هذه قصيده للشاعر / موسى بن عمران الرشيدي ولم يكتفي بالتعبير والأبداع في الشعر فقط بل حول الشعر إلى لوحة تشكيلية من رسمه أيضا تعبر عن القصر المعني بالقصيده
ياقصر أنا وقفت عندك وابا ارثاك=أرثاك وأرثا اللي من الناس بانيـك
أرثـاك ياقصـر ٍ قديـم ٍ إمبنـاك=جرد السنيـن أمهدمـات ٍ مبانيـك
وأرثاء الذي سوَاك وأقفاء وخـلاك=خلاَك ماكنَه بنـاك وسكـن فيـك
لولا الرسـوم الباقيـة ماعرفنـاك=كن اللـذي سـواك يمـه يناديـك
لا تشكي الغربة وحيـد ٍ بدنيـاك=يكفيك بالغربة عن الناس راعيـك
ياليتنـي جنَبـت ياقصـر منًـاك=من شان ماتذكـر علينـا ونبكيـك
ذكَرتني ياقصر من حلـو ذكـراك=أيام في ماضي حياتـي وماضيـك
مااجملك في ماض الليالي ومااحلاك=قلبي معك ساكن وعيني تراعيـك
ياقصر لو تحكي تحاكيـت وإيـاك=ليتك تحاكينـي دقايـق وأحاكيـك
وأسالك من مرًك من الحي من جاك=تعطيني أخبارك وأنا مثلك أعطيـك
لكن جماد ٍ مالك أحسـاس وإدراك=ماهمك اللي صار ياقصـر أهنيـك
عسى السحاب الغر ياقصر ياطـاك=يسقي ثراك ويخضر اللي حواليـك
رسمتك ابيمناي من بعـد رويـاك=تبقى تراث ٍ من محبـك ومغليـك
العرض الشجري
