بصراحه يعني ادشاره حقتنا ماتطلع إلا إذا اجتمعنا انا وبنات خالي الي ساكنين بقريه ولا نشوف
بعض إلا بالاعياد والاجازه
الاعياد نروح لهم وفي الاجازه هم يجئون عندنا ويقعدون شهر بس في هذا شهر ياهي مصائب
وبلاوي وجرائم فضيعه
يعني ماتروح الإجازه إلا وانا نقول الحمدلله عدت على خير
واحس كلما الاجرائم في الشله يزيد بس الحمدلله بدائت الشله تنقرض ويتزوجون
اما انا خوووووووووافه ويضحكون دائما علي من الخوف الي يطلع علي عارفين ليش انا خوافه لان اطقه كلها على راسي وهم يطلعون منها >>>>>>>>يالله على الحظ الي مراح يتعدل
المهم بنقل لكم موقف صار بحياتي مستحيل انساه مابغى انسي اقول لكم انا اخااف من الهيئه خوف مو
طبيعي يعني إذا مروا قدامي ادق لهم تحيه من الخوف وقول لهم الله يخليكم للوطن ياجعلي فدائكم انا>>>>>>>>اتغزل فيهم
بس والله تبون الجد لولا الله ثم هم كان حنا يمكن في خبر كان وعسى ولعل وليت
المهم ارجع لكلامي للموقف انا اهلي محافظين مره لما جاءت الاجازه الصيفيه جاوء بنات خالي اربع ثنتين خوات
واثنتين لا يعني يصير مجموعنا خمسه اسمائهم ((انا بحط اسماء مستعاره خوف من احد يعرفني لان بصراحه
المواقف كثيره وكل واحد >>>>>>الله يهدنيا بس)))))
نوره وريناد وهيفاء وسحر واناالخامسه
نوره وريناد خوات وهم بنات خالي خالد
وهيفاء بنت خالي فهد
وسحر بنت خالي محمد
الشاهد في القصه ان خالي خالد استاجر شقه مفروشه انا نجنيت انا وهيفاء وسحر وشلون نجتمع في الرياض
وهذولاء في الشقه وسحر وهيفاء في بيتنا
كلامنا خالي خالد قال خلاص بشرط انكم تجئون تنامون عندنا قلنا ابشر ماطلبت شئ بنوم بدون ماتطلب بس
طول الاجازه نبغى نكون مع بعض
كان اول يوم سهروا عندنا مانمنا إلا متاخر وصحين المغرب لما صحين قلنا بنروح العثيم المهم رحنا العثيم على رجلينا
لانه كان قريب الشاهد جاء واحد عاكسنا وعرض رقمه وكان مميز وكان رقم غرفته حفظنا حنا رقمه و وقتها
مامعنا جولات وكنت في اول ثانوي السالفه هذي لها خمس سنوات
نرجع لسالفه
اسم الولد الي عاكسنا سلطان وسيارته كامري وكان الولد مزيون وشخصيه حنا خلاص انجنينا عليه
و فكرة حنا نكلم شيلينها من روسنا
لما شرينا من العثيم حق السهره رجعنا للبيت إلا وخالي خالد جاء ياخذ بناته فضطرينا حنا نروح مع بعض سهرنا
ذاك اليوم يوم جاءت الساعه ثنتين بداينا نسولف عن راعي الكامري المهم قالت هيفاء خلونا نتصل عليه من رقم
الشقه مراح يعرفنا وبنستهبل عليه
سمعنا كلامها وتصلنا كلامته نوره وبداة تسوالف معه
وبعدها سحر هو عجبت اكثر شئ سحر وزاد اعجابه فيها لما سالها عن الي لبسهاالساعه اسوده فقالت انا اثر
سلطان الله يسلامه كان منجن على ساعتها وعلى شكلها
انا والله مو مدحه فيني كنت اهوشهم ويسمعني ويقول ماعليكم منها ويضحكون علي انا خفت ان خالي يعرف
السالفه ثم اتصفق انا وياهم
البنات بدوا يطفشون مني وصار وا يحبون يسهرون مع سلطان >>>>>>>>والله مالهم خاتمه
قلت لهم حنا متفقين نرجع لبيتنا لاني عارفه مستحيل يكلمونه في بيتنا قالوا خلاص مانبغى نرجع لبيتكم ساعتها زعلت
انا ورحت لبيتنا وقلبي يتقطع على جمعتهم
بعد اسبوع جاوء هم لبيتنا عاد الحلوات قدهم ادمنوا على صوته ومايبغون اليل بدونه
ازعجوني وقالوا بنتصل عليه بعدها اتصلوا عليه
وتطورت العلاقه واكثر واحدها تعلقت فيه سحر تم شهر وهم يكلمونه بعد شهر سافرت نوره
وريناد وهيفاء وبقاءت سحر لان خالي كان يضبط في البيت قال بيقعد اسبوع
ماعد بقاء إلا انا وسحر قلت لسحر خلاص لاعاد تكلمينه قلت : لا بكلامه المهم تشاديت انا وياها في الكلام
وقلت لها في بليس انتي وهو بس المهم لايتصل على بيتنا يا؟ طوط طط كلمه مالهاداعي قلت لها وزعلت بعدها
بعدها قالت لي خلاص انا بروح اكلامه في كبينه وبقول له لاعد يتصل على رقمكم
قلت : لها اوكي طلعت معها وياليتني ماطلعت
كانت الكبينه جانب السوق تمشينا في سوق اشوي وقلنا يالله نروح نكلامه على جواله >>>>>>> اثر سلطان عطى سحر رقم جواله
الكبينه كانت على قطع الشارع يوم طلعت من السوق انا وهي وبنقطع الشارع
إلا ويمر ذاك الجمس الكشخه وعليه ختم رسمي ويفتح القزازته ويطلع الوجه اسمح المزيون الي كانه قمر
اكيد عرفتم الجمس>>>>>>>>>>جمس الهيئه
قال لنا تستروا الله يهديكم عاد انا نكبه على طول شك فينا >>>>>دائما اقول للبنات ترى انا نكبه فضيحه روحوا وخلوني بس يرفضون يقولون اطلعه ماتكمل إلا فيك وانا اقول إلا وانتم الصادقين ماتكمل إلا بنكباتي
اشوي إلا والهيئه دخلوا علينا في الكبينه وقال من تكلمون انا خلاص بدايت الصيح وافتح برقعي>>>>>>>>واتفل في وجه سحر وقولها يالكلبه صار الي خائفه منه
بعدين عرف ان نكلم واحد وقال يالله اركبوا السياره بدون فضيحه إذا انتم تبغون الستر
انا خلاص جلست من قوة الكلمه قلت :ياويلي اركب جمس الهيئه وخواني ماقد اركبه >>>>>>ولتفت على سحر وتفل في وجه
والله كل ماقال الشيخ كلمه انا التفت واتفل في وجه سحر وسحر بس تبكي وحضنتني من ورائي >>>>>>>>>>على بالها تحتمي فيني وانا ادور الحميه من احد نشمي
((((((((عاد اقصد انا بنشمي واحد من المفحطين الله يحفظه راعي فزعات معروف في حينا مايقدرون يمسكونه اقول عساه يجئ يضرب لي بوري ودعس وخالي هالكلبه مع الهيئه يعلمونه كيف تدشر إذا كان في راسها دشره>>>>>مسويا نفسي إذا نحشت وخليتها مراح يجيبئوني )))))))))
المهم طلعنا وركبونا كابرس مظلل علشان مااحد يعرفنا >>>>>>>>>>عاد كل الي في حينا يعرفون هالكابرس *******>انه كابرس الهيئه" حفظه الله "
دخلنا مركز الهيئه الساعه 8العشاء كان يوم الاثنين اتوقع بس كان التاريخ 25/5
انا تركوني في غرفه وسحر في غرفه
بعدين دخلوا على سحر علشانها اصغر مني على بالهم بتقولهم كل شئ اثرها ماشاء الله عليه جالس تنصب عليهم
وانا تركيني في الغرفه ساعه لو هم جاوني من اول كان قلت لهم كل شئ>>>>>>>>>>عاد انا جالسها اناظر الباب اقول الحين بينفتح الباب وبيدخل اخوي فهد برشاش وبيرشني الله ياخذك ياسحروه يالكلبه اعنبوا دارها جرتني جرت الكلاب
عاد صار لي موقف والله من الخوف لاتشرهون على (((((((((لايقراه إلا البنات )))))))))
كان معي عذري الشرعي وانا إذا خفت وضاق صدري اصلي المهم انا نسيت انا معي العمه صليت وجالست ابكي اقول يارب استر علي عاد اقول لكم دعاء إذا تورطتوا وانتم مالكم دخل في السالفه ادعو بهذا الدعاء>>>>>>>>>>ربنا لاتؤاخذنا بما فعل السفهاء مناوانا ادعي وابكي
قسم بالله اني انرحم المهم تجيئكم الطامه الكبرى فتح الشيخ الباب وشافني اصلي وابكي قال لي يا بنتي الله يهديك القبله يسار >>>>>>وكخ كخ كخ مدري اضحك على نفسي او ابكي على الي بيصير لي من هالكلبه وعلى الي بيسونه اهلي فيني
المهم جاء دوري في تحقيق وعلمتهم كل شئ راحو لسحروقالو ا لها يالله اتصلي عليه وواعديه خليه يجئ الحين على انك بتطلعين معه >>>>>>>>>وانا اقول احسن عشان يتأدب جاء دوره الحين في الجحده نصيحه للشباب الي تشوفنها تجحد خويتها اعرف انها راح تجحدك عما قريب
عطاوها جوال واحد من الهيئه وكلمته وهم يسمعون
الشاهد في القصه ان مركز الهيئه كان قدامه مكتبه معروفه هي قالت تعالى الحين عند المكتبه ياسلطان مسويالك مفاجاه >>>>>>>>الله يصلحها سحر راعية استهبل حتى في احنك الظروف
قال لها: دوري غير هذي المكتبه لان الهيئه يعرفوني اني راعي بنات وبعدين انوار سيارتي صفراء ومالفته سيارتي
قالت: له لا تعال الحين
قال لها: ابشري ثواني وانا عندك >>>>>>>عاد هي تضحك في نفسها وتقول إلا انت الصادق يامسكين عند الهيئه وكخ كخ كخ
المهم جاء المسكين ويمسكونه ويدخلونه على سحر قالوا هذا هو الاوهي طويلة العمرتسكت وتجلس تناظره مسويا تحبه ومتفشله من مفاجاتها البايخه
إلا وتكلم انا ابغى الموضوع ينتهي قلت ايه هو هو الله يلعنه ويلعنها
هواشني الشيخ ورحمني عرف اني مالي دخل
بعدين جلس يكلمنا
قال : واضح انكم بنات اول مره تسوانها وصار يعرف اهلي >>>>>>>>>ياويلي على قطعة الوجه
قال : لاتخافون حنا بنستر عليكم ومراح نعلم اهلكم لانها اول مره وبعدين ماطلعتوا معه
وبعد اشوي جاب الدفتر نكتب تعهد على هالمصيبه الي عملتها سحروه هالظاطور
المهم ماطلعنا إلا ساعه عشر اليل >>>>>>>>>وامي تعرف لما نطلع لسوق مانرجع إلا عشر او احدعشر
المهم رجعنا لسوق الي خذونا منه بعد ماشفنا سلطان وهو يتصفق >>>>>>>>في خاطري اقول تكفى ياشيخ بعد هالكلبه سحروا الحطها بس خفت يفهم قصدي غلط ويلحطني معها
رجعنا لسوق بعدين رجعنا على طول للبيت وهم ورائنا الهيئه إلى مدخلنا البيت عاد السياره الي راكبينها ماعليها ختم الهيئه دخلت غرفتي وانا مو مصدقه الي صار جتني حاله هستيريه وجالست اضحك على الي صار لنا
وسحر تموت من الضحك بعدين سكتنا واشوي واذكر انه كان معي العذر الشرعي وصليت في المركز من الخوف وارجع الضحك واقول لسحر وتموت من الضحك
بعدين سكتنا وبدة تعلمني الارانب الي قالتها لهم وضحك عليها
المهم يوم جائينا ننوم بدة سحر تقول لي شئ بغيت ساعتها اذبحها ظنكم وش قالت لي ؟؟؟؟؟؟؟
الي بيعرفه فانه خطير ............. بقول لكم بعد ماشوف ردودكم وبذكر مواقف كثيره صارت لي مع الهيئه ومع ناس حراميه ومفحطين وقسم بالله كلها صدق وماكذبت إلا في الاسماء بس
القصه لها تكمله بس بعد ماتجاوبوني ظنكم وش قالت سحر لي
وابغى اقول لكم هالسالفه لها خمس سنوات والله ان اهلي إلا الان مايدرون
ياويلي على الهيئه يالبى قلوبهم والله انهم يستروووووووووون على الناس بس الاشياء الي مافيها ستر مايسترون عليها يعلمون اهلها ............
اتنظروا في مواقف كثيره بقولها لكم .....................>احس انكم بتستغربون اني عايشه إلا الآن وكل هالمواقف صرت لي في السعوديه
المهم صارت مطاردات في بيتنا عنيفه بين الشرطه وهالحرامي فوق المظلات عاد يوم صعد
الضابط يلحقه قام رفع السلاح ورامه مع رجله
علشان كان ناوي يطمر هو وجه هالخروف على بيت جيرانا
((((((((( وهنا ركزوا معي )))))))
يوم الضابط يرمي عليه كان الضابط جانب شباك غرفتي وانا كنت توني نائيمه
تصدقون اني ماسمعت طلق الرصاص قسم بالله وربي حتى يوم قالوا لي انه رامي من يم
غرفتي ماصدقت
جاءت عاد اطلقه في رجله المسكين
تصدقون عاد اهلي ماحسوا بكل هذا الي صار يوم قاموا يصلون الفجرعلمهم ولد خالي وراحوا
بعد الصلاة يشوفون الي مسوي نفسه يعرفنا منذوا مبطي
ماشاءالله على اهلي مايقومون إلا لصلاة الله يحفظهم
عاد يعلمني اخوي الصغيرفي الابتدائي اسمه يوسف يقول يشبه ممثل انا احبه اتوقع اسم هالممثل خالد البريك مدري عاد نسيت اسمه <<<<<صج ماعندي سالفه في الحب
انا احب بس شهر او شهرين ثم اسحب على الي احبه <<<<<<<<<<والله احس اني غشيمه في الحب ولا اعرف حتى تعريفه
يوم علمني اخوي ونقهر قلت امانه يشبه خالد البريك <<<<<<<<<<<اقول في نفسي ياحسافه لو اني عارفها كان يعقبون يمسكونك حبيب البي والله
كان نحشته مع أي باب او اخبيه في مزهريه او دولاب يعني بدبر صرفه
بس يالله تجري السفن والبحر عميق
اكمل السالفه الضابط الي رم السلاح ممنوع يرمي سلاح بدون اذن وبعد في بيت يرميه مشكله
الشاهد ان اخوي متمشكل هو وهالضابط وقال فرصه ارفع عليه قضيه بس رفض ابوي
عاد وش سبب المشكله اقولكم الحين
مره واخوي فهد الكبير واخوي محمد اصغر منه في الجامعه كانوا راجعين من المسجد إلا والبحث
تطبق عليهم وتحوطهم <<<<<<<عاد اخوي محمد ادلخ يقول كانه مثل هالافلام يوم يحوطونا
البحث يعني هادلخ يقال له عجبته الحركه على باله ان البحث بيسولفون معه والله انه خروف مراهق
اخوي فهد ارتاع قال لضابط سلامات قال الضابط : لخوي لاتتكلم إذا صرت رجال بكلامك عاد اخوي يقول له والله الحشمه للنجوم الي على كتفك<<<<<<<<اقول في نفسي طيب يارخمه يعني شاطرعلي بس كان تفلت في وجهه وقلت رجال غصب عنك وعن الي جابك
المهم امسكوهم البحث وركبوهم السياره
جاءوا عيال الحاره يعلمون امي خلاص امي جلست تبكي هي وجدتي وخالتي عاد على بالي ابغى امي تهدء
اقول: يمه عسى واحد فيهم بس هو المروج المخدرات مو كلهم اثنين
عاد تقول لي: امي انطمي ونقلعي من وجهي
بعدها قلت والله الكلام معكم ياهالحريم ضايع <<<<<على بالي ذيبه
قلت خلني بس اتغانم الوقت وفزع بابوي لايودون اخواني سجن حائر عاد وش بيطلعهم <<<<<<عاد انا احاط اسوء الاحتمالات
راح ابوي وطلعهم
صار اخوي الصغير محمد جعله الوجع مسوي على باله راعي فزعات
كانوا اصدقاءه يفحطون يوم جاءوا البحث طلع عليهم وخلهم يصدمون بالزباله واصدقاءه انحاشه
المهم ابشركم اطلعوا اخواني وخذا محمد كم لعط بالعقال وكم تفله من ابوي محترمه
بعدين راح لصدر الحنون امي وحضنته وجلست تبسي عليه وطبطب على ظهره جعله ينكسر<<<<<بسم لله على اخوي استهبل
وبعدها جاء دوري قلت له يادلخ إذا جائيت بتفزع افزع بس لاتورط عمرك ياغبي
كلام عني بصراحه مودي اقوله بس ابغى افضفض لناس ماتعرفني!!!!!
وقول لهم الله يخليكم للوطن ياجعلي فدائكم انا>>>>>>>>اتغزل فيهم
لولا الله ثم هم كان حنا يمكن في خبر كان وعسى ولعل وليت 
انجنينا عليه
:
وافتح برقعي>>>>>>>>واتفل في وجه سحر وقولها يالكلبه صار الي خائفه منه
>>>>>>>>>ياويلي على قطعة الوجه 
سارق بيوت حي النسيم كلها هو سعودي وعمره يمكن حدود26
خالد البريك مدري عاد نسيت اسمه <<<<<صج ماعندي سالفه في الحب
الود
العرض العادي
