بيني وبينك حتّى شكلك نسيته
ماعاد لك في القلب تأثير وإحساس
خلاص كنّك شخص توني لقيته
مثلك مثل غيرك مثل باقي الناس
انت مثل حرفٍ كتبته ومحيته
من صفحة أحلامي ولا عاد حسّاس
لاتتعب أفكارك بحبٍ نهيته
قبل البداية وانتهى ناقص الساس
صحيح جلّلتك وعهدي وفيته
وعلّيت من قدرك على العين والراس
قصدك تكحّل طرفي لكن عميته
قدر البشر ماهو بالسهل ينقاس
أخطيت في ضنك وفعلك جنيته
ذوق الندم والهم والحزن والياس
وأنا نسيت وحتّى شكلك نسيته
مثلك مثل غيرك مثل باقي الناس
اتمنى ان تنال اعجابكم
العرض العادي
