اغدريني وعلميني ياهوى كيف اغـدرك
علميني كيف ابقتل هالمشاعر في مهدهـا
-
علميني كيف الملـم ذكرياتـي وانثـرك
علميني عن طعونك لو تمادت في نكدها
-
علميني يالبعيدة لو صمـودي يكسـرك
علميني بالمقابر وش تخبـي فـي لحدهـا
-
علميني .. وعلميني .. وعلميني انكـرك
وانكريني لاجل اعزي هالمحاني في ولدهـا
-
ياضمير الغايب الي لو تهجـى اسطـرك
ماتلعثم في فراقك لو مماته فـي صددهـا
-
ياغرام العاشق افرض لو يفكر يخسـرك
ماتوانى عن نوايا قد تبرت من جسدهـا
-
يارفات الماضي اسمع لو طموحه يقهـرك
مايحده عن طموحه لو حياته مانشدهـا
-
يابقايا الحلم لحظة ! عن جروحي باشكرك
لو جروحي يالبقايا ماتداني من وقدهـا
-
ياسراب العمر يكفي ماتبقـى يعـذرك
من ليالي ماتخلت عن ظلام اشبع سهدها
-
باختصار الجرح عاري لو زمانك يسترك
والمحاني ياحبيبي ماتسـاوم فـي عهدهـا
وســـــــلامتـكم ,,
العرض الشجري
