شوفو عقول الشباب فين توديهم .......

زهرة الربيع · 14-12-2002, 05:03 PM

شوفو عقول الشـــباب وين توديهــــــم...
هاي قصه من شاب بيحكيها وانا بس حبيت اعرضها عليكم
وبالاخص للشباب علشان يعرفوا عقولهم وين بتوديهم في الاخر
وش اسم امك ... ؟!
بصراحه انا من زمان ومن يوم اني بزر (يعني صغير) واناماادري ليه كثيرين
يتضايقون من ذكر أسم امهاتهم..وعيب وياويله ويلاه من يتجرأ ويقول أسم امه
في احد الصيفيات رحت للجوازات ابي اطلع جواز سفر..واروح بالسياره
في عز هالقوايل لمبنى الجوازات..واعبي كل البيانات..واجلس امسك
سرا وانتظر دروي..احتري رقمي يطلع..
اخيرا وبعد فترة جا رقمي وافز اقول..دوري..دوري واجيك نافخ صدري
واطالع بالضابط ويقولي:
الضابط: عطني الملف والصور
انا: سم طال عمرك..الله يخليكم لنا انشاء الله
الضابط:وين الصور
انا:خذ هذي هي
الضابط: وليش مو كامله اذانك طالع نصها بس
انا: وش اسوي عاد اذاني مشنترات كنهن صحون دشوش..انتم طالبين
4×6 وبصراحه عجزت اعفط فيهم مع المصور ولاجت معنا ماطلع الانصها
بس هذي صوره ثانيه كاتب عليها (يتبع) الاذان..
الضابط: تستخف دمك الحين
انا: لا اقص قصتي مع الصوره (امممممعععق ابلع ريقي )
الضابط: طيب وش اسم امك؟؟
انا: لاياشيخ ..علمني انت اول وش اسم امك وبعدين اقولك
الضابط: (طالعني بعين قوويه وانا ابلع ريقي..اقول وش اسم امك لاارمي هالملف بوجهك
انا: يؤ..ليش طيب هي اللي بتسافر والا انا..وش دخلكم بامي..والله قلة ادب
الضابط: بتقولي والا اقلب وجهك يالله
انا: لاخلاص اسمها..(واتلفت يمين ويسار..واسكت)
الضابط: وش فيك سكت
انا: اصبر خل الهندي اللي معه شاهي يمر..لايسمع بعد هو اسم امي
والله قهر عاد!! اسمها نوره
الضابط: اخيراااا الله ياباسكال هالحين
انا: وش تقول..... لالالاولاشي
عطاني الملف وانا اضحك تدرون ليه لاني لعبت عليه ماقلت له اسم امي
الصدقي خخخخخخخخخخخخخ
وطلعت وقالي رح للحاسب الالي دقق المعلومات..واروح وامسك سرا
والله زحمه..يوم جا دوري جلس يدقق على الجهاز..وانا مغطي اسم امي
باصبعي الكبير..قال لي الموظف..وين اسم امك
قلت: اوووووه بعد انت والله فضحتونا
قال: ياخوي المعلومات ماهي متطابقه مع بطاقة العائله..اسم الوالده
متغير..ارجع للضابط وعدلوا اسم امك
انا: اووووه والله حاله كل هالتعب وارجع مره ثانيه..والله الفشيله
وش بيقول الضابط هاللحين
وصلت للضابط بعد مامسكت سرا ثاني..ويوم جا دوري قال الضابط:هاه
وش جابك بعد؟
انا: ابد..عدل اسم الوالده
الضابط: ليه موصحيح
انا: بصراحه لعبت عليك هي اسمها مزنه
الضابط: طيب وش حادك على الكذب..من زين امك عاد
انا: لاياشيخ احسن من امك
وعطاني الملف وجلست اقراه ادقق..وجا بعدي واحد وقال له الضابط
وش اسم امك..وقال له الرجال..مزنه
والتفت عليه وقلت له تتطنز انت ووجهك (احسبه يتكلم عن اسم امي)
وامسكه مع رقبته ومع ياقة ثوبه وارفعه شبرين عن الارض وقلت
يوم انك تعرف اسم امي وراك تتطنز قدام الله وخلقة..واشوته بوكس مع بطنه
ويقوم الضابط ويصكني كف طير كل الاوراق اللي معي وهو يقول انهبلت
ياخوي اسم امه مزنه زي اسم امك وش دخلك بالسالفه!!..وانا جالس
ادور اوراقي ماابي احد يشووف اسم امي..ويصكون الشعبه ويجون
الشرطه وياخذوني للتوقيف...وجلسوا يحققون معي ووين اوراقك
وانا ازاعق واصارخ للي تحت واقول : بذمتكم اذا احد شاف اسم امي
ويجي الهندي وهو شايل الاوراق..قلت والله قهر حتى هالهندي
شاف اسم امي...
والله واطلع من الجوازات لا جواز ولايحزنون
يعني خرجنا من المولد بلا حمبص
بس بصراحه ليه كثيرين ينحرجون من ذكر اسامي امهاتهم..؟
اذا انت ياللي داخل تقرا الموضوع ماتنحرج..قل وش اسم امك؟؟
هذا تحدي مني زهرة الربيع بدي اشوف كم شاب اقوى مني ويقبل التحدي ويحكي اسم امه
*************************

راسبوتين · 14-12-2002, 08:06 PM

أنا اعتز بأمي وباسمها .. اسمها عائشة على اسم أم المؤمنين .

هاذ انا قبلت التحدي .. تراه اللي يستحي من أمه خبل .

][متعب الشوق ][ · 14-12-2002, 10:23 PM

هههههههههه
والله شي حلو
قصه رهيبه
اسم الماما سحر خخخخ(( طاش ماطاش )) لا تصدقون
اسم امي الصراحه عاد
نورره الله يحفظها ياااارب
يالله عاد انت يازهره الربيع قول اسم امك
خخخخخ

تحياتي

**مشاري..وبس** · 15-12-2002, 12:02 AM

اهلين اخووووي زهره الربيعع...... هي عباطه الحين يوم انك تسأل عن اسم امهاتنا
لا وتتحدى بعد.....

الضابط يوم طلب اسم امك لانها بيانات وتستاهل ان الواحد يقوله عادي لوارفع صوتي يعني عادي....لو قلت اسم امي وش راح يسوون راح يشوفونها يعني...ولا اسم امي يعني مافيه زيه وخلاص بتنعرف امي... ياويلي...
لا هو ماطلب اسم امك الا انه يحتاجه لتعبئه بينانات... لكن انت وش تبي الحين باأسماء امهاتهم وتتحداهم ترى ماهي زينه العباطه والله من جد.......

وياليت تعدل تحديك هذاااااااا وتخلي موضوعك على ماهوو علييييه
لان موضوعك صراحه اعجبني وضحكت علييك كثيررر لكن تحديك ماهو بمحله...
تشاووووووووووووووو

زهرة الربيع · 15-12-2002, 08:00 AM

اهلين .. راسبوتين

عاشت الاسامى .. والله يحفظها ويطول في عمرها .
ومشكوره على مشاركتك فى الموضوع .

هلا وميه هلا ..متعب الشوق

اسم الماما .. نوررره ولا مزنه *4
انا اسم الماما حــــــــــــــــــــــواء

مشكوره على تشريفك للصفحه .

مرحبا... مشارى وبس

اولا انا بنت مش ولد
وفى بداية القصة قلت هذى قصه شاب بيحكيها وانا حبيت اعرضها عليكم ... وانت قرأت القصة بدون وعي ..
وانا ماأجبرتك تقول اسم امك.. وافتكر ان مو عيب ولا حرام

وبالنسبه للتحدى فهو مقياس لعقول اشباب وتفكيرهم البدائي .

وفين الباقين مو راضين يدخلو التحدي .

شو خايفين ؟؟؟

وهذا القصه منقوووووووووله

**مشاري..وبس** · 15-12-2002, 09:24 AM

اهلييييين اختي زهره الربيع اسف اني ماميزت انك ولد او بنت هذاااااا اولا....

واني ماستوعبت القصه ثانياااا.......

انا ادري ان ذكر اسم الام مو حرام ولاعيب بس ولا ذكر بالقران... ولافيه عنه اي شي..
عشان اكووون في صفك ومعاك....

لكن ابي اوضح لك بس انك ومثل ماقلت قبل تحديك مو بمحللله وصدقيني غلط عليييك
انك تسوين كذاااا وخصوصا انك ود جديد...لازم تفكرين بمواضيع احلى ....

وماحد راح يرد على مواضيعك الا اللي حاط براسه المثل اللي يقوول:مع الخيل ياشقراء.

يعني يجي واحد بعدي يقرا الشباب كاتبين اسامي امهاتهم يكتب معاهم.....

غلط في غلط.....

بس ماتوقع يجون اعضاء ويردون لان تحديتي على شي مايستاهل التحدي....

واسف اذا طولت عليك او اخطات عليييييك بشي....

بس ياليت وانتي تقرين ردي هذااااا تحطين بالك الحكمه مدري المثل اللي يقوول

اختلاف الرأي لايفسد للود قضيه....

تشاووووووووووووووووووووووووووووووووووووووو يازهره

روعة شموخ · 15-12-2002, 07:36 PM

أشكرك يااااااااااحبيبت البي زهرة الربيع على هذا الموضوع المضحك ...
اسمحي لي ارد على اخونا مشاري وبس ...
اخوي مشاري والله موعيب ولا غلط اننا نذكر اسماء أمهاتنا بالعكس المفرض اننا ننقشها وسام على صدورنا ونفخر فيها ...
وانت اعتراضك يمكن على التحدي .... عادي يا أخوي عاااادي الانسان ممكن يلاقي تحدي ورهان على اي شيء ممكن يواجهه في حياته وبعدين زهرتنا زهرة الربيع مثل ما اتفضلت انت وقلت انها ود جديد يعني لازم نشجعها ونرفع من معنوياته مونجرحها بانتقادنا ترى انت ما تعرف البنات يا مشاري انه اي شيء ممكن يجرحهم اعذرني اني تطفلت ورديت عليك لكن لك ولشخصك ولرأيك احترامي وتقدير وهذي وجهة نظري اتمنى انك تقبلها وما تزعل مني واختلاف وجهات المظر لا يفسد للود قضيو
ولكم تحياتي وتقديري اختكم

وجدان الدوحه · 15-12-2002, 09:10 PM

هلا والله باختي زهرة الربيع ....

