آخــــــــر كتاباتي‘
ياخل ماهو ذل لاجيت اراضيك
ولاهو كبر كاني طلبتك تراضي
دام أصلك يحدك تعوًد لماضيك
أجعل حبيبي حبنا فيك ماضــي
وأن غبت عوًد ماني والله ناسيك
مابي من أصناف العذارى عواضي
شفق غروبك ماهو عندي بمنهيك
بتشرق بنور من محياك ناضي
كيف الجروح من المجاريح تغريك
تجرحني وتسعف جروحي بهياضي
ماتدري اني ميت وحي أنا فيكـ
وشربتني من الموت ورد الحياضي
أن قلت لك اني بوقت ناسيك
كني حرقت الما أو الديك باضي
ولاني بحارق ماء ولابايض الديك
وأنا ونسيانك ترانا نقاضـــــي
حبن جمعنا مزج مافية تفكيك
مانبدل الاشواق حقد وبغاضي
عيشني برياضك وبالجمر بكويك
واصلاني بنارك وعيش برياضي
أطهر محبة تنضرب فيني وفيك
نزعل ويطغى عالقلوب البياضي
مـــرة تقاضيني ومـــرة اقاضيك
وشوق وحنان وحب دستور قاضي
هذي المحبة جنون من دون تشكيك
ضيق الوساع وصدر خلك فياضي
ياميرتي بأرضيك 00بارضيك 00بارضيك
ولو هو رضى قلبك عذابي وغياضي
ولو هو فراقي برضيك ثم ببكيك
وعزاي صبري لاذكرت انت راضي‘
رائـــــــــــد النايفـــــــــــــــــ,‘
1/7/2007
العرض الشجري
