الحمد لله إني ماني بــنـت .......

[ياكثرك]

من جد الله يعين البنات


اوول شي تلقى البنت تقووم الصبح تغسل وجهها وتطلع رايحه للمدرسه اوو شغلها


أول ماتطلع وهي رايحه يجيها(ترقيم) ترجع من المدرسه يجيها (ترقيم) طبعا ترجع تتغدى

وتنام تطلع العصر للسوق يجيها (ترقيم) تروح لبيت خالتها يجيها (ترقيم) تمرض وتروح للمستشفى

يرقموونها الدكاتره تصير لها مشكله في الشارع يرقموونها الشرطه تروح للجامعه يرقموونها الاساتذه

تروح للملاهي يرقموونها الهنود وإذا جاعت وراحت للمطعم رقمها معلم الشورما أبو شكيم

ولو صار لها معامله في مكان يرقموونها الموظفين حتى وأن راحت مع

أخوانها أو ابووها يجيها ترقيم بلوتووث وإذا كانت شينه الله يعينها خذ على ذب الكلام

إذا كانت عيونها صغيره يقوولون لها يالفلبنيه وإذا صار خشمها كبير يقوولون لها هذا خشم ولا فطر لازق بوجهك

واذا هي سمينه يقوول شف تقل ثلاجه أنواع التحطيم كنها ماتحس طبعا بعد هالبلاووي وفي أخر الشهر

تجلس البنت في البيت ويكوون معها 50 الف رقم من جميع طبقات المجتمع تجلس وتفرز الأرقام المميزه

من الطبقه المخمليه والأرقام شبه المميزه من الطبقه المهايطيه والأرقام العاديه من الطبقه الكادحه

وأرقام لغير السعوودين إذا بغت تغير طبعا منهم مخالفين لنظام الاقامه والعمل


بصراحه هالمشكله انتشرت أنتشار رهيب لدرجه أني شفت أولاد أعمارهم 12 سنه يرقموون أنا بدري

وش يقولها أذا كلم يقولها شفتي حلقه كونان الاخيره


الأسباب كثيره اللوم فيها الأكبر على الشباب وبعده على البنات لأنه لو مافيه تجاوب من بعض البنات


ماكان انتشرت كذا.


ياليت كل واحد يشارك في سبب من أسباب أنتشار هالظاهره التي اجتاحت مجتمعنا بشكل خطير.

[أمولي]

مشكور أخوي؟؟؟؟
مع إني بنت ((( وراعيتها)))
أول شي لما تفكر ان البنت تكون في حالها يجون يبلونها هالشباب لأن مافي أحد يفكر لو كانت إللي تترقم اأمك ولا أختك ولا عمتك أو خالتك وش بيكون شعورك يعني أنا لما أشوف أنا الرجال هم إللي يبلون الحرمه في الروحه والجيه وعلى السالفه إللي قلتها فوق البنت مو باقي عليها وتكتبه إلا إذا حلمت بواحد حلو يرقمها بالحلم ولمى تقوم من النوم تلقى الرقم جنبها ومكتوب أخر شي (((انا إللي كنت بالحلم )) مأقول مافي بنات هم إللي يخلون الشباب يركضون وراهم من اللثمه و غيرها والبنات أعلم بذا الشي بس مأقول غير الله يستر على بنات هالديره
تقبل مروري المتواضع مع تقديري

[ROPY]

السلام عليكم ورحمة الله وبركاته،،،،،،،،

يعطيك العافيه ع الطرح المميز والرائع،،،

تقبل مروري مع خالص تحياتي،،


ودمتم

روبي

[شوق العبير]

مشكور اخوي
وبصراحه فيه اسباب كثيره ومن اهمها جهل كل من الشاب والبنت بتحمل المسؤوليه وعدم استخدامهم لثقة اهلهم فيهم والبنات فيه بعضهم خفيفات ماتعرف كيف تحافظ على نفسها في الطالع وفي النازل ماخذين ارقام لا وبعضهم قلوبهم كأنها عماره يسكنون كثير فيها

طبعا هذا كله من الفضاوه وفقدان الحنان

[رجل من ماءالذهب]

صراحة الله يعينكم يالبنات ....
وانا ما اقدر اتكلم بالشي هذا لأأني ولد مو بنت ....
لكن لكل جنس ايجبيات وسلبيات ....وهذا احد السلبيات .....



تسديدة خارج الملعب :

.ولا تدري خله من الايجابيات عشان يصدقون نفسهم البنات انهم نجمات اعلاميات ههههه

[مرهف احساسه]

صراحه الله يعين البنات
بس من اسباب انتشار الترقيم
بعض البنات قامو يمصخوها ** بعض البنات ** مو كلهم لايروحو يزعلو مني

[فطوومي]

لا لا ياكثرك مو لهدرجه عاد والله انا الحمد لله مبسوطه اني بنت وماافكر اكون غير هيك صحيح مثل ماذكرت انو في شي من هالوضع ومضايقات وتصير كثير ... خيووو هالشغله من عام الف وتسعميه وخشبه وهي تتكرر مع تنوع الاساليب وتطور ردود الافعال يعني بالاول البنت تخاف وتموت من الرعبه لو اتصل احد غريب ع البيت وكل اتصالاتها ع البيت الحين تغير الوضع وصار صار لها رقمها الخاص وممكن اكثر وبهالنقطه اقصد انو قلت الرقابه طريقه تربيه واسلوب العيشه كمان تغيرت اول البنت ماتطلع من البيت الا نادرا والحين فيها تطلع لدراسه للزياره وغيرها كثير ممكن مع اهلها اوصاحباتهاوممكن بدون ,الفراغ العاطفي اللي يعيشها المراهقين واندفاع المشاعر الناتج عن لخبطه في الهرمونات كلها تأثرو شخصيه البنت وكيف تشوف حالها تسهل هالسلوك وتقلل منه..والشباب وعيونهم الزايغه << لازم تحش وماننسى طريقه الترقيم اول كانت صعبه وممكن الواحد يتقطع ويجيه تشنج عشان يوصله والحين الوضع اختلف بكبسه زر ويوصل :)

ثانكس خيوو وتقبل مروري..

[cool-girl]

مساء الخير
صح اني بنوووتة بس راح اقول الصراحة
مو اي بنت تترقم
يعني اللي تترقم هي اللي جابته لنفسها
لا تلومووون الشباب
البنت اذا جات خارجة تلاقي ريحة العطر لآآآآآآآآآآآآآآخر الشارع لا والله لآخر الحي بعد وماتدري ان الرسول عليه الصلاة والسلام ذكر بانها زانية
والكحل اللي حاطته لآخر وجهها يجذب الرجال
ناهيك كمان عن العبايات المخصرة والموديلات اللي طالعة
انا ما اقول اللوم كله عالبنت بس اكثره لان الولد اذا شاف كل هذا كيف بيتحمل
يعني البنت لا جات خارجة مول او مكان عام تتحشم وتتقيد بالضوابط الشرعية اللي الله عز وجل وضعها حماية لنا (يعني لاتتعطر ولاتتمكيج كانها رايحة لعرس ولا تخصر عبايتها وصدقني ماح راح يقرب منها )
وكمان الاولاد الله يهديهم لو يعقلوون ويتزوجوون احسن لهم من الترقيم
سامحني ياكثرك
كلامي كتييييييييييييييييييير ازعجتك
تسلم على روعة الطرح
تقبل مروري
كوووووووووووووووووووووووووووووول الود

[المازنِي]

[align=right]
.

.

.

السلام عليكم ورحمة الله وبركاته

أخي الكريم ياكثرك

لو أن كل شاب يمارس مطاردة بنات الناس ومحاولة ترقيمهم

وضع في اعتباره المثل {كما تدين تدان} لما أقدم على مطاردة الفتيات ..

ونعود الى الفتاه نفسها صاحبة المعاناة

أن كل فتاة في يدها لنقل كرتين أحدهما أحمر والأخر أخضروالمقصود هنا بتصرفاتها

فالكرة ألأحمر يمثل التزامها بحجابها وأدبها في مشيها وكلامها

فيكون نصيب المتسكع الطرد والرفض ..

أما الكرة الأخضر فهي دعوة مجانية للمعاكسة وأن لم يصل الى مبتغاه

فيكون هناك نظرة على أقل تقدير وذلك بعدم التزامها بحجابها و حشمتها وأدبها في كل تصرفاتها

ولك فائق الأحترام والتقدير

.

.

.[/CENTER]

[இم ــلإأكـ ..الروًٍحًٍஇ]

الحمد الله اني بنت ،،


،

،

اخوي ياليت السالفه تقتصر على الترقيم وبس للاسف اتطورت السالف لشي اكثر من كذا

الله يستر علينا بس ،،،

والبنت اذا خرجت من بيتها محترمه ومحتشمه محد راح يكلمها ..

والله يافي بنات تطلع من بيتها كنها رايحه حفله ولاعرس انا لي بنت زيها

تلفت نظري اجل كيف الشباب .. الله يصلحهم بس

،

،

،

تسلم خيو عالى الموضوع

ولاعدمناكـ،،

ودي ووردي ،،،

مــــــــــلاك