السلام عليكم ّّّ
ابيات اعجبتني وحبيت انقلها لكم
وكل عام وانتم بخير
صد وتغلى واحرق اعصاب مغليك
وش قيمة الغالي اذا ماتغلا ..
ابعد وطنشني واذا قلت وش فيك
قول الهوى لعبة وحنا إنتسلا ..
أبيك بارد دم تقهر محاكيك
وأنا اتظاهر بالصبر وأتحلا ..
وإن جيت يمك مد عني خطاويك
من شيمة المقفي خطاويه عجلا ..
لا تلتفت لي لو أصوت وأناديك
وإن طاحت الدمعه ترى العين خجلا ..
وإذا التقينا صدفه وقمت أراعيك
راع بطرف عينك وصد وتعلا ..
وان قلت لك تكفى ذبحني تجافيك
والقلب ياقلبي من الصد ملا ..
قل بدري وطبطب عليه بياديك
وتل الخفوق بسهم الاعيان تلا ..
نذرن علي لابيع هالكون وأشريك
يا أحلا من السكر يابو عيون نجلا ..
ولك العهد لو تحرق اعصاب مغليك
يزود ماينقص غلا من تغلا ..