اسعد الله اوقاتكم احبتي
نصيحه
ان شاء الله تروق لكم
كل حلم وله نهايه وكل مجد وله ضريبه = وكل دوله له زمان وكل نجم وله مغيب
لاتظنك شيء ثابت انت في دنيا غريبه = والصراحه مو غريبه انت الي فيها غريب
كنت اظنك تفهم انه كل شخص وله نصيبه= يعني مهما كنت بلوى ماتطول الا النصيب
لو تحايل منت طايل من وراه الا الغليبه= والندم محصول حول من التحايل ياللبيب
لو تسمى في رجالٍ عز منهو يعتزي به= لاتظنه صار كافي قولتٍ ساسي عريب
النبيذ ام الخبايث كان في اصله زبيبه =شوف عاد شصار منهو كان في اصله زبيب
إفهم ان الطيب مطلب والرجل يرقى بطيبه= والمنافق شخص فاسق خايب وفعله يخيب
وإن قول الصدق يعني للرجل قدرٍ وهيبه = و الكذب خصله تعيبك عيب ماهو اي عيب
وفي النهايه كلمتين اقولها لك وانتهي به = بختمه مني نصيحه علها تلقى مجيب
لاتقول اني فعلت و خل فعلك ينحكي به =ولجل تكسب ود غيرك كن مع غيرك اديب
احترامي
بدر الشمري
العرض الشجري
