السلام علييكم
في تماسيح ياجماعة الخير اخذين بأنفسهم مقلب يعني رايحين فيها وبدون ما نظلم تمساح ونفضل واحد على الثاني حبيت بس انقل لكم بعض من أنواع التماسيح على الماسنجر وهم كثير وإعدادهم فاقت كل التوقعات وكل الافتراضات اللي حطوها منظمة ( البنات أحلى وغيرهم يبلى ) ما أطول عليكم أول نوع:
1/ التمساح المستخف:هذا الله يعينج عليه لو انج ضفتيه عندج مثل اليني ليل على نهار موجود وتوج داشه(( تسجيل دخول)) نط لج جنه قطوه وكلامه ما يخلص كل ما تبين تكتبين شيء كلمج عن شيء ثاني ما يعطيج وقت تتنفسين (ماعندة وقت يعني )
2/ التمساح الثرثار :هذا لو ضفتيه يعني الله يعينج على نفسج ييييييييه كلامه ما يخلص رحت السوق الفلاني وبنت شافتني اعجبت فيني ، ضحكتلي ، طلبت الرقم ، بس انا ما عطيتها ويه والأخ في الله ماخذ مقلب كبيييييييييير
3/ التمساح المغرور:اما هذا عايش في كوكب ثاني بروحه ومن كلامه ،، بنت خالتي تحبني ، أنا أحلى صبي في العيلة ، أنا وحيدامي وابوي ، أنا رح اسافر في الويك اند لبنان ( حلوه هذي الويك اند) وبنت عمي خطبتها وهيه رفضت ولكن هيه الندمانه والوالد جبرني عليها وانا ما ابيها وأنتي يالمسكينة دماغج بنفجر من هالكلااام وهذا لماادشين يتركج نص ساعة وبعدين يقولج (هاي .. وينج ..توج داشه ؟؟ تصدقين اني ما شفتج ) وهاتك يا فرش ............
4/ التمساح الجدي:هذا يخليج تعتزلين النت بكامله هو هو كلامه هوهو ما يتغير ويكلمك عن قصة زواجه الفاشلة ومديره في العمل وانه انسان مضطهد وانسان كتوم وانسان متفاني وانتي اللي طلعتيه من وحدته ويييييييييه تنامين وتقومين وهو لحين يتكلم في نفس الموضوع
5/ التمساح العربجي:هذا تموتين ولا تفهمين من كلامه شيء الا لو كنتي بنت حواري عاد ساعتها وافق شن طبقه هو صحيح في بعض كلامه يضحك لكنه سوسة مثله مثل غيره من التماسيح يشتمك وانتي تضحكيله .......
6/التمساح الطفولي:لو تكلمينه نونو كان ابرك لج من انج تكلميهنه كل ما تقولين له كلمة يزعل ويقول للماما وعلى طول بلوك وديليت ويكلمج كل كبيرة وصغيرة في حياته كأنج امه وانتي ما تدرين
7/ التمساح الرومانسي
هذا الله يعينج كتفه اليسار من كثر الكذب وتفليت الكلام الفاضي وكلماته معروفه وقاموسه واحد ومعروف
( عمري وينج ) & (قلبي واحشتيني موت)& (حبيبتي) (يا بعد هلي وطوايفي) ولو مزحتي معاه واعطيته وجه ( اموووووت انا ) & (عسل والله عسل)
ولو كان من اهل الرياض راح يقولج ((بعدي ))
ولو كان من اهل جده راح يقولج (( احبك))بضم الباء
ولو كان من اهل مصر راح يقولج ((ياحبيبه ألبي بحبك اوي))
ولو كان من اهل حضر موت راح يقولج ((احبش))
ولو كان من اهل الامارات راح يقولج ((ياااغناتي))
ولو كان من اهل الكويت وقطر والبحرين راح يقولج((احبج))
ومن دووووون زعل
باااااااي
أنواع التماسيح في الماسنجر خخخخ
العرض العادي
