الكلمات في اول الكلام مقتبسه من كلمات الشاعر المبدع عريان السيد خلف وهيه
اعز من روحي اعزك وانته اعز منها
لذا اقتضى التنويه.
--------------------------------------
(أعز من روحي أعزك وأنته أعز منها)
سلمتك الروح راضي وعندك يالغالي طلبها
أحبك وانته بعدي هالكلمه هم رددها
يالي حسنك ما ينوصف بالكتب وورقها
ولا بالسما العاليه ولونها والنجوم وعددها
ولا بالبحور السبعه من الشعر ووزنها
ولا بكلمات المحبه شما كثرت بلفظها
أعشكك عشك الارض للماي منتظره خضرتها
عشك الورود محتاجه للي يشتم عطرها
وحتى العين تحتاجك لان انته نظرها
وعلى بعدك يا بعد الروح روحي شيصبرها
احتاجيتك والحاجه تنطلب بس من اهلها
تحتضني مثل ما تحتضن الام ولدها
ملهوف لهفة وحتى انفاسي حسيتك تتنفسها
ولخاطرك بس حتى الناس ياروحي جاملتها
وبكلمات الموده وخد وعين لعيونك عاملتها
شسولف اكثر بعد وانته روحي تعذبها
وبيدك الجفن ياريتك اليوم تجفنها
وبنفس الكبر اتمنى الناس وياك تدفنها
خلصني من هذا العذاب الي معذبها
وبكلمه وحده منك ترضى وبكلمه تزعلها
يابعد الروح تاخرت شو ما جيت رحمتها
وخليتها على نار انتظارك محتاره واهملتها
بس رغم هذا روحي لروحك اعذرتها
وانطتها العذر وكالت بجداره تستحقها
منزله عاليه بوسط روحي انته سكنتها
ولو اني غلطان عاتب الروح على غلطها
بس لا تزيد دخيلك بعتابك اليوم ونتها
يا ورد جوري واحلا ما بالورود جوريتها
جانت احلا صدفه بحياتي يوم صادفتها
وزينت حياتي باجمل شكل انته لوحتها
وزادت انفاسي شهكه من صدرك اتنفسها
وعطرت كل الجسد والروعه يا عمري بعبقها
واخر كلامي اعيده من اول كلمه كلتها
أعز من روحي أعزك وانته أعز منها
العرض العادي