نورتي المنتدى مكانك وبيتك الثاني... واتمنى دوم تتحفينا بالمواضيع

الحلوه...والمفيدة... والمضحكة مثل هذي المساهمة

ومثل ماتكرمتي انه بيه ناس مازالو عندهم نقص بالوعي والثقافة

والحضارة ... يعني عندهم كل شيء عيب..مثل خوينا هذا *2

بس ترا ذكر اسامي الام والاخوات بحالات الضرورة مهمة جدا لاستكمال

المعلومات المهمة مثل الجوازات والمستشفى والبنوك و...الخ

وانت بهالمساهمة بينتي انه لحد الان بيه ناس تفكيرهم متحجر شيء ما

ببعض الامور...وهذي هي الحقيقة

اشكرك واتمنى اشوفك دوم معنا وبمساهمات اروع واروع ...

اخوي مشاري...اعذرني بمداخلتي بالرد علي ردك

اولا ... موضوع زهرة مو بعباطة السؤال.. فالقصد واضح من المساهمة

بل العبط في الفهم والرد ..وكفاية انك قريته وضحككك ..وهذا وحده

يستحق منك الشكر للاخت زهرة الربيع

وثانيا... انت تكرمت ورديت عليها ان مايرد عليكي الا اللي حاط براسه

المثل " مع الخيل ياشقرا " ..... غلطان

اخينا متعب الشوق ( مشرف الضحك ) ..كان رده تشجيعا للاخت ولم

يستهزا بها كما فعلت ...ومتعب ذو خبرة بالود

وخذها نصيحة مني ماكو فرق بعضو جديد او قديم سواء هنا او بمنتديات

اخرى ... الاهم ماذا يكتب العضو ..وهل يلقى ردود فعل عند الاعضاء

الباقية والمشرفين .... ومو شرط يكون العضو القديم احسن ..لا غلطان

ممكن الاعضاء احسن من المشرفين ...بس ماحالفهم الحظ على

الاشراف..ومن هذا المنطلق يجب عليك التشجيع لا التحبيط

بعدين يامشاري ممكن تقول لي الفرق بينك وبينها ؟؟

حتى انت تعتبر ود جديد ... يعني توك باول الطريق والمشوار باقي له

وقت طويل .. واللي عليك انك تثبت جدارتك بالمساهمات الجيده

والردود المفيده والمشجعه للاعضاء ...فقط لتكسب ثقتهم

وشكرا...واسفه على الاطالة

**مشاري..وبس** · 15-12-2002, 09:47 PM

السلام عليكم ////// اهلين روووووعه شمووووخ مشكورررره على ردك لي ورايك في ردي....يعطيك الف عافيه.....وبعدين انا ماقصدي اجرح اي احد...

اما بالنسبه لاختي وجدان الدوحه...///// بصراحه يعني ودي اقووول لك شي بسيط..
حتى شوفي اسلوبك بالرد علي دليل على عدم وعيك... لانك انتي جيتيني قاصده فيني سب وتهزيئ فيني ..... وياليت بس اذكرك اني انا لي اسم ينادوني فيه...((( تقولين مثل خوينا هذاااا)))))) هذااا دليل على انك جايه لسبي بس... وياليت بس يكون عندك شوي احترام وتقدير وابي اقولك ان المنتدى مو للكلام الجاهل الي تقولينه وياليت اذا بغيتي
تفهمين احد شي انك تقولينها له بأحترام وتقدير ...... لاني انا متربي وولد ناااس وماأقبل احد يقول كلام مثل كذاااااا.....اذا انا ناقص وعي وثقافه ...مافيها مشكله..
لكن انتي ناقصه احترام وتربيه.... لان كلامك مو كلام وحده عاقله.... وانا بس ودي انصحك نصيحه الواحد اذا جاااء بيقول كلام مثل كذااا يكون عنده شوي اسلوب
مو مثل اسلوبك .... وابي اقولك ياوجدان ان كلامك حاطه في بالي ...
وودي اقوولك خلي عندك شوي ذوق ....

سلالالالالام

راسبوتين · 15-12-2002, 09:51 PM

مانت قد كل ذول... لابسات البراقع ..

على راسي والله .. ورايهم أصح من رايك .. فلا تركب راسك واعترف بغلطك

انا اول واحد رديت ( وانا مو بنت يا زهرة الربيع ) تشجيع لود جديد على مشاركة جميلة

والتحدي ..يا تقبله ..يا ما تقبله ..انت حر.. لكن اللي يبي يقبل التحدي ..هو حر بعد

ومع اعجابي بمساهماتك .. تقبل تحياتي ..ويا ليت فراولة2002 ترد عليك