كل ما مسكت القلم وجيت أكتب بيـت
نسيت بيتي وذكرتك يلـي فـي بالـي
وكل ما نويت أبتدي بقصيدة لي حسيت
إنك معي في قصيـدي دوم يالغالـي
رغم الغياب ورغم كل إللي بي سويت
تبقى بعيني عزيـز ومنزلـك عالـي
والله ويشهـد علـي الله رب البـيـت
عمر الزمن ما يغير شي مـن حالـي
حبك بقلبي ومعي لاأصبحت ولاأمسيت
محفور داخل عروقي ويشبه إظلالـي
لو كنت تدري بغيابك كم أنا عانيـت
ما كان تركت الألم يسهرنـي ليالـي
ولوشفت حالي بغيابك كان والله إبكيت
من كثر همي وضيقي كثرت أهوالـي
أنسى وأرد أفتكر..وأروح وثري جيت
وشلون مدري....ولكن هذي أحوالـي
لا شفت راحة ... ولا بيوم أنا إهتنيت
ودي عليك أتطمن يـا أغلـى آمالـي
وكل ما مسكت القلم وجيت أكتب بيت
طاح القلم من يديني...وإنت في بالـي
>> سموه المشاعر <<
يلـي فـي بالـي!!
العرض العادي
