع وبدوا البنات يسلمون اوراقهم ويوقعون ويطلعون قلت نظره اخيره على الورقه فتحتها ورحت للسؤال اللي مجاوبته كله صح قلت لا خطا ومسحته وكتبت شي ثاني..وسلمت الورقه وانا متردده من مسحي للجواب طلعت من اللجنه وعلى طول نزلت لتحت وشفت كتابي ياللهوووووووول مسحت الاجوبه الصحيحه وكتبت خطا نو ويي مستحيل وقلت بس ياراما مالك الا البكاء تريحين واخيرا نزلت الدمعه وجلست ابكي وبهاذي اللحظه احكموا لي باسوا حظ بالعالم الحمدلله على كل حال وشفت البنات يبكون ويقولون ولاشي صح قلت من شاف مصيبه غيره تهون عليه مصيبته وسكت وقلت اعوض بالمواد الثانيه والفضل يرجع لامي والمعلمات اللي رفعوامن معنوياتي ونسيت الموضوع ومن بكره علينا ادب نفس المعلمه الحقوده هي اللي تدرسنا بالمادة وكنت خايفة مرررررره من بكره ومن اسئلتها ومن يوم ركبت السياره وانا اقول لا اله الا الله محمد رسول الله واكررها..معلومه تبارك بالوقت هالكلمه.....ونزلت للمدرسه وانا ارددها وارددها الى ان وصلت طاولتي باللجنه وجابوا الورقه فتحت القلم وانا ارددها وكتبت راما محمد رسول الله:ttttt:
وقمت اجاوب بطلاقه الحمدللهوسكرت الورقه وبعدين جت معلمة التوقيع وفرحت ووقعت وطلعت وماانتبهت لاسمي وباخر الدوام نادتني المدرسه وهي تضحك قالت راما يالمتنبيه يابنت المتنبي وانا مستغربه مدري وش فيه قلت ايييييييش قالت لحظه جابت الورقه وقالت اخذي اقري اسمك واووووو اتمنيت الارض تنشق وتاكلني وجلست اضحك قلت الله يهديك من اسئله النحو خلت يومي كله رعب وخوووووف ضحكت وقالت المعلمات يسمونك بنت المتنبي قلت لها لا ترى معظم النار من مستصغر الشرر لاتنادوني فيها بعدين بكره تتحول الى صدق ويصدقون الناس:ttttt:
هااااااه حلو الموووقف
انتظروا مني ثاني عن الامتحان حصلي انا وزميلتي بس الحين خليني اروج سلعتي هاذي هههههههههه:rtrt:
العرض الشجري
