كلمات سعودية .... لها معاني غريبة

[رومـيـو نـجـد]

كلمات سعودية .... لها معاني غريبة
هذي اشهر الكلمات السعودية المضحكة التي مرت علي منذ ولادتي
وانا اسمعها وما كنت افهمها وحبيت ادرسها وآخذ الدكتوراة فيهاواوصلها للناس بمفهوم مبسط
لووووووووول
نبدأ
الدلخ ... انسان غبي جدااااا و يرفع الضغط و ينرفز و اكثر مايعاني منه المدرسين واهله

المنسم .. هذا راجع الى تهريب الهواء من راسه و السبب هو ان راسه فيه فتق و دايم
تلقاه يغطس راسه في سطل مويه عشان يعرف من وين التنسيم0

المهوي .. هذا مرحلة متأخرة من التنسيم و المهوي وصل لمرحلة متأخرة جداااااااا
بحيث يفقد اهله الرجاء منه



جحلط بتشديد اللام ... وهي مرحلة متقدمة للسلنتح0

مزلب .. يعني بايعها بتراب

مسفح ... يعني طاير في العجة وهو ماعنده ماعند جدتي يعني بالعربي الفصيح من جنب
العارضة

المسبه او المسبوه ...هو الشخص اللي يكون مروع في صغره لدرجة انه يصبح شبه فاقد
للعقل

المفهي ...هذا الله يخلف مهما تقول له او تصارخ عليه تلقاه فاتح فمه وبس ........
وإذا كلف عمره وتفاعل معك رد عليك وقالك هه .....

العله ... هو اللي ماتأخذ انت منه أي شئ ولاعنده استعداد ان يسمع منك مهما حاولت
وهو كالمرض يعلك لين تنفقع مرارتك منه

العربجي ... يظن معظم الناس ان العربجي هو الشخص الشديد حق المشاكل و اللي مايمشي
إلا وهو مشخص ببنت البكار و حاط مفاتيحه في سلسلة و لابس نعال سجادية ويسحبها>>اكره هاذي الحركه
تسحيب لين جاء يمشي ودايم فاتح صدره و رازه على فوق و كانك ولد ابوك تكلم معه

المرجوج .... هذا ما عمره صلح شئ صح في حياته مايمديك تفتح فمك الا وطار في العجه
بدون ما يفهم وش السالفة و الارتجاج الحاصل له يختلف تماما عن مشكلة المسبه او
المسبوه حيث يكون الارتجاج هنا نتيجة صدمه وليس نتيجة روعه

المطفوق ... من فصيلة المرجوج ... إلا ان مايميزه هو انه إذا مر من عند كاس او جيك
او إبريق او اي شئ فيه سائل لازم يكبه [[ اي يسكبه ]] برجله وهو مايدري,, ولا تخليه
يمر بجنبك وانت معك صينيه فيها بيالات لانه لازم يطخها بيده او بكتفه ..!!..ايضا لاتخليه
يصب قهوه للضيوف لانه لازم يكب القهوه على ثوب واحد منهم...!!!...


الملكع .... اما هذا فيعرف حتى السكن (( اي الجن )) مقطع السمكة وذيلها ومهما تحاول
تلف وتدور معه تراه فاهم وعارف وش تبي بالضبط فلا تتعب نفسك معه

الخكري .... ببساطة الخكري= نعومة + دلع + ليونة و الله لايبلانا ....