بسم الله الرحمن الرحيم
السلام عليكم ورحمة الله وبركاتة
,,,,,,,,,,,,,,,,,,
أسعد الله وقتكم بالخير والمسرات اجمعين
احبتي رواد هذا الصرح المميز بكم ، ،
بعد ان من الله على بأداء العمره انا وزوجتي وكنت متجها الي مدينه الجوف
الموقع بالتحديد / طريق المدينه - حائل
نقطه أمن طرق تبعد حوالي 70 كيلو متر عن حائل
الساعه / 7:20 دقيقه مساء
يوم / الاربعاء الموافق 21/3/1430 هــ ( 18-3-2009 مـ )
اوقفني العسكري المتواجد بالنقطه القريبه من المركز لامن الطرق
وكان مليان شوي بالجسم ( طبعا الطريق ) سايد واحد . . يعني ماهو سريع , ,!!!
وقال لي اثباتك ، ،
اعطيته الرخصه وشافها ،،
قال / السياره باسمك
قلت نعم و اعطيته الاستماره
قال عطني كرت العائله ،،
طلعت الكرت واعطيته اياه
قال وين المرافقين بالكرت ،،
قلت ياخوي متزوج ثنتين ،، طبعا نرفزني ،،
المسار الاخر به زميله الشاب: اي عائله يمشيهم وانا مافيه اثبات الا وطلبه ،،
قالي / وش فيك زعلان
قالت ياخي ماني زعلان بس المفروض اذا تبي تطبق النظام يكون على الكل
شف خويك ولا عائله وقفهم ولا طلب حتي رخصهم او اي شي ؟
قال / صفط على جنب ؟؟
قلت اصفط على جنب ؟
المهم جلست بالسياره اكثر من 10 دقايق ولا جاني ؟؟
رحت له قلت ياخوي مطول انا صار لي اكثر من 11 ساعه وانا امشي ؟؟
قال ايه مطول / تنفخ على ان معك اهلك ؟؟؟؟؟؟؟؟؟؟ ( الحمد لله على نعمه العقل )
قلت له / انا ما نفخت ولا شي انا قلت اذا بتطبق النظام المفروض على الجميع وهذا يريحني
انا قبلك ؟
قال / يالله بس الحقني على المركز
قلت له / حسبي الله ونعم الوكيل . .
المهم رحت معه للمركز وهو قريب مره عند النقطه
و نزلت من السياره ( وقلت للمدام قفلي السياره )
وعند الباب كان فيه واحد ملتحي عوارض بس واعتقد رتبته ( رقيب )
طبعا الاسماء مشيوله ؟؟؟
قال وش فيك يا ( راعي العليا )
وعلمته القصه ؟؟
وبالاخير ضرب له مطب العسكري اللي مسكني وجاب العيد
بعدما شاف ان ما فيه اي شي علي
قال ابي اكتب عليك مخالفه تلفظ هههههههههه
قلت اللي تبيه سوه
ويقول لخويه والا وش رايك اعلم ( الرائد ) هههههههههه
قال خويه يارجال خلاص ما يحتاج
قال / الا الا خلني اعلم الضابط
يعني بزعمه يخوفني ،،
بالاخير / قال اسمع والله لو انك ( شراري كان ما اخليك تمشي من هنا الا الصبح )
قلت له / الشراري والرويلي كلهم سعوديين
وانت رجل امن المفروض ما تطلع منك مثل هالكلام . .
اخذت اوراقي ومشيت بعد ما جلست ما يقارب الساعه الا ربع
( حقيقه بعض المراكز ومن عليها تخاف منهم خاصه اذا معك اهلك )
وخاصه اذا اعطي الامن لمن مثل هذا الشخص ؟ الذي يتعامل بالقبيله
ولم يقدر الامانه والمسؤؤليه التي منحت له
بل انه ربما يستخدمها بمثل ماذكر ,,
مارايك بمثل هذا العسكري ؟؟
وماذا ستعمل لو حصل لك مثل هالموقف . ؟
للمعلوميه الطريق شبه مقطعه ؟؟ يعني يخرع باليل وخطير جدا لانه مسار واحد فقط .!.!.
خالص التقدير
الممدوح