الطرقي

[وحيد الليل]

كان فيه شايب بذاك الوقت وكان بخيل وسافر هذا البخيل يبحث عن الرزق وكان في البلده اللي راحلها البخيل مطر وسميه وبرد وكان فيه رجال جالس عند بابه يتفكر في المطر ويذكر الله وشاف البخيل من بعيد وناداه وقاله وش عندك يالاخو من انت؟قال انا طرقي ورد عليه الرجال هلا والله ومرحبا بالطرقي اقلط وكان عليه ثياب متسخه ومتشققه وماكله البرد يوم قلط ويشبله الضو ويلبسه فروته ويلقى عنده التمر واللبن والعود والسمن ويوم شبع الرجال البخيل وتنهد قال الحين انت اكلتني وشربتني حتى فروتك لبستني من انت ؟قال انا الهر؟قاله البخيل وين جاك ذا الخير منه؟قال انا تزوجت وحدة تو رجلها ميت عنها وعندها دراهم؟قال البخيل صدق اللي سماك الهر وعرف البخيل وش يدور حوله يوم جاء الصباح رجع البخيل لبلدته واول من نصى السوق ويشتري مايلزم البيت من اغراض وينادي الحمالي ويحملها للبيت يوم جاء البخيل لبيته معه الخير والرزق قالت حرمته وش علامك يارجال وش فيك عسى ما فيك شي مهيب العاده 000قال اسكتي يامره
(نبي نبيد المــــال قبل مايجي للمــــــال هــــــر يبيده)