قصه الاسد والثعلب والنمر ههههههههههههههههه

[دبه تسوي رجيم]

في يوم من الايام قرر الاسد ملك الغابه يسافر

واصدر قرار بتعيين النمر مكانه ملك بالنيابه الين يرجع

المهم النمر ما يحب الثعلب و يتمنى يلقى فرصه علشان يضربه

اول يوم جلس النمر كملك بالنيابه للغابه قال ابي الثعلب يحظر عندي الان

الحيوانات راحت تدور الثعلب و قالو له النمر يبيك بسرعه

وصل الثعلب و سلم على النمر و قال : سمعا" و طاعه يا سيدي

الثعلب معروف ان الشعر الي يجي على راسه يكون مثل الطاقيه يعني مثل الهدهد

المهم النمر اول ما سلم الثعلب عليه ضربه كف و قال له ليش لابس طاقيه

قال الثعلب سيدي هذا شعري مو طاقيه قال مو شغلي ليش لابس طاقيه و كف ثاني

المهم استمرت الحاله هذي الين رجع الاسد من رحلته و جلس كملك للغابه يسمع شكاوي الرعيه

جاء الثعلب يشتكى من معاملة النمر و انه كل يوم يجيبه للمجلس و يضربه ليش لابس طاقيه

قال الاسد و لا يهمك يا ثعلب انا راح اتكلم مع النمر و اخذ لك حقك منه

الاسد استدعى النمر و جلسو بمكان منعزل عن الحيوانات و قال له

ما يصير تضرب الثعلب كذا من غير سبب

رد النمر و قال سيدي انا الحيوان هذا بالذات من بين كل مخلوقات الله ما احبه يقصد الثعلب

رد الاسد و قال طيب تبي تضربه لازم يكون فيه سبب ما تضربه من غير سبب

انا اقول لك كيف تضربه بسبب و ما احد يقدر يلومك لانك ضربته

قال النمر كيف يا سيدي رد الاسد و قال تجيب الثعلب و تقول له روح جيب لي تفاحه

طبعا" راح يسرع علشان يجيب التفاحه اذا جاب تفاحه حمراء اضربه و قول ليش ما جبتها خضراء

و اذا جابها خضراء اضربه و قول ليش ما جبتها صفراء و على الحال هذا انت كل يوم تضربه

النمر اعجبته فكرة الاسد و جلس يقول بينه و بين نفسه الاسد هذا حكيم

المهم بعد مده قرر الاسد يسافر مره ثانيه و هو يودع الرعيه و يعلن ان النمر هو الملك بالنيابه

جاء الثعلب يكلم الاسد و يقول طيب وش راح اسوي مع النمر

رد الاسد و قال لا تخاف يا ثعلب انا وصيت النمر ما راح يضربك مره ثانيه علشان الطاقيه

المهم اول يوم سافر فيه الاسد و النمر توه جالس ملك بالنيابه قال ابي اشوف الثعلب

جاء الثعلب و سلم و قال نعم سيدي قال النمر ابيك تروح تجيب لي تفاحه

طبعا" كلنا نعرف ان الثعلب مكار و خبيث على طول سأ ل النمر وقال يا سيدي وش لون التفاحه

النمر ما كذب خبر و ثار و قال بلا اسد بلا تفاح بلا حكمه بلا سبب راح اضربك

تعال يا ثعلب ليش لابس طاقيه و هات يا ضرب و ا لثعلب يقول الاسد وعدني ما تضربني

و ا لنمر يقول بلا اسد بلا تفاح بلا حكمه ابي اضربك بدون سبب .

بالله ما اعجبتكم القصه انا جدا" تعاطفت مع النمر تعب و هو يضرب ا لثعلب