كل عام وانتو بخير وانا بخير ..على قول ابن علوش ..
هذي قصيده فيه بيت بالون الأحمر ابي اشوف تعليق عليه
هل هو صحيح معناه وإلا فيه خلل في المعنى ...( ما قلت وزن)
المعنى.. فيه كم واحد علق عليها وهي قديمه من سنتين يمكن.
بس اللي باللون الأحمر عارضني عليه كم شخص
لا قال بشـّر كيف حالك وأنا أخوك ..
أقول : ...يزقح من نشدته واعيدي..
ما يدري إن الساق غاصت على الشوك
وفي وسط عيني عبرتي وقت عيدي..
رديت باب ٍ للسعه كان مصكوك ...
بخدي ‘ ويدي ما تحسس لقيدي !
أثر العتب من ناس ما يوم حسوك..
كالجرح ..في جرح الجلود الجديدي
وش ذنب ذنبي ..يوم لكت القدر لوك
في كل مره أندثر حد جيدي..!
يا ضيقة المحتاج من ذل مبروك
رضيت باللي جاده الرب ليدي
يا خوك انا ما عندي رصيد ببنوك
بس ( الرجاء من ضيقه) أكبر رصيدي
ما همني وش كان ماكان بالبوك
عز ورخى ...وإلا الفلس يا عضيدي
دنياك كم خلت من ملوك / مملوك
ما كف كفه وارتضى بالمزيدي
وأنا لو اني بالخطا صرت متروك
آصيد ضعفي ما انتظرت لنقيدي
تلفتني ( الهذره ) من لسان مربوك
وتعجبني ( اللمحه ) من شفاة ميدي
سترك شرفك ..لبان ..لاصار معلوك
تعافه العالم ....ولو هو يفيدي
وإن كانت علومي بشاير وانا اخوك
بعض العلوم.....أكنها وسط كيدي ..