حنا ليا منا وعدنا وفينا....
واليا عطينا نعرف الجود ونجود
ومانذبح البسمه ليا من حكينا....
ومانفرض الغلطه على البيض والسود
من طبعنا لامن عطينا عطينا ....
جود من الموجود والجود موجود
بعنا المذله للضعيف وشرينا....
عزة نفوس وجد واخلاص وعهود
نضرب خطانا بالعصا لاخطينا....
حتى ولو كان الخطا غير مقصود
ومانِزعل اصحاب الجمايل علينا....
هذا وحنا نجزي الجود بالجود
يكبر غضبنا لا تعزوى حدينا....
نرضيه لو نبذل على ارضاه مجهود
واليا انتخن المترفات اعتزينا....
نفزع ولا نرضى على البنت منقود
نزعل ونغضب وان زعلنا نوينا....
كن الهدب والعين نار وبارود
نرضى نموت ومجدنا في يدينا....
ولا نعيش بمجد ضايع ومفقود
نعم خضعنا روسنا وانحنينا....
لله ولا غيره مع النااس معبود
مثل الغصون اليا انثنن وانثنينا....
وقلوبنا خشًاع ركًاع وسجود
نتبع ونامن بالرسل واقتدينا....
بمحمد وعيسى وموسى وداوود
خفنا من اسباب الضياع ان قرينا....
باهل الجحيم وقصة اصحاب الاخدود
نمشي على كف التراب وروينا....
من قلب مزن يرعد ارعاد ورعود
يكفي فخرنا باصلنا لا انتخينا....
شعله يابن شعلان وشعاعك ينود
ويكفي فخرنا بالعرب لا انتخينا....
حنا عرب من واقع جدود لجدود
ماقد تعلمنا الخطا واعتدينا....
ولا وقف في صفنا شخص مضهود
الصبر فينا مبتلي وابتلينا....
نصبر ولا نرجي من الوقت مردود
لو يشتكي منا التعب ماشكينا....
ولا تخلفنا ولا نخلف وعود
حنا ليا منا وعدنا وفينا ....
واليا نوينا قد الافعال وقدود
غير القلوب الخاشعه مارجينا....
والدمعه اللي تجرح اوجاان وخدود
لا الكره قايدنا ولا الحقد فينا....
ما احنا من اللي يجزي الطيب بججود
هذي عوايد طبعنا واكتفينا....
الله خلقنا زهود ونفنى له زهود
اقولها والله وكيل علينا....
بسم العلم لا صار عالي ومرصود
شــعله يابن شعلان شع شعاعها وتكمله
عذري عن قصور الجواب ومقامكم اسما بها
عليا وانت راس علــــــــــــيا والـــــــروله
عصابة الراس الشديد يعجبك فتل اشنابها
وسلامتكم.....
krz_777@hotmail.com
العرض الشجري
