العودة   منتديات الـــود > +:::::[ الأقسام الثقافية والأدبية ]:::::+ > همس القوافي
 
   
 
أدوات الموضوع تقييم الموضوع انواع عرض الموضوع
Prev المشاركة السابقة   المشاركة التالية Next
قديم 30-05-2009, 08:46 PM   رقم المشاركة : 1
أمــــواج
( ود فعّال )
 





أمــــواج غير متصل

حديث المســــــــــــاكين ..؛؛؛؛



ولا كلمة !
أبسمعها .. من عيونك !
أبي تنطقها .. بجفونك ..!
أبي هالليل .. من دونك يدوّر عن .. دفا حلمه !
أبسمعها ..!
وابتبعها ..!
وابي تنثرها في روحي ..!
عشان إن غبت عن عيني .. أروح بلهفة واجمعها ..!!
أنا وإن غبت ( مابيني ) !!
ولا تسأل بعد .. ( ويني ) !!؟
لأن إن جدت بغيابك .. وربي ماأحس ( فيني ) !
ولا كلمة !
أبيها من نظرة عينك !
أبيها من دفا .. ايدينك !
أبيها .. لاطغى زينك ... وهد ّ الروح .. من ظلمه !
أبيها لاتقابلنا ..!
وعلى أنفاسنا ... مِلنا !
أبيها .. لاابتسم قلبي .. وحنا بحب .. مازلنا ..!!
أبيها .. إن سال لك .. دمعي !
وصوتك .. يشربه .. سمعي ..!
أبيها .. لين مانسكت ولانلقى ...






















ولا كلمة !!















تعال .. وامسح دمعة من عيون ٍ ... بكت فرقاك ..
..... تعال .. قبل ماأصبح .. فـ عالم حزني ... المسجون ..!

عجزت اضحك على قلبي واقول إني قدرت انساك !
..... أبي أنساك ! لكنّي مع نفسي ... أقول .... اشلون ..!!؟

بعد ماضيّعك قلبي ... بعد هالوقت ....../.. ماودّاك
..... تلطّم .. وجهي الباسم .. وفرّع / وجهي .. المحزون ..!

تعال وانزع جرح ٍ نمى فـ ضلوع .. من يهواك !
..... أنا من ( طحت في يدّه ) ظلمني ظلم ! ../ فاصبحت كالمسجون ...

تعال لملم شتاتي .. أنا بعدك ... هِنا ... وهناك !
..... وعمري .. ( يابعد عمري ) .. هواجيس وتعب وظنون !

على كثر الهموم اللي تجول فـ خاطري ... لرضاك !
..... أنا مالي جدا .. ياكود .. قولة ..... ( ماعليه اتهون ) !





والطريق ..
كم بكاني يوم .. جافاني الرفيق .!
كم ندهني يوم ..
بعيوني تضيق :
كل هالدنيا .. الوسيعه !
وعمري الذابل .. ربيعه ..
وصدر من قالوا : ( صديق ) !
والرحيل ..
كم يلوّح لي ورى .. الهم ْ الثقيل !
كم صرخ لي " ليلك الليلة .. طويل " !
والشقا .. درب ومسافة !
و( المسا ) .. مخلوق ( آفه ) !
وصبري الباقي .. قليل !
والغياب ..
كم أهه ... داخل ضلوعي .. أذاب !؟
كم جرح ٍ .. ماسلم منّه ..
وطاب ..!؟
كم يعلمني .. أحن ّ !
واطلق آهاتي .. واون ّ !
واكتب .. بدمعي .. الـ عذاب !!



بقّيت لي بغياب روحك ... مساكين !
...... عيني .. وقلبي .. والأمل ... والأماني !!؟


كنّ الثواني ... في غيابك سكاكين !
...... ليتك تذوق شوي .... / طعم الثواني !


القلب ماهو قلب والعين .. مو عين !
...... حتى مكاني ... ماأحسّه ... / مكاني !


شفني على جال السهر أنطرك لين !
...... حسيت بان الجال .. / يصفق عشاني !


مديت قلبي ! قبل لاآمدّ ...... يدّين !
...... وطلبت كلي ! . قلت : جالك .. هذاني !



والحين شفنا وين !؟ .. واحلامنا وين !
...... ضعنا اندوّر ... للسعادة ....../ مواني !


وش بيننا !؟ إلا التعب واسود البين !؟
...... وشي ٍ لعب في حسبتي .. واحتواني !


كل شي بكاني من غيابك إلى اللحين !
...... حتى عدوي ! .. من غيابك ../ بكاني !!


ماعاد تفرق جرح واحد ! ... وجرحين !
...... الموت واحد .. له عذابك .... / خذاني !


ياصاحبي .. يكفي غيابك .. وبعدين !؟
...... ماخفت ربك بس ... " أنت و زماني " !؟






وكل ماأبعدت تجرح !
بس تقرب في خيالي وآخذك وياي .. واسرح !!
وآتسائل ويا نفسي !!




















" ياحياتي أبكي وإلا أفرح " !!؟


منقول بتصرف :::


ارق التحايا من اختكم : شموع ؛؛؛






التوقيع :
أحبه بكل مافيني ويكفيني
يكفيني عن كل البشر

 

مواقع النشر (المفضلة)
   


الذين يشاهدون محتوى الموضوع الآن : 1 ( الأعضاء 0 والزوار 1)
 

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 01:06 AM.




 


    مجمموعة ترايدنت العربية