امسي علاكم بالخاااار
علومي واجد مع ام هلال وهلال ولدي فارقتني سنونه
ودونتهااا في قصايد وابي اعطيكم من فتره لفتره تلك الاحداث والمواقف التي مرت علي
حبيتكم فاعطيتكم مالدي فلا تبخلون علي بارئكم وردودكم
هذي سنتن نييا يوم اني مريت سوقن الله لايعوده والمشكله الورع هلال معي فارقني عيونه اللي تقول عيون ابو الحصين: والسالفه داخل القصيده
الله من فكرن ســـرح بالرعــــــابيب//له فيه بحـــور العشق كم ادلاجــــــه
والله من قلبن حـــــكم بالكـــــــواليب//مسهل مداخيله ومصعب خراجــــــه
قامت تفاكيري ســـوات الـــــدواليب//من روحتن للسوق من دون حاجــــه
صادفت لي رعبوب ياشقت الــجيب //الفت نظر من داخل الســوق داجـــه
وجريت ونه بالضلوع المــــــحانيب //من نظرت عيونه ومقرن حــــجاجه
مونس بوسط الصدر نارن لواهـــيب //احسب مشاش الصدر فيه انفلاجـــه
من عقب ناطحني على شمت الطيب //طيبن جميع السوق بالعطر فاجـــــه
الحق على هليل بطيبه مشــــــاهيب //وكدر مشاريبه وعـــكر مزاجــــــــه
وقربت يمه لين حـــــك الـــــمناكيب //وقلت الهوى يازين وشهو علاجـــــه
قال الهوى ماهوب لعب ومـــــكاتيب //ومكالمة جـــوال حكي ولجاجــــــــه
الناس يالنشمي اســــــــلوم ومذاهيب //ولاني من اللي مشـــيها بالعواجـــــه
ان كان لك فيني اعزوم ومــــطاليب //عندك ابوي الشـــيخ روح وناجــــــه
انا من اللي ضربهم بالمــــــــحاديب //فرســـان في يوم تطاير عجاجـــــــه
قلت اصبري وانا بعيد المــــــناجيب //الشيخ ابو هـــلال ماني خواجـــــــه
لياجلس شـــيخن وليا نهض ذيــــب //وانا وسيع العرف والطيب تاجـــــه
ابرسل لمعطاب كـــــل المــــناديب //وسهم القوافي والهوى في فجاجــــه
وابزهم الروقي ضلوعي مــحاطيب // وراســي بعدها مستمرن حلاجــــه
شيبت ياربعي قبل يبدي الشـــــيب //ومن الهوى فيني سجوج ولباجـــــه
يانعنبو هلال شـــين الــــــــعراقيب// بيعلم امه ذالســفيه الدجاجــــــــــه
كثر الخساير روحت بالمكاســـــيب //والبيت من هلال مكثر حراجـــــــه
وسلامتكم
جدكم ابو هلال
العرض العادي
