السلام عليكم ورحمة الله وبركاته
متواضعه تناجي الذائقه
عل وعسى ان تجد لها مكاناً بين ذائقتكم
فوضوية فلسفه
‘،
‘،
ماهو عيبٍ أو خطـا إنـي أقـارع لـي كبـار=يكفي إني ياصغيـر العقـل لـي عقـلٍ كبيـر
وماهو عيب إني أشوف الخلق في عيني صغار=دام إن حتى كبير القـوم فـي عينـي صغيـر
وماهي ايضاً نرجسيـه لـو أناظـر باحتقـار=دام ربـي ابتلانـي بالحقـيـره ، والحقـيـر
أنا من ربـي خلقنـي احتفـظ باغلـى شعـار=اتركولي الفعل حتى .. تكتفـوا باكـل الشعيـر
مُبهم وأضرب قرارك فـي حظـن ذاك الجـدار=مالي حاجه في مديحك وإن حصل لي به جديـر
يوم أناظر لانعواجك تحسب إنـه لـك مسـار=كنت افضل التساقط اشوى من عـوج المسيـر
ويوم أنا أصعد للثرياء غيري يصعـد لانحـدار=لين أمرجح بالثرياء وغيـري لاهـي بالحديـر
ويوم اقدم خطوتـي أشـوف ظلـي استخـار=صرت أشوف الظل واقف دون دربي مستخيـر
ويوم ضيفك يعتـزي بـك رد منـك مستجـار=ضيفي جاني يعتزيبي هـج ضيمـه مستجيـر
ويوم همك صوت نوره ، كان همـي رد ثـار=يوم اطول الشامخـه ماطلـت نـوره او أثيـر
ويومني قبل الاخيـر ماكنـت تبغالـي خيـار=كنت أسابق مرتبك ثم كنت بعـدي / بالاخيـر
دام عشرتنـا تفاهـه تحـت وجـهٍ مستعـار=ياعسى من لامني بكرهك حطب نـار السعيـر
فوضويـة فلسفـه وأبـداع حـرفٍ أستـدار=ساكنه فـي راس شاعـر بيضـويٍ مستديـر
المحيـط الاطلسـي هـل تعتقـد إنـه يغـار=أو يغيضه بيـر مثلـك !! أو ينرفـزه الغديـر
كان غيرك قد جبرتـه وأبتعـد عنـي وطـار=انت حسبـه للنعامـه لـه جنـاح ولا يطيـر
كان شلت ثنين مثلي ساقه في وضـع إنكسـار=انا شلت الفين مثلـك وانـا يالجاهـل كسيـر
وين طيبك يالئيـم الصيـت والمعـدن إيجـار=يوم المك من شتاتك واجمعـك والحـال جيـر
يوم الفك في شماغي عن شتات وعـن غبـار=يوم احطك في يميني وخلفنـا الغبـراء غبيـر
كنت من وطية رجولـي للثـراء منهـا تغـار=كنت مثل الكل عادي ، وفي عيوني شخص غير
كنت بيرٍ للصداقـه وللشهامـه شخـص بـار=كنت رمـزٍ للمحبـه وللصداقـه كنـت / بيـر
وش تحس به وانت بيرٍ دامنـي تـاج البحـار=تحت ظلي المحيط ، والـف بيـرٍ ، والبحيـر
لاتقـارن الثريـاء بالثـراء لــو تستـثـار=الثريـاء ماحجبهـا عـج غبـارك يامثـيـر
والحرير إن كان ثارك لايحوشـه مـاء حـار=البسـه ثـم انتبـه لـه وأحتذرلـه ياحريـر
دامني بوضع الجلوس الخلق من حولي صغـار=مايهم إن وقفـوا ، مـادمت بجلوسـي / كبيـر
‘،
‘،
فهد خلف الشمري
العرض الشجري
