السلام عليكم ورحمة الله وبركاته
صراحه محتار وين انزل الموضع ولقيت افضل مكان له هنا
السالفه ياطويلين العمر
قبل كم يوم كان اخوي منوم في المستشفى
وانا كنت المرافق طبعا والمشكله ما اعطوني ورقة مرافق قالوا بالصباح
المهم تجي الساعه 2:00 بالليل بتوقيت تبوك
وطلعت من الغرفه ومشيت بالاسياب
المشكله ابي اطلع شوي برى المستشفى ماني قادر مامعاي ورقه مرافق
يعني اذا طلعت ما يدخلوني
وماني فاضي للهرج حقهم
المهم مشيت في سيب 100 متر تقريبا ومافيه ولا احد غيري ماشي
ولقيت باب مفتوح يدخل على سيب طوله عشره متر وبنهايته باب يطلع برى المستشفى
اول مره بحياتي اعرفه الباب هذا ومشيت بهذا السيب
ويوم طلعت من الباب تمغطت يعني رخيت اعصابي وتكيت ظهري على الباب نصه على الباب
ونصه بعيد
واطالع يمين والاقي مكتوب ثلاجة الموتى طبعا ببالي قريتها وما اشوف الى احد يلمسني من
كتفي من وراي وما تشوفوني غير نقزت لقدام من الخوف وطالعت وراي الى يطلع السكرتي
وجالس يضحك
وانا حقدت عليه المشكله مافيه احد غير من فين طلع مدري
بس صدقا دقات قلبي 10000000 بالثانيه
وايش رايكم بالسالفه
والحمد الله على سلامتي