(من اخطائنا فى الحياة)0000
إنك تروح للمسجد بملابس رياضة أو قميص نوم بينما تروح لأخوياك بثوب مكوي وشماغ يقطر ( نشاء ) وطيب يشق الخشم !!!
(من اخطائنا فى الحياة)
إنك تتصل على خويك كل يوم وعادي تقعد معه نصف ساعة أو أكثر بينما عمك أوخالك أو عمتك أو خالتك لهم شهور ماسمعوا صوتك !!!
(من اخطائنا فى الحياة)
إنك تقعد بصكة بلوت ورى الثانية حوالي 4 ساعات أو أكثر بينما أمك عجزت تبي تقعد معك نصف ساعة !!!
(من اخطائنا فى الحياة)
إنك تشخص وتضبط شكلك عند الإشارة إذا شفت بنت بينما إذا شفت ( شنبات) عادي تلعب بخشمك وتهمل نفسك00
(من اخطائنا فى الحياة)
تدور بسيارتك بالساعات وماتخلي شارع ما ( شبرته ) وحفظته وكل هالدوران غالبا لأسباب ( طيش شباب) بينما أهلك لويبون مشوار ساعة وحدة قلت : ( الليموزينات واجد !!!)
(من اخطائنا فى الحياة)
إن شيريهان تسوي عملية والجرايد والقنوات ( تصجنا ) وتسوي مناحة بينما الشيخ السحيباني يقتل ونصف العالم مادروا !!!
(من اخطائنا فى الحياة)
إن اللاعبين والمطربين يكرمون ويغرقون بالخيرات بينما المشايخ ربك يستر ماينسجنون !!!
(من اخطائنا فى الحياة)
إن الواحد يضبط ساعته على الدوام بينما صلاة الفجر مايدري متى وقت أذانها !!! أخف شرا إنك ماتضبطها أبد
(من اخطائنا فى الحياة)
إن الواحد يشتري الأغاني بالشيء الفلاني ويسمعها بينما مستحيل يشتري شريط إسلامي ولو بثلاث ريالات حتى اذا اهداه احد شريط إسلامي سجل عليه ( بابا فين ) !!!
(من اخطائنا فى الحياة)
إن الواحد يشوف( الخطاء) ولايقول عنه ( خطاء)
اخوكم00 فتى الصحراء
العرض الشجري
