يا ميرتي في بحر الاحـلام ضليـت=أسبح وأنا ما أشوف للبحـر مينـا
يا ميرتي والموج مـا منـه مليـت=مـدام بـه طيفـك وريحـك يبينـا
منه استشف اوصاف زينك وسميت=خايف عيوني تحسـدك مـا تجينـا
يا ميرتي في غيبتـك مـا تسليـت=الا علـى فـرك المسابـح سلينـا
يسريبي الهاجس مع الشوق وازريت=ازريـت لخفـي لهفتـي والحنينـا
ابني من طعون الهوى لهوى بيـت=واستاحشـه واهـدم بيـوتٍ بنينـا
وارجع من اللهفه انا ويش سويـت=حـرام نهـدم بيـت فيـه التقينـا
ماني بعد فرقـاك حيـن ولا ميـت=كان الوداع اقسى من المـوت فينـا
ارسلت لك شوقي مع الريح واقفيت=تقسى وحنـا بالهـوى مـا قسينـا
الغيت انـا كـل الاسامـي وناديـت=اسمـك ولا غيـره حروفـه تزينـا
يا ميرتي حبك على القلب مانشيـت=انـت اول العالـم بقلبـي ضنيـنـا
يا ميرتي يا ليت يا ليـت يـا ليـت=تدرين عن حالـي تركـت السفينـا
العرض الشجري
