خنجـــر السُـــمّ البريـــــئ

[إنـــســـان]

بسم الله الرحمن الرحيم

يمكن الكثير منكم أول ما يقرأ العنوان يستغرب وش خنــجــر الســــم البريـــــئ هذا او يرمز لأيش ؟

طبعا هذا مصطلح او رمز أنا اطلقته من وجهة نظري الخاصه على حاله معينه كثير مننا اللي يواجهونها في حياتهم بس دايم ألاحظ إنهم يصورون هالحاله بالمنظور السلبي بس وما ينظرون للشي الإيجابي فيها علشان كذا انا حبيت اطرحها عليكم هنا واشوف وجهات نظركم المختلفه عنها بس اكيد بنفس شروطي العادة
1- الحياديه
2- تاخذوني بحلمكم شوي : )
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,,,,,,,,,
,,,,, خنجر الســــــم البريـــــــئ ,,,,

اكيد حابين تعرفون انا وش اتكلم عنه ووش هالرمز الغريب اللي اطلقته انا بقولكم وش هذا الشي ,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,,,,

انا بصراحه اتكلم عن ( الحب من طرف واحد ) إللي في معظم الأحيان اللي يطيحون فيه يقولون هذا النوع من الحب هو أسوأ انواع الحب وما اخفيكم علماً صراحه أنا واحد من الناس اللي كنت اقول هالشي وكنت اشوف الحب من طرف واحد هو أسوأ وألعن أنواع الحب وطبعا كان تفكيري مبني على أشياء يمكن يوافقني عليها الكثير من اللي جربوا هالنوع من الحب بسم لما تعمقت فيه تغير تفكيري خلوني اقول لكم كيف,,,,,,,,,,,,,,,,,,

يوم من الأيام وانت عايش في امان الله وفي كامل قدراتك العاطفيه وقلبك يتمتع بالبصيره العاطفية الشفافة وعقلك في قمة الرزانة والأداء المتوازن في إتخاذ الأحكام العاطفية يجي شخص يحرض قلبك البريئ إنه يخون عقلك ويتعلق بهذا الشخص,,,,,,,,

طبعاً انا وصفتها بخيانه لأن القلب والعقل المفروض انهم يكونون مترابطين بصورة تكامليه بحيث إن القلب يتمتع بالعواطف الجياشه الكبيرة وتكون غالبا عواطف متهوره متسرعه تنجرف مع اضعف التيارات العاطفية اللي ممكن تواجهه بس للأسف بدون تفكير او تروي لكن العقل دائما ما يكون متوازن في اتخاذ القرارت غير متسرع يحسب حساب اي خطوه قبل ما يخطيها لكن عيب العقل انه فاقد للأحاسيس تماماً ما يعرفها ولا تؤثر في تركيبه وقرارته ( طبعا انا اتكلم عن الشي المفروض لكن اكيد فيه ناس عقولهم الله بالخير ( : ) يعني نقدر نقول العقل والقلب في الأمور العاطفية مكملة لبعض بشكل كبييير ,,,,,,,,,,,,,,,,,,,,,,

فيجي يوم من الأيام ويشوف الأنسان إنسان آخر فيه مواصفات تعجبه مثلاً طريقة كلام الشخص الآخر , شكله الخارجي ومظهره , طريقة تفكيرة وتعامله مع الناس ....... إلخ طبعا القلب مثل ما قلنا بدون تفكير خذته عواطفه وانجرف مع تيار هذا الشخص واستمر على هالحال يوم ورى يوم لين ما اصبح القلب متعلق بهالشخص تعلق واضح وقتها بس يبتدي العقل يتفطّن لهالشي لكن بعد فوات الأوان وهنا اقدر اقول اننا وصلنا للمفهوم الأول من الموضوع ونقدر نقول إن القلب طعن بـــ
( الخـــنـــجـــــــر )

طبعا الشخص الثاني ما اتوقع له ذنب خصوصا الإنسان اللي يكون يتصرف بعفويه وبشكل طبيعي ( لأن فيه بعض الناس تحاول تتطبع اشياء ماهي فيها علشان يثير إعجاب الناس فيه ) فيكون قلب الشخص المتعلق فيه وبعد فترة من الزمن تطور فيه الحال ووصل لمرحلة الحب, والقلب اذا وصل لمرحلة الحب يدخل في مشكلتين ,,,,,,,,,

أول مشكلة القلب إذا دخله الحب صعب صعب جداً إنه يطلع منه وكلنا عارفين هالشي وعارفين وش كثر هو صعب ( واللي مو عارف احسن له لا يعرف ) ,,,,,,,,,,,,,

الشي الثاني القلب إذا حب يوصل لمرحله إنه يصير محتاج بمعنى انه يصير محتاج من الشخص الآخر تبادل أحاسيس ومشاعر اللي يندرج تحت إطارها الكثير من المفاهيم اللي ما راح اخوض فيها لعدم الرغبة في الإطاله لكن اتمنى انها توصلكم تلقائيا ,,,,,,,,,,,,,,,,,,,,,,,,

طيعاً اذا عرف الشخص الآخر بأحاسيس قلب الشخص الأول بأي طريقة كانت سواء كان الشخص صارحه بمحبته اوعرف بفراسته الشخصية او او او مهما كانت الطريقه وبادل الإحساس بإحساس فلله الحمد والمنه وعلى قولت اخوانا المصريين
( ده يوم السعد والمنى )

لكن إذا عرف بهالإحساس والمشاعر لكن ما بادل الإحساس بإحساس لأي سبب من الأسباب يمكن لعدم وجود الإنجذاب او الإعجاب او للإرتباط بشخص آخر او او او اي سبب من اللي كلّنا نعرفها هنا نقدر نقول إن الخنجر اللي طُعن فيه القلب وكان يتوقعه خنجر حب وغرام وعشق اجتمع مع المصطلح الثاني من عنوانا اليوم وأصبح

( خـــــنــــجــــر الســــــــم )

لأن هالنوع من المحبه انا من وجهة نظري اصبحت سم وقاتل بطيئ لأحاسيس القلب لعدة اسباب,,,,,,,,,,,,,,,,

منها إنك بتكون عارف ان الشخص اللي إنت حابه ومعجب فيه ما يبادلك الإحساس وهذا شي أكيد بيتعبك نفسيا وبتصير تحاول بكل ما تقدر تنال إعجابه وتخليه يبادلك الشعور,,,,,,,,,

غير كذا بيكون كل يوم يمر عليك وإنت عايش على الأمل هو يوم انت تضيّع فيه على نفسك أمل!!!!!!!,,,,,,,,,,
بمعنى إنك اذا حبيت شخص مثل كذا راح ما عاد تشوف عيونك غيره وما راح يجرب قلبك تيار غير التيار اللي هو اصلا منجرف فيه مع ان الأمل بعلاقه مع شخص آخر يمكن يكون احسن وافضل ويحقق لك كل أحلامك العاطفية ويمكن يمر عليك في كل يوم من ايامك أشخاص من هالنوع بس للأسف إنت هائم على وجهك ومتعلق بأمل ضعيف ويمكن يكون منقطع مع الإنسان اللي تحبه ,,,,,,,,,

وفيه عدة اسباب تخليني أشوف هالنوع من الحب سم على القلب بصراحة وعلى قولة الوالدة الله يخليها لي

( ما دريت عنك ياللي في الظلام تغمز )

لكن أنا عن نفسي اشوف في كل هالموضوع شي بريئ شي يمكن الواحد في فورة الغضب والحزن اللي عايشه وموت المشاعر البطيئ ما يلاحظه ألا وهو برائة الحب الموجوده ,,,,,

يعني انت تعجب بشخص بكلللل برائه ويزيد إعجابك فيه كل يوم عن يوم بعد بكل برائة الإعجاب تصير تنظر له كل يوم بعين بريئه جدا وانت تقول في نفسك الله ما اجملك ما أحلاك ما أحلا تعابير وجهك وما احلى نبرة صوتك وما احلى تعاملك مع الناس وما احلى المكان اذا كنت متواجد فيه وفجأه وانت هايم في افكارك و تتفكر في روعة المخلوق اللي قدامك!!! يلتفت عليك وبسرعه ترتبك وتلف وجهك للجهه الثانية : ) ,,,,,,,,,,,,,,,,,,,,

فيه بعد برائة الفكر والأحلام يعني يمر عليك الليل وانت تفكر بهالشخص وتبني في خيالك الكثير من الأحلام البريئه عن علاقة حب حلوه جميييله عذبه فيها الإبتسامة ما تفارق وجهك انت وحبيبك,,,,,,,,,,,,,,,,,,,,,,

يعني اقدر اقول انك تسوي فلم رومنسي ببرائه فكر وانت لسا اصلا ما تعرف رد فعل الشخص اللي انت معجب فيه وفي هالحاله أنا اقدر اسمي هالنوع من الحب حب بريئ وبكذا اكون كملت المصطلحات اللي تكون منها عنواني

( خــــنـــــجـــــر السُـــــــــم البريــــــــــئ )

اعذروني على الإطاله وعلى التعابير اللغوية الموجوده في الموضوع واذا كان عند احد منكم اشكال في التعابير اللغويه او عدم وضوح يقدر يسألني وكلي آذان صاغي

واتمنى تشاركوني وجهات نظركم بمثل هالنوع من العلاقات

وتقبلوا فائق تقدريري واحترامي
إنـــــــــــســــــــــان