دقيقة صمت نوقفها قبل مانعرض التصوير
قبل لا ينتهي وقت الغرام و وقت تحميله
نراجع في الكشوف اللي مضت ونعيد بالتفكير
ونبحر في مسارات الهوى من غير تحويله
نعيش الجرح في عزه قبل مانبتدي التخدير
عسى بتر الجروح القاسية يذخر بتبديله
ونوصل للحلول اللي لها بصمة مع التغيير
وننهج بالقضية منحنى مبناه تعديله
ونتدارس مهمتنا بداعي البت والتذكير
ومن له حق منا ياخذه من غير تاجيله
واظنك عارفة بان العظم يمكن به التجبير
ولكن الخواطر لو تكسَر مابها حيله
اذا مابه لنا عند الحبايب شئ من تقدير
ب قى دمع الخواطر للابد يشكي لمنديله
طلبتيني وفيت وما بدوَر عذر او تبرير
وطلبتك للاسف ماشفت غيرالصد تعليله
عجايب كيف خانتك الحروف وخانك التعبير
وجبتي شي يصعب يالغلا عالقلب تأويله
ابي منكم مجرد للحدث يالغاليه تفسير
لعل احساسي اللي يحترق يرضى بتحليله
اذا في يوم حسيتي معي من جانبك تقصير
تقاضي وابشري صعب الاماني سهل تذليله
واذا كان القضية شوف نفس وبالخطا تقرير
قدرنا المنتهي ياحبذا نحضى بتعجيله
المهندس الشاعر/ثامر الحارثي
16/2/1431 هــــ
العرض الشجري
