بما اني احد المشاركين بالمسابقة في القصيدة السادسة حبيت اضع قصيدتي المتواضعه بين ايديكم .
كما اشكر كل من صوت لقصيدتي :
ملاك ، عاشق الليل ، الدرع العربي ، نواف الخبر ، عبوره ، ورد الشام ،النسر المهاجر ، ربة القيفان .
كما اباركـ لك الفائزين العبيوي ، راعي العليا ، العاطفي .
تستاهلون شعار كبار
ياطير وصـل رسالـه للحبيبـه عهـود = قله ترى عيون خلـك ساهـره ماتبـات
وقله ترى الدمع يجرح ناظره والخـدود = يضحك ويبكي خفوقه ياجنـون الحيـات
ان كان تبي الحقيقه .. بعذاب ماله حدود = ضرير طاحت عصاه وضاع درب النجات
عليل داي الهوى والهـم فينـي يـزود = صويب مالي طبيب ولا شهـاده وفـات
يابنت صدك سرق حلمـي بلـذه رقـود = روفي بحالي الا ياعنـق ريـم الفـلات
ابسألك؟؟ لي متى هذا الجفـا والصـدود = معقول !! هذا الشعور يكذب بكل الصفات
المزح ماله مجال والكذب مالـه وجـود = والشعر ماهو لعب خذها وعطني وهـات
والشوق لي قاتلي وانتي ولا لـك ردود = وفاك ميت قبل وانتـي ولا لـك ثبـات
الحب لا عـاده الله وا عسـى مايعـود = توبه لطرد الهوى لاعـاد ليـل البنـات
ياطير هذي رسالـه وللحبيبـه عهـود = ماعاد باقي حنين وماعاد باقي وصـات
العرض الشجري
