ملاحظهـ :
(( جرحى الرايق)) نزل علي موضوووع
قبل شهر تقريبا عني اللي عنوانهـ (( رومنسيهـ تتحدا ابليس ))
هع هع <<< ماتنسى ابدن ابدن
اليوووم انا قرررت اردها لهـ <<<< قوولو ماشاللهـ لاحد يصكني عيني
(( العين بالعين والسن بالسن والبادي أظلم )) لذا انا حبيت ارد حقي على نار هاديهـ
<<< متأثررهـ بعاادة القبايل هع هع هع :)
موضوووعي اليوووم يتكلم عن (( جرحى الرايق امنيتهـ بالشيخهـ )) هع هع :)
ياللهـ نبداء مع أحداااث القصهـ :)
هاااااااااااااااااااااي ايفري بدي
<<< تطورت منفوحه هههههه
طال عمركم هذي قصه (( جرحى الرايق )) والمشيخه التي يتمنى ان يحصل عليها
مانبي نحرق عليكم القصه
اتركم مع القصه
كان يا ما كان كان هناك شخص يدعى (( جرحى الرايق )) وهذا لقب مشهور فيه
والا اسمه اخليكم مع صورت الحقيقيه
المهم (( جرحى الرايق )) هذا كان كل امنياته في الحياه انه يصير شيخ قبيله
لكن ما فيه مقومات وما احد بيعطيه مجال لان الشياخه لها ناس واخرهم (( جرحى الرايق ))
بعد ما يأس من الشياخه في قبيلته قال يا ولد انا بافصل لي جنبيه زي حقت الشيوخ واكتب عليها
الشيخ (( جرحى الرايق)) في منتدى (( الــود ))
هههههههههههههههههههههههههههههههههه
المشكله ما فيه دراهم قام باع الغنم كلها علشان يفصل الجنبيه ( الحل)
فصل الجنبيه وكتب عليها:
الشيخ (( جرحى الرايق )) قاتل ميه ومعتق ميه
علشان الشياخه تكون على اصولها
المهم طق في الارض بعد ما باع كل شي علشان هذي الجنبيه
هائم على وجهه لا فرس ولا حتى حمار ولا قليل ولا كثير
ومشى وابعد عن ديرته بعيييييييييييد
المهم من كثر التعب جلس تحت شجره ونام
&
&
&
وهو نايم الا ويشوفونه مجموعه رجال جوا قربوا منه وبدون ما يحس
طالعوا فيه طالعوا في الجنبيه:
الشيخ (( جرحى الرايق )) قاتل ميه ومعتق ميه
الله يكفينا شره هذا ماهو بسيط هذا مطلوبنا هذا اللي بيحل مشاكلنا
المهم صحوه لشوي شوي ولين (( جرحى الرايق )) في سابع نوومه مب لمهم
المهم قام الشيخ (( جرحى الرايق)) وقال خير وش فيه
(من الخوف طبعا)
هم :
لالا ابدا بس قلنا تتفضل عندنا هنا يا شيخ (( جرحى الرايق ))
هو:
اهاااه الشيخ (( جرحى الريق )) طيب طيب
(اول مره يسمعها في حياته ) ههههههههههههههههههههههههههههههههههه
هم :
تفضل تفضل
المهم راح معهم قهووه وغدوه وريح وقيّل عندهم
وقالوا له روس القبيله عازمينك الليله على العشاء
وطلبناك ان تقول تم
قال:
تم تم
المهم اجتمعوا وتشاوروا قبل ما يجي الشيخ المزعوم
ويوم جا وتعشى واللي عليه بالخير
قالوا له العلم سلامتك >>> تحسووون اني طلعت على حقيقتي هع هع هع :)
حنا قبيله ضعوف ما عندنا فارس ولا عندنا شيخ
وقطاع الطرق ذبحونا ما يمر يومين الا وهم
داخلين عندنا ياخذون اللي يبغون من حلالنا
وحنا لا حيله ولا بصيره >>> مغشوووشين فيهـ :)
لمعت عيون الشيخ (( جرحى الرايق )) من الفرح <<< ماصدق خبر :)
قالوا له اسمع حن بنحطك شيخ لنا كلنا
طبعا الشيخ (( جرحى الرايق )) >>>على طول قال انا موافق
<<<<<< ( حلمه القديم )
قالوا بس فيه شروط
الشيخ (( جرحى الرايق )) يتمتم :ا نا لله وش شروطه؟
طيب وش شروطكم>>> وهو يكلم نفسهـ وش هالورطهـ :)
قالوا فيه ثلاثه اختبارات ان نجحت فيها تاخذ الشياخه
وان ما نجحت فما لك عندنا الا ضيافه ثلاثه ايام
الشرط الاول :
اختبار الفروسيه والقتال
الشرط الثاني :
اختبار الشجاعه
الشرط الثالث :
اختبار الذكاء
المهم فكر الشيخ (( جرحى الرايق )) شوي وهو عارف ان ما فيه ولا شرط ينطبق عليه
قال يا ولد خلني استفيد قدر المستطاع على الاقل اذا جاء اختبار الفروسيه
اخذ من عندهم فرس واحط رجلي <<< تفكيرهـ ختيررر :)
قال لهم انا موافق
قالوا اختبار الفروسيه بكره جهز نفسك
جاء اليوم الثاني
قال انا جاهز قالوا له نبغاك تقاتل قطاع الطرق وترهبهم علشان ما عاد يرجعون لنا
قال طيب بس ابغى فرس متعوده على الكر والفر قالوا جاهزه والسلاح جاهز
طبعا الرجال عمره ما ركب خيل <<<< من جد مو سهل :)
قال ابغاكم تربطوني على الفرس ربطه ما تنفك
ركب الفرس وربطوه ربطة الشر واخذ سلاحه
قال:
وينهم قال في الجهه الشماليه قال طيب وراح يوم ابعد وهو يفر جهة الجنوب >>> جباان :)
ومشى الا والله ان قطاع الطرق قدامه
ويوم تشوفهم الفرس وتقول بسم الله
وعليهم والشيخ (( جرحى الرايق)) يحاول ينزل يمين شمال يحاول يوقف الفرس
ما فيه فايده رايحه لهم رايحه وهو مربوط ربطه شينه
وهو يطالع الا شجره قدامه
ويوم وصل جنبها وهو يتمسك بها مضبوط لكن الربطه كانت اقوى
وهو يقلع غصن كبيييييير
ويوم شافوه قطاع الطرق وبيده الغصن الكبير هذا وطريقته في فلع الغصن
خافوا منه وسلوموا واستسلموا قالوا هذا الداهيه عزا الله بيذبحنا كلنا
اللي قلع ذاك الغصن وراعي هذا الهجوم الخاطف ما لنا الا نستسلم
يوم شافهم الشيخ (( جرحى الرايق )) مستسلمين
قال :
يالله يا كلاب واحد منكم يربط البقيه والا والله لاذبحكم ذبح الشاه >>> واللهـ الهيااط :)
المهم ربطهم كلهم وسحبهم
وراح للقبيله وهم قدامه مربوطين زي الغنم
ويوم شافوا القبيله قطاع الطرق مربطين
قالوا :
عزا الله شيخ ولد شيوخ >> من جنبها اهوو :)
ويفكون الرباط اللي مربوط فيه على الفرس ويهنونه ويكرمونه
ويريح الشيخ (( جرحى الرايق )) وهو يقول:
في نفسه راحت الفرس ورحت انا فيها
جا اختبار الشجاعه
قالوا له :
فيه اسد دايم ياكل حلالنا ونبغاك تقتله
قال:
هااااااه اسد ( عدلوا بدلوا )
قالوا :
اسد
قال :
طيب اتركوني عليه بس ابغى فرس
بس غير الفرس هذي
ما تنفع له يبغى وحده حبيبه
(ما هي حقت مشاكل)
قالوا :
طب وتخير يا شيخ ((جرحى الرايق ))
المهم لقى وحده هناك شكلها ضعيفه مالها في المشاكل
قال :
هذي
قالوا:
يا شيخ (( جرحى الرايق)) هذي تعبانه ميب حقت كر وفر وانت بتقابل اسد
قال :
انتوا تعلموني الكر والفر وبعدين من هو اللي بيقابل الاسد انا والا انتوا
قالوا :
خلاص يا شيخ (( جرحى الرايق )) انت ادرى
المهم اخذ الفرس التعبانه ويوم يبغون يربطونه قال :
لالالا
(خايف من الورطه القديمه)
هههههههههههههههههههههههههههههههههههههههههههه
كل معركه ولها طريقه
اخذ الفرس الحبيبه هذي وتوكل
قال لهم :
من وين الاسد هذا اللي يطلع لكم
قالوا :
من الشرق
قال :
طيب خلاص ازهلوها
ويوم ابعد وهو يروح غرب مشى
وهو يقول:
قالوا اسد مجنون انا؟
ومبسوط من الفرس تمشي على اقل من مهلها
مشى الرجال الى ان تعب وهو يشوف ذاك الشجره الكبيره
قال:
اريح هنا
المهم ربط الفرس وطلع هو فوق الشجره ونام
شوي الا والاسد محضر
الله لا يوريكم الشجره هذي بالذات محل يتكي الاسد فيها ويقيّل هههههههههههههههههه
أما الفرس من يوم ما شمت ريحة الاسد
وهي تحط رجولها وتعود لاهلها
والشيخ (( جرحى الرايق )) نايم في سابع نومه
نام الاسد
والشيخ (( جرحى الرايق)) ينقلب ويطيح على ظهر الاسد
وينفر الاسد
لكن الشيخ (( جرحى الرايق )) من كثر الخوف تمسك مضبوط
لانه عارف انه لوطاح انه بيروح فيها
ويحاول الاسد يطيحه يحاول
لكن الرجال متمسك مسكه خواف يعني متسمر فيه
ويحاول الاسد يطيحه يمين شمال
ما فيه فايده الرجال مسمر <<<< مو بايع روووحهـ هع هع
ولا هو ناوي يفكه
المهم وبينما الصراع مستمر >>>> (صراع من اجل البقاء)
قائم بين الشيخ (( جرحى الرايق )) (( والاسد ))
القبيله هناك بعد ما رجعت الفرس
عرفوا ان الشيخ (( جرحى الرايق )) جاه شي
وهم يفزون كلهم ويلحقونه
ويجون الا والله الشيخ (( جرحى الرايق )) متمسك بظهر الاسد
والا سد يحاول يطيحه
ويجي واحد من القبيله ويقتل الاسد
ويطيح الاسد ويموت
والشيخ (( جرحى الرايق )) متمسك فيه
ويجون عنده الا وهو زعلان مررررررررره
قالوا الحمد لله على السلامه يا شيخ (( جرحى الرايق ))
قال :
الله لا يسلمكم
قالوا:
ليش
قال:
من اللي قتل الاسد
قام واحد وقال:
انا
قال:
الله لا يوفقك
قالوا لييييش
؟؟؟؟؟؟؟؟؟؟؟؟؟؟؟
قال:
انا كنت قاعد اروضه ابغاه ركوبن لي وتجي تقتله حسبي الله عليكم
>>> أبووووووووك يالتصريفهـ هع هع :)
المهم اعتذروا منه وتسامحوا منه
والرجال يسامحهم وياخذونه
ويرجعون على القبيله ويعشونه ويحتفلون به
الفارس العظيم مروض الاسود <<< تحسووون قوويهـ عليهـ
المهم هو يفكر يقول :
راحت علي الفرس لانه عارف انه ما بينجح في اختبار الذكاء
لان ما فيه مجال للحظ في هذا الاختبار
جاء موعد الاختبار النهائي
اختبار الذكاء
المهم جابوا تنكه
وحطوا نصها عسل
والنص الثاني الله يكرمكم ويكرمون الحاظرين والموجودين
( بعر حق الغنم )
وغطوها وقالوا :
يالله يا شيخ (( جرحى الرايق )) تقدر تقول لنا التنكه هذيك وش فيها
المهم الرجال قعد يفكر في وضعه لانه عارف انه ما راح يعرف
يفكر كيف الكرم اللي كان فيه والامجاد اللي عاشها اليومين
اللي راحت مع هذا القبيله اللي نادوه باغلى اسم عنده
وهو الشيخ (( جرحى الرايق))
فكر فكر وكيف بيكون وضعه بعد ما يروح من عندهم
وهو يتكلم مع نفسه
وهو يتزفر زفرات من قلبه
وبدون ما يحس طلع من لسانه
جزء من الشي اللي يفكر فيه
قال :
( اللي اوله عسل اخره بعر) هههههههههههههههههههههههههه
كلهم صاحوا :
صح صح جبتها يا شيخ (( جرحى الرايق )) <<< حظوووظ هالرجال قايمهـ :)
وهم يحتفلون به
وهو ما يدري وش السالفه
الا بعد ما فتحوا التنكه
واخيرا تحقق حلم الشيخ (( جرحى الرايق ))
واصبح شيخ قبيله
بس هل يتحقق حلم (( جرحى الرايق)) و يصير مدير في العمل ؟؟؟؟؟؟؟
هههههههههههههههههههههههههههههههههههههههههههههههههه هههههههههههههههههههههههههههههههههه
وسلامتكم
بس هذا شي بسيط
تعبت وربي ومانمت ولا كلمت بالجوال وكلها عشاني جالس ارتب هاالقصه :(
والان . . .
*&* مع الرومنسيهـ مش حتقدر تغمض عنيك *&*
قــصــة (( جرحى الرايق مع الشيخهـ )) مــرهـ جوناااان !!!
العرض العادي
