ياكـيف بعتيني وأنا كنت شاريك= أقـعـد بشمس القايله وأنت بالظل
وياكيف تنسيني وأنا كنت أداريك= وإذا ذكـرتك دمـع الأعيـان ينهل
أقطف زهور القلب ياشوق وأهديك=ياكـيف تنسـي وقـت يالطيّبه زل
صدق الهوا والود ماعـاد يطريك= الظاهـر إن القلب من عشرتي مل
كـان الجفا والصد صارت مباديك=أنا عـن الأسـباب ياشوق أسـأل
الـود مـاهـو لعبة بين أيـاديك= ياجـاهله فـي عـالم الـود تجهل
وكـانك تريديني أجامل وأماشيك=لالا تريني ماأخـلف الطبع والـدل
يـابنت انـا لله يابنت اوصّـيك=من سـار في درب فلا بد يوصـل
لي عـادة من عهد الأجداد ذوليك= طـبيعة يـابنت مـانـقـبل الـذل
عندي شـموخ البدو طابت لياليك=نـذر عـليّ إهـانة النفس مـاأقبل
إن جيت وسط العين أهلا هلا فيك= وإن رحت من شربه من الماء أسهل
العرض العادي
