تمر سنين و إنت الحب
عسى الله لا يفرقنا
حبيبي مهما نتغير
يكبر حبنا معنا
تروح سنين وتجي سنين
و انا وياك أحلى إثنين
و إذا مر الوفا باكر اقول
كل عام و انت الحب
هلا باللي له الخافق يهلي
من الفرحه وروحي به تهلي
إلى شفته.. ولو بالنفس ضيقه
تفرج .. كل همي و أضمحلي
رفيع الشان .. عن درب الدنايا
نظيف العرض .. عن ما عاب جلي
إلى صافي .. بدرب الحب وافي
و إلى واعد بوعده ما يخلي
أنا فى عالم الأحلام .. هايم
مادام اني.. بظله مستظلي
و إلى جد النوى .. سامرت طيفه
تنير العين .. و أنور به محلي
ملك من كل حسن ما يريده
تخير وافضل الباقي .. على اللى
يحسبون أنهم .. بالزين آيه
وهم ما حاشوا .. إلا ما يخلي
أحسب الحب .. حب قد مضالي
وأثر ما فات .. من حبي تسلي
الين الله .. رماني فى طريقة
وذقت الحب صدق .. وطحت كلي
صباح الخير من بدري
أحبك وانت ما تدري
و كيف اصبر على حبك
و حبك نار في صدري
صباح الخير يا غالي
حياتي و كل آمالي
و كيف اشرح لك احوالي
ولا أعلم بما يجري
ملكني الحب سلطانه
لعب في الراس شيطانه
تبات الروح هيمانه
و لك طول الدجى تسري
جمالك رايع المنظر
يخلي العقل يتحير
وعلى بعدك انا ما اقدر
كفى يا طلعة البدري
ألا يا ريح ودي له
تحياتي وشوقي له
وعند الصبح قولي له
صباح الخير من بدري
عمري ما فكرت فيك
و ما خطر في البال حبك
لين قلبي قال أبيك
و قالت عيوني أحبك
صرت عندي أغلى شئى
و أغلى من نفسي علي
مالك بقلبي شريك
بعد ما فكرت فيك
قالت وش أكثر شي يعجبك فيني
قلت بصراحه كل ما فيك جذاب
اسمك ورسمك والشعر والجبينى
و عيونك و صوتك وخدك والاهداب
قالت تبالغ قلت لا .. صدقينى
ترى وصوفك ما بها شى ينعاب
ما كنك الا الليل للعاشقينى
و ما كنك الا الوصل ما بين الاقراب
كلك على بعضك كذا تعجبينى
و فى كل يوم فيك يزداد الاعجاب
وشلون مدرى بس ذا شوف عينى
و العين ماتنلام فى وصف الاحباب
من تجميعي وتنسيقي ارجوو تناال الرضاااء